У чытальнай зале рэдкіх кніг і рукапісаў арганізавана выстава “Радзіма, прымі маё шчырае слова”, прысвечаная 120-годдзю з дня нараджэння вядомага беларускага паэта, вучонага, грамадскага і культурнага дзеяча, акадэміка НАН Беларусі Пятра Фёдаравіча Глебкі (1905–1969).

🔻Экспазіцыя складзена на падставе матэрыялаў з яго асабістага архіва, што захоўваюцца ў аддзеле даследавання рукапісаў Цэнтральнай навуковай бібліятэкі НАН Беларусі, і распавядае пра жыццёвы і творчы шлях літаратара і арганізатара навукі.

🔻Сярод экспанатаў пэўную цікавасць выклікае і літаратурны твор за подпісам Лукаш Бандылевіч. Лукаш Бандылевіч – калектыўны псеўданім двух літаратараў, П. Глебкі і П. Броўкі.

🔻Гэты творчы і сяброўскі тандэм натхніў вядомага беларускага скульптара Заіра Азгура на стварэнне жартаўлівага малюнка пад назвай “Пратаплазма Бандылевіча”, які можна ўбачыць на выставе.

🔻Выстава знаёміць з аўтабіяграфічнымі дакументамі фондаўтваральніка, асобнымі ўзнагародамі і віншавальнымі адрасамі.

🔻Своеасаблівым завяршэннем экспазіцыі можна лічыць прадстаўленую кнігу “Пясняр мужнасці: Кніга пра Пятра Глебку” (1976), дзе сабраны ўспаміны розных асоб пра П. Ф. Глебку – пісьменніка, навукоўца і чалавека.

➡️Падрабязней на сайце.

🇧🇾Сотрудники НПЦ по биоресурсам приняли участие в культурно-патриотической акции на Площади Победы "Календарь памяти. Книга памяти", которая проходит ежедневно с 22 июня по 3 июля в преддверии Дня независимости Республики Беларусь.