طيب اصلاً انا تخليت عن احلامي..
ما اريد اسافر الى ماليزيا ..يكولون حلوة وساحل ازرق وغابات خضراء استوائية!
يمكن شوية جبال وخضار في البلد بيكفي .. لا لا بطلت احلم..
كنت اريد سيارة جارجر..
اي سيارة جارجر.. كنت افكر راح اشتريها لما اتعين .. لا اقصد لما اشتغل .. كنت بحبها مثل حبي للبرياني وعطور باربري..
اصل هو اني عندي شهادة هندسة.. اسمي مهندس.. هههه اي مهندس..
وصديق والدي وعد ان يشغلني في شركة..
وكنت ابني احلام كبيرة على هذا الشغل .. منها السفرة ومنها الجارجر.. ومنها سلمى جيرانه..
سلمى شابة حلوة..
كنت دائما اشوفها واني راجع من الدوام..
طولها الحلو ووجهها الابيض وعيونها الزرق..
كانت هيج تتمشى بانوثة وقلبي يميل كلما تتمايل ..
ااه خلص راح احكي مع اهلها ..
بس ياترى تقبل؟ لو انتظر اشتري الجارجر؟
ياترى راح تحبني .. انا احبها نعم نعم .. ولما كنت اشوفها وهي تغسل باب البيت يتعدل مزاجي..
راح تحبني اكيد.. اصلا انا مهندس واستاهل مثل الاخرين..
افكر ولادي شلون راح يكونون.. ملونين مثلها .. لا طبعا راح يكونون مثلي سمر.. لكن ما يهم .. يهمني سلمى..
يا ترى راح تقبل سلمى؟
بس بلاش .. هو اني بطلت احلم ..
بطلت اوعد امي اني راح اخذها للعمرة ..
بطلت اوعد والدي اني راح اهتم باخوتي بعده..
بطلت احلم اني راح اشتري بيت لسلمى .. وراح نعيش وحدنا.. وراح نربي اولادنا بهدوء..
بطلت اتنفس اصلاً .. يمكن عندي كم يوم تحت هذه الانقاض وراح اموت..
ابوية مات ..
امي ماتت..
واخوتي كانوا جالسين في زاوية السرداب عندما سقط الصاروخ..
اكيد هسه ماتوا ..
مااكدر اتحرك .. بس عيوني.. وهي ايضا دخل بيها الغبار..
اعرف!
انا راح اموت لكني تذكرت ..
تذكرت كلشي ..
تذكرت وتسألت هل انا استحق الحياة؟
حتى لو لكم يوم اخر او لساعات اخرى..
ياترى سلمى ايضاً تحت الانقاض؟
#اصدقاء_فقدتهم_تحت_الانقاض
#تحرير_الموصل
ما اريد اسافر الى ماليزيا ..يكولون حلوة وساحل ازرق وغابات خضراء استوائية!
يمكن شوية جبال وخضار في البلد بيكفي .. لا لا بطلت احلم..
كنت اريد سيارة جارجر..
اي سيارة جارجر.. كنت افكر راح اشتريها لما اتعين .. لا اقصد لما اشتغل .. كنت بحبها مثل حبي للبرياني وعطور باربري..
اصل هو اني عندي شهادة هندسة.. اسمي مهندس.. هههه اي مهندس..
وصديق والدي وعد ان يشغلني في شركة..
وكنت ابني احلام كبيرة على هذا الشغل .. منها السفرة ومنها الجارجر.. ومنها سلمى جيرانه..
سلمى شابة حلوة..
كنت دائما اشوفها واني راجع من الدوام..
طولها الحلو ووجهها الابيض وعيونها الزرق..
كانت هيج تتمشى بانوثة وقلبي يميل كلما تتمايل ..
ااه خلص راح احكي مع اهلها ..
بس ياترى تقبل؟ لو انتظر اشتري الجارجر؟
ياترى راح تحبني .. انا احبها نعم نعم .. ولما كنت اشوفها وهي تغسل باب البيت يتعدل مزاجي..
راح تحبني اكيد.. اصلا انا مهندس واستاهل مثل الاخرين..
افكر ولادي شلون راح يكونون.. ملونين مثلها .. لا طبعا راح يكونون مثلي سمر.. لكن ما يهم .. يهمني سلمى..
يا ترى راح تقبل سلمى؟
بس بلاش .. هو اني بطلت احلم ..
بطلت اوعد امي اني راح اخذها للعمرة ..
بطلت اوعد والدي اني راح اهتم باخوتي بعده..
بطلت احلم اني راح اشتري بيت لسلمى .. وراح نعيش وحدنا.. وراح نربي اولادنا بهدوء..
بطلت اتنفس اصلاً .. يمكن عندي كم يوم تحت هذه الانقاض وراح اموت..
ابوية مات ..
امي ماتت..
واخوتي كانوا جالسين في زاوية السرداب عندما سقط الصاروخ..
اكيد هسه ماتوا ..
مااكدر اتحرك .. بس عيوني.. وهي ايضا دخل بيها الغبار..
اعرف!
انا راح اموت لكني تذكرت ..
تذكرت كلشي ..
تذكرت وتسألت هل انا استحق الحياة؟
حتى لو لكم يوم اخر او لساعات اخرى..
ياترى سلمى ايضاً تحت الانقاض؟
#اصدقاء_فقدتهم_تحت_الانقاض
#تحرير_الموصل