لم يقرر احد ان يغوص للعمق الذي اقبع فيه، او ان يشعل مصباحاً في غرفتي المظلمة تلك ولا حتى أن يأخذ بيدي عبر شارعٍ مزدحم. لقد كان الدور معكوساً ومع هذا كنت الصفر على اليسار بالنسبة للكثيرين. ورغم ذلك فإن الشيء الوحيد الذي يجعلني استمر بما انا عليه هو الحب. الحب الذي نمنحه لمن حولنا، الذي نمنحه لانفسنا، لعملنا، ولوحدتنا. الحب ذاته الذي يمنحنا كل هذه الطاقة والروح لكي نقاوم التغيير نحو الاسوء او لتحمل هذا العالم البائس.

#مهند_الريكاني

أطلقت مركبة فضائية تابعة لوكالة الفضاء الاوربية التي سميت (Rosetta) في شهر نوفمبر/ تشرين الثاني من العام 2014 مسبارًا صغيرًا إلى سطح المذنب تشوريوموف-جيراسيمنكو/67بي لالتقاط بعض الصور له، وهذه أول مرة يستخدم فيها مسبار روبوتي لالتقاط صور للسطح الحجري للمذنب، وأرسل المسبار مجموعة من الصور لسطح المذنب.
هذا فيديو ادناه لسطح المذنب...

واذا اردت ان تعرف اين يقع المذنب ادخل لهذا الرابط الجميل وسيظهر لك كل المعلومات والمسافات والسرعات.
http://sci.esa.int/where_is_rosetta/

المصدر: مرصد المستقبل

البعض ينظر الينا على اننا ابناء البارحة وابناء اللحظة ولا يعلم اننا ندخلُ مخاضاً عسيراً مع افكارنا وتجاربنا في كل حين لنولد من جديد.
من الظلم والسطحية ان يعمل البعض كألة التصوير ، يلتقط صوراً واحداثاً معينة من حياتك لتتوقف صورتك في ذهنهِ دون تغيير على مر الزمن.
الانسان ابن تجاربهِ وافكارهِ ومع كل فكرة جديدة يولد انسانٌ اخر ربما يكونُ مغايراً تماماً عن السابق.

#مهند_الريكاني

صباح النور صديقي العزيز .. شكراً لمحبتك ..

يوم الاربعاء ما داومت بالجامعة معندي محاضرات مع الطلبة صديقي ~ رغم اني لا اعرفك اذا كنت تحتاجني بشيء فأنا حاضر.

#مهند_الريكاني

بينما تُفكّر انت في من مضى، فان من مضى بدء او اصبح مستقبل احدهم.

دوام النظر للخلف يجعلك تصطدم بأقرب عمود امامك للواقع. لذا تدرب على تجاهل ما وراءك وانشغل بماهو امامك.

#مهند_الريكاني

السلام عليكم صديقي العزيز..
فقط للامانة والمصداقية معك ومع المتابعين اقول انه كلامي هذا مو مقياس ولا شرط وايضا مو معنى هذا انه اني افتهم بكل المواضيع الاجتماعية لان ما تحكمها قوانين ثابتة. الكلام ادناه يعبر عن رأيي فقط.

صديقي الحب شيء حلو كلش وجميل وانت تحب البنية وصادق معاها وتريد تتقدملها هذا شي يدل على صدقك وصفاء نيتك. انا اقول انه الاتي:

• اذا البنت تداوم معاك ممكن تنتظر تراقبها تشوفها واذا اقتنعت بعد اكثر ممكن تكوللها انه تحبها وتعطي فرصة تبقون فترة تعرفون بعض ثم تخطبها.
• واذا لا ما تداوم فلازم انت تحجي معاه اولا ولعدين تسأل الي يداوم معاها مثلا بصورة سرية وتشوف شيكولون (ولو هذه الطريقي برأيي ما تعطي صورة صادقة 100% عن الشخص ولهذا انا افضل الحب وهذا رأيي شخصي).

مدام تحبها لا تضيعها اذا حالاتك زينة اتقدملها والله يسهل اكيد ان شاء الله تكون من نصيبك وكل واحد يحب يصل مراده.

تحياتي
#مهند_الريكاني

شكراً اختي نورهان وهذا احسبه والله كثير لا نصل لمقام الوردي ومع هذا فإن هذا يفرحني حقيقة من ناحية ان هناك من يقدر طرحنا ويؤمن به.
وبالنهاية هذه هي الحياة نساهم بها بالصورة التي نراها نحن صحيحة.

فى زمن طغت فيه المادة على العقول والقلوب وأصبح فيها الانسان سلعة تباع وتشترى ويتم المتاجرة بها من أجل المصالح والمنافع المادية، يحتاج الانسان الى العودة للبحث عن عنوان انسانيته والسعى نحو تحقيق الغاية والهدف الحقيقى من وجوده..

#مهند_الريكاني

لم يكن الهدف من نشر منظومة اخلاقية هو ان تضع نفسك في برجٍ عاجي تطل به على الناس لتتهمهم في اخلاقهم واعراضهم،ولكن الهدف ان تكون ذاتك ان تثبت ما تؤمن به من اخلاق حميدة بعيداً عن التنابذ.

#مهند_الريكاني

ونحن المتفانونَ يا صديق مطالبون بأن نتشبث بالحياة لآخر رمق وآخر لحظة على غير ما يحاول اولئك الذين يدعون أن الدنيا لا تستحق التشبث ولا خير فيها.

#مهند_الريكاني

#عيد_العمال

مرة والدي جان يشتغل مقاول فجان اكو عمال تحت ايده فجت فترة بعد فترة السادس العلمي عجبني اروح معاه
رحت هناك كلها كامت تدللني تدري ابن مقاول وكذا بس بعدها بفترة كمت اعرف ليش كلها تحترم والدي وعن طريقة يحترموني!
وقتها جان المقاولين معروفين بيناتهم والفلوس الي ينطوها للعامل والاكل الي يجيبوا وكذا وكذا ايضا معروفة وصايرة مثل Standard بينهم ولكنهم مو متفقين عليها وانما السوك هيج صاير عادة ولكن والدي كسر هاي العادة بعفوية. جان ينطي للعامل اكثر من السوك جنت اسأله ليش جان يكول خطية هذول يرجعون بتكسي فشنو يبقى من اليومية وبيتهم بعيد وجان الاكل يجيبه وكأنه عنده عائلة مدللهم بوقت جان معروف اكل العامل بالشغل لفات فلافل اغلبها وهيج سوالف.
وقتها العمالة كلها كامت تجي لابوية وصارت مشاكل والمقاولين اشتكوا وكالوا ميصير هيج تداريهم وكامو يزعلون قسم منهم!!
لكن والدي ما تراجع لسبب بسيط انه والدي ما جان يكدر يتعامل بعقلية رأسمالية انه فقط يأخذ الربح ويستهلك العامل جان يكولي بابا هالفلوس طلعتلنا كافي حمدلله نعيش بيها مو الا نحقق كذا مبلغ والمهم انه العامل يرجع راضي علينا ما يدعي علينا ، مجان يكدر يتعامل معاهم برسمية لانه مقاول ، مجان يكدر يجيب اكل النا بالشغل وحدنا اكل زين والعمال هناك يدرون بينا جاي ناكل كيمر وجبن ، كان والدي عفوي التعامل وانا ورثت هذا الشيء ما يقدر يتصنع او يعامل برسمية دائما وقسوة اني افهم والدي كلش زين من خلال تربيته النا وتعامله معانا ودلاله النا.
وكذلك كان ويعرف انه اكو عمال عايشيين عاليومية واذا ميطلع اليوم تصيرله مشكلة فجان يطلعهم ينتقيهم ويساعدهم. والدي لعب دور كلش كبير بحياتي واغلب القيم اخذته منه حتى صرت بالصورة الي انا عليها اليوم.
فقط املي هو ان يباوعون المقاولين او صاحب عمل او مدير للعمال بعين الرحمة ، ترى والله اكو ناس وقصص مؤلمة ، شنو ذنب بنت او ابن عامل خطية يروح للابتدائية بملابس مهترئة مع ابنك الي يلبس وياكل اطك شيء هذول هم الهم حقوق ويجوز يكونون مبدعين بس الظروف قهرتهم. شنو ذنب العامل يرجع للبيت خطية ميكدر يشتري فواكه لاهله لان اليومية مالتة لازم يدفع حق الاشتراك مال ابنه وبنته الاخرى تريد تطلع سفرة مع صديقاتها بالمدرسة بس تستحي معدها. انا حقيقة اعاني دائما من هاي الامور واحيانا ابكي لبعض حالات لكن للاسف ما ينفع الا ما نقدر ان نساعد بمقدار يسير لناس محددة.

#مهند_الريكاني

وعليكم السلام والرحمة

طبعا بالنسبة لتطوير الذات امر مهم ومطلوب مو بس تطوير وانما تحديث مستمر لكل ما نملك من افكار ومهارات مع تغير العالم.
بالنسبة الك اني معرف شنو اهتماماتك حتى على ضوئها اقدر انصحك باشياء اشوفها تناسبك. عموما انا اقول غلط الشخص يقول ورا التخرج اطور نفسي اكبر غلط.
انا كنت كل عطلة في الكلية اخلي جدول واطور نفسي بامور اشوفها مهمة واستمر وايضا الجامعة مكان وفرصة لتطوير الذات ايضا.
بالنسبة الي التطوير يعتمد على نوع الهدف الي تريده لكن اذا كان هدفك دراسات فلازم لاز لازم تطور نفسك باللغة الانكليزية وهذا انا اشوفه فرض على الجميع. اضافة الى تطوير مهارات البرامج الحاسوبية مثل المايكروسوفت اوفيس الورد الاكسل وغيرها اضافة الى برامج التصميم فوتوشوب وكورل وغيرها.
ايضا اخليلي وقت اقرأ اتثقف من ناحيتين:
• ناحية التخصص اقرأ باختصاصي شكو شيء جديد وكيف اطور نفسي بحيث امتهن حرفة باختصاصي.
• ناحية الثقافية وهو القراءة بصورة عامة.
واذا كان هدفك تدرس دراسات عليا فممكن تتهيأ من هسه وتقرأ شوية.

#اجابات
#مهند_الريكاني

لكل شئ "ظاهر" و "باطن" ...
فاذا اردت الحكم ب"بحكمة" على امرٍ من امور السياسة, ف إياك ان تتطرف فى انتمائك!
لان ما تراه امام عينيك هو مثل "الكعكة الجاهزة للاكل التى دُس بها السم "!
فلا تكن جاهلاً وتكتفي بأكل الكعكة مجهولة المكونات بشراهة!!
فخفايا السياسة تتمثل فى ما يحدث من تحضير قبل ذلك "المشهد العلني الساذج" !
وما من احدٍ منا يتلذذ باكل الدقيق فقط او البيض النئ فقط ...او السم فقط! والسياسة مزيج من تلك المكونات "الا" اذا مُزجت و "وضعت" فى "النار"!
اقرأ لتعرف المكونات, قبل ان تموت "مسموماً" , او تعيش "تابعاً" للأخرين!

السلام عليكم

شكراً لك صديقي على الكلام. وانا قلت سابقاً انا ما تهمني عدد المتابعين ولا كم من يشاركني او هل اصبح رقم المتابعين الف او الفين او اكثر. الي يهمني فقط هو ان من يتابعني يتابعني عن قناعة وان الي اكتبه يقرأ ويناقشه وينتقده او يؤمن بي واذا شخص او شخصين استفادوا كافي ولكن انا اطمح للمزيد. والشهرة ليست غاية بحد ذاتها حتى اطمح اليها وانما هي وسيلة لتحقيق غاية وهي التأثير والارتقاء لمستوى اعلى.
انا اكتب من عام 2006 وبدأت اكتب بشكل فعلي من عام 2008 ويمكن اقدم من تكثر المدونين الي اشتهروا ولو ردت كان اشتهرت وقتها بوسائل واساليب رخيصة ولكن هذه ما كانت غايتي ولن تكون.
كلنا لنا اهتمامات عدة ولكن ايضا لدينا مسؤولية تجاه مجتمعنا تجاه بعضنا مو لان دتصير شريف وفيلسوف براس الناس فقط وانما انت وانا نحتاج الشعور بالمسؤولية هاي حتى نرتقي الى مجتمع افضل مثل دول العالم. لهذا جزء من اهتمامي من زمان هو الوعي والنهضة والارتقاء واغلب كتلباتي تصب بهذا الجانب وانا لما اكتب فانا احتاج ان اكتب وليس الامر نابع من الشعور بالترف وانه اكتب فقط لاجل الكتابة.

لما تكون صاحب قضية ومبدأ وفكر راح تكون صادق امام نفسك وامام الاخرين وراح تشوف هواي امور صعبة تسويها الناس تسويها انت بسهولة.

تحياتي
#اجابات
#مهند_الريكاني