ومثل موت النخل بالكاع
يموتون الزلم وكفه..

#كاظم_خبط

💔🥺

نموت كي يحيا الوطن..
يحيى لمن؟
لابن الزنى؟
يهتكه،ثم يقاضيه الثمن
من بعدنا يبقى التراب والعفن
نحن الوطن
ان لم يكن بنا كريماً أمناً
ولم يكن محترماً
ولم يكن حراً
فلا عشنا،ولاعاش الوطن..

#احمد_مطر

لاتفرح بدمنا لايلكطاعي
صويحب من يموت المنجل ايداعي..

#مظفر_النواب

اذا شگو هويتك واعتدو عالبيك

شيل آدم هويه وكلهم انه انسان

لطيف العامري

غريب العود هذا الواج

وغريبه جدحة الشخاط

عبد الكريم القصاب

هاا يا وطن 🇮🇶

ياجبل والجبل من عادته لومات من العطش

للوادي ما ينزل

العظمه __كاظم إسماعيل الگاطع

جابو بس قميصك بيك تهمو

ذيب

وبري منك الذيب بهاي ما يلام

كفكف دمع عينك سيدي يعراق🇮🇶

انته الذيب وحدك والبقيه اغنام

الشهيد __ رحيم المالكي

حيطانك صفت بس للشعارات

هواي أحزاب وشويه الحياطين

سمير صبيح

سلاما ياوطن يا زعل الأحباب
يا صفگه وغنه وزفه وهلاهل

اطالع بالصحف واقره العناوين
وانه ايدي عله گلبي ودمعي هامل

أخبارك عليها مخيم الموت
وتعداد الضحايا آلاف واصل

الرعب والخوف واصل للبساتين
بعد شضن تغردلك بلابل

ورصاصك جنودك مطيحلنه شبان
ولون الدم صبغ حتى المشاتل

صباح الخوف..، انته منيلك خير..؟؟
خيرك فرهدته أحزاب عاهل

هذا اليوم يوم إسقاط الأحزاب
ومو طاهر حليبه لما يناضل

بيه نعزف نشيدك بين الأموات
ونغنيلك حدر صوت القنابل

بس كون انته تسلم باجر نموت
نركض للفشگ ركضة اصايل

بشرط حطنا بظرف موش بتوابيت
لأن عشاك وانحب الرسايل

زلم نفديلك تحلي التوابيت
ونضحيلك شباب بلا مقابل

نشامه وگبل صوت الحيهم نطيح
ولدك واحنه تربات المراجل

'مو مندس' (عراقي)وحقي مسلوب
وما مدفوع "آخذ-حقي-نازل

"سلمي" وما بدر من عندي تخريب
بعلم لفيت روحي وورده شايل

ابقى وياي وسمع موجز الموت
حتى انقلك الأخبار عاجل

الآن :وفاة لكل ضمائر أمن الأحزاب
.....وإنسانية اربعميت قاتل

وحاليآ... قرب قناص مأجور
حزبي، بلا ضمير، إيراني، سافل

قنص اربع شباب بعمر الورود
خريجين جانو...،بل اوائل

ذنبهم "جانو يريدون تعيين "
وحلمهم، جان حلقه وصم هلاهل

وحاليآ... مكافحة الشغب يرمون عالناس
وحالات اختناق من القنابل

وفاة أول طفل بعده بلگماط !!
بسبب قنينه دخلت للمنازل

وگلبي الي احترگ موش المقرات
ومو من القنابل دمعي هامل

لأن شفت ام شهيد تحاچي الوحيد
عدل حسبالها وشافته ذابل

وتگل لصويحبه البصفه مكتول
ولك بشر إبني گله مريته حامل



#الشاعرمحمدمهاوي

#نريدوطن

وطن باقيله بس تاريخ،
وطن بي بس حزن ودموع

بي يستنكف السلطان
يعلگ للشهيد شموع

بكل احيائه صوت آذان
وصراخ ايتامه ما مسموع

وطن مابيه حياه؟بي موت !!
وثكالى وجم(أبو )مفجوع

وحتى ترابه ماهو تراب
من دم النحر مصنوع

بگيعانه الأمن مفقود
وخوف بكل كتر مزروع


#محمد-مهاوي

عيونك سولفن من حدا الحادي وسار
وأنه فاهم وحچي العين فسرته

وقريت دموعك لبلجفن ملتمات
وعليك تنگبت وعگالي طيحته

ووگف ميل الدقايق وگفة الديان
من فارگتك وچان الوجع سكته

واندلك ردت دورت بس الميل،
دور لجن تايه عاش كل وكته

يفلان الگصب وجه أصفر من الضيم
ولأن واگف يحسده لما سمع ونته

حزن شايل بگلبه مبين التمثال
واگف بس اشوف الصفنه كاتلته

وانه ضعنك تبعته ودورت ولگيت
دمع فوك الرمل والخيل ساحگته

مو شباچ حضره شبيه اچلب بيك؟؟
وذيالك شجاها جفوفي كامشته

بس للکاض خصره تمرگص الغربيل
عكس رگصة الحرمل عنها ميزته

على المسجون سير ياهوى الشباچ
وفزعله بضواك الضلمه خانگته

تمشي مدنگه الأبره وما مخليه فتوك
وبشر متروسه عيب الخشم شايلته

لا تحجيلي عن بيت الشعر والنوك
بدوي ودرب الصحاري جدامي راسمته

يوگع هودجك لو حنت ام حوار
بالك يمها تنشد عالمرضعته

گضه عمره فگر لو زين ما ينعاب
لتگلي الغراب الناس ظالمته

مالحت العثگ مو لان مو صاعود
برحيك جثيره جفوف حايفته

حدر كل چمري ماحطيت روحي سلال
أنه عگال الزلم عالراس شايلته


#الشاعرمحمدمهاوي

ﻫﻨﺎﻙ ﻓﻲ ﺍﻟﺤﻴﺎﺓ ﻣﺎ ﻫﻮ ﺃﺳﻮﺃ
ﻣﻦ ﺃﻥ ﺗﻜﻮﻥ ﻭﺣﻴﺪﺍً
ﻟﻜﻦ ﻏﺎﻟﺒﺎً ﻳﺘﻄﻠﺐ ﺍﻷﻣﺮ ﺩﻫﺮﺍً
ﻹﺩﺭﺍﻙ ﺫﻟﻚ
ﻭﻏﺎﻟﺒﺎً ﺣﻴﻦ ﺗﺪﺭﻙ ﺫﻟﻚ
ﻳﻜﻮﻥ ﻗﺪ ﻓﺎﺕ ﺍﻷﻭﺍﻥ
ﻭﻟﻴﺲ ﺛﻤﺔ ﻣﺎ ﻫﻮ ﺃﺳﻮﺃ
ﻣﻦ ﻓﻮﺍﺕ ﺍﻷﻭﺍﻥ

تشارلز بوكوفسكي

واحده من القصائد العظيمه
المرسومه بمخيلتي....


توازت والله يستر من الموازه!
كرهت الروح
جن روحي طريق اتكتلت بي ناس
وجنازه وره جنازه
ولا عنده غرض يسوى
كضن سلعه ورئ سلعه
بيعة ناس معتازه
تعال وشوف بالوكفه شتبيع الناس
موبس الغراض اجساد معروضه اعلى الميازه!
رادو ياجسر من تنكَلب ع الماي
حايط والجروح بجسمك درازه
رادو ياجسر ماتعبر العشاكَـ
ولا كَرصة شمس بخدود خبازه
امس معزوم يم شاعر.. وجانة كهرباء ماكو
لا مي لا نفط لا غاز
وكَع بطل الصبر واطشر إكزازه
امس معزوم يم شاعر بتت وياه
ريكَني جرح بايت
وغداني جرح تازه
وتكلي ليش تتوازه؟!
وصتنه الشمس للضلمه مانرجع
لان ندري الشمس عدنه
على كَبة شهيد أتغيب
وعلى خذوه مقاتل كل فجر تطلع
يبصم ع الخيانه الاصبع المعيوب
وراس بدون غيره كصته ماتنفع
تعلمنه من اهلنه نشد على الركبه خشب وحبال
حتى من تجرهه النايبات بيوم ماتركع
هذا البيت بي ورده وضفيره وحنه ومرايات
وهلهوله وقصيده تشدك الها بأول المطلع
دلع صدر الزمان واحنه صرنه زرار
وزرار الشمس كلما تجي يلمع!


الرحمه والخلود لك ايها الكبير #كاظم_اسماعيل_الكاطع

آه ياوطن يا خبز يالشارتك تكتل !!
آه يا وطن يا طفل ..
هِنياله منْ صاغ إلك نبض الكَلب جنجل !!
يا وطن .. زٌفة كَمر
ياعراق زَفة كَمر
ونجوم إلهْ إتهلهلْ !!
عذبٌني ما عذبٌك ..
إكتلتني ما أكتلك ..
طبع اليحب ينكتل موش اليحب يكتل
آه يا وطن يا جَذِر !!
والجذر هم بيه طبع ..
لو مات من العطش للوادي ماينزل !!
علٌمني إل فراﮒ
أعزف لحن غربتي إبقيثارة أشواﮒ
أسهر وحن وأنفعل
وأتمنىٌ واشتاﮒ
مامش مثل ديرتي
لو نمشي طول العمر !!!
ماﺘﻠﮔه مثل إعراﮔنا إعراگ

الهرم الشعري الكبير #كاظم_اسماعيل_الكاطع
#اه_ياوطن

لروح الفقيد صفاء السراي
شهيد انتفاضة تشرين

اِكَعدي وشوفي يا آم صافي ،

هذا آبنج بصفّج ، يشم كافورج ،

كَمر ما ينسمع حسّه .

اِجاج آمن الشمس ،

مُهره ضمير آبيض .

ملاك آترف آمن الهمسه .

اِجاج توضه من دجله .

عبر دخانهم نخله عراقيه ...

ونذر لترابها نفسه .

كَومي وهلهلي بوجهه ...

وآعلكَيله شمع عرسه .

مدّي آيدج على جرحه ...

وآمسحي بشيلتج دمه .

جف الوالده يطيّب ...

جرح آوليدها بلمسه .

اِجاج مصوّب آمحنّه .

اِجه برويحته الخضره وضحك سنّه .

اِجه فحطان ، هفّيله بعطر جنه .

تراها رويحته آمنعسه .

يا آم صافي ،

يا درة لبن زاجي ،

صفاء مراية الطيبين .

صفاء الما نسى آصحابه ولا ينسى .

وفي ، ميت وما ينسى .

عسل شفّاف روحه وآشتهاه الله .

والفناه ريّه وناي ،

وآظنّه غار من عدنا وخذاه الله .

لـ عبد الكريم القصاب

اجلبنك يليلي بواهس الحلوات
من ترسن الساحه تگول فراشات
بنات الوطن ذني وموش منخيات
فزعن للعراق ومنع تسليبه

لطيف العامري