حلو لصير ، كلك تنوكل ياصاح..!!

مر صير... اشحلات مرورة الگهوه

#محمدمهاوي

من عمري على عمرك كون يامولاي
ادعيلك بالسلامه ومن بخت جدك

يبو محمد رضا يلتارس التاريخ
شعب وياك طاح وما طحت وحدك

طبيب وفتوتك داوت وطن مجروح
وسنه وشيعه لاذو كلهم بسدك

يمنقذنه وجبت عمرك زهد وايمان
وغير العافيه ياسيدي شعندك

الكسر بگلوبنه لبيسرتك مولاي
ابونه انتَ الحنين ارواحنه تسندك

#محمدمهاوي

مستمر هذا العذاب
بروحي ماعنده اجازه
وخاف اموت 💔

محلف الصحبان باجر

عالاحبهم خل يمرون الجنازه

#محمدمهاوي

تره الطعنات كثرن والجروح هواي
ويغدرون العزاز شما تئآخينه

هيه المشكله الحتى اعز من الروح
على أعزاز الگلب طاوعت چفينه

#محمدمهاوي

عموما بالنهايه ... اليغدر يعيش!!
وتضحكله الألوان الگلبه(اسود )..

مافكر بثار وي اليغدرون...
بس ينراد اخلي لفعلتك حد ✋

محمد مهاوي

شجاك اتغيرت؟؟ كاتلني طبعك هاذ

مثل فزاعه صاير تطرد الخطار ..!!

#محمدمهاوي

مثل سگف الگبر،

بابك ولا مفتوح..!!


#محمدمهاوي

مشه والدمع قسمته على طول الليل
بهضم والدمع من يسيل مو رغبات

جفاك ولچمتك والخنگه و الطعنات
بي وضحن مثل ماتوضح النجمات

وأشوف الناس تضحك وانه عالخدين
مثل موعد عشگ متواعده الدمعات

واگول (الله كريم )،وكل مصيبه تهون
المهم انتَ ترد كلهن هذن سهلات

وتمر أيام فگدك وانه حتى الليل
علي يضحك مثل ماتضحك الشمات..!!

شلتك بالگلب نمله بچتفها ارغيف
انزعت حبنه شجالك؟؟ نزعت سوارات

مثل ما بالصحن تدافع الزوار
امنذكرنك تضل تدافع الحسرات

رحت،چا ماخذت صورتك حتى انساك
وشنو ذنبي من اصدلهه اختنگ مرات

يناسيني وعلي امنذكر ايامك ذيچ...
تسير الحسره(ريل)بسچت الصفنات

تريد ايرد خضاري؟؟ارتوي بيا (صيهود)
وتريد ابستم؟؟،رضي شفافي زعلانات

أنه نورس،ولكن لو چنت عطشان
اطير لغير شاطي جروفك موشلات

ومتت لمن غبت (موت الله ) والأسباب..
هلهوله...وعروس،وهزت چتافات ..!!

بعد خلها بحزنها الشفه ما تلام..
صار سنين منك ما شفت ضحكات

شفتني امنحترگ،چا بالچذب طفيت..!!
(تنشف دموعهن من تطفي بالشمعات )

#محمدمهاوي أيلول ٢٠١٨

(الفرح)..

معضد ذهب،

مالبسته أمي بيوم

#محمدمهاوي

ابد ماكررت حتى النصيحه وياك..

مثل ممشه العمر ياحچيي ماعيده..!

#محمدمهاوي

وكح وتمرجحت وآنه عله حبل الموت...
لا صاير سراب ولا دفعني الريح

ورغم كل الوجع ما طلع مني صباح
مو مثل الجرس ياهو اليجيسه يصيح !!

#محمدمهاوي

من طاحن عثوگه الصفر ماشگ زيج..

النخل ضل واگف متعب صواعيده

#محمدمهاوي

#لو_ماخوف_السيطرات...*

وجه متعوب وشعر مليان شيب
والله لو افتح اديَّ
امشي بالشارع صليب
چني آني .. موش آني
امشي وسط اولايتي وجني غريب
خلّوا الوهواس بيَّ
وابدا الوهواس هذا ما يطيب
حطّوا بصدري مخالب
والمخالب مال ذيب
وصار ثمن اسنين حملي
وصار سبع اسنين اطلگ
بعد .. چا يمته اجيب ؟
ورادو اوصي گبل ما ضني يخيب
كلشي يوگف .. الا .....
شغل الصيدلي وشغل الطبيب
كلشي جف الا همه
صدور مليانه حليب
رزق ما مشمول بالقطع المبرمج
ولا رزق من چانوا يودي ويجيب
ناس ماعدهم ضماير
سوده اجتهم
تنده الميت بگبره .. اتگله جيب
احنه ما عدنه بعد غير الامانه
منو يسأل عنّه لو ردنا نغيب؟
ولو ما خوف السيطرات
الناس ما تحتاج جيب
لو ما خوف السيطرات
الناس...
ما تحتاج .. جيب

الجبل #كاظم_اسماعيل_الكاطع

طلع راس النعام لبالرمل تختل
أمس مدت لسنهه وضلت تنعثل

ارتخى وصرفن اذراعه لما لواله ذراع
وگام عله الگصيبه يصول مستبسل

الاصايل سبگته و من تالي ضل يصول
(كديش) وبالحرب يهضمني من يصهل

لزمنه افعالنه،وحسباله سكتة خوف..!!
مايدري بصدرنه الغيض مستفحل

#محمدمهاوي

رحت ونشال عمري بروحتك ذيج
بليل وگلبي احس نفس الشمع ذاب

رحت وخلاف عينك موحش اليل
وبعدهه ابالي تفتر سدت الباب

عفتني ومن سالتك زلت لسان
ولا عذرك قنعني وخنجرك صاب

متت نفس الصور بجفوف عميان
ولا عطرك حياني وي الهوه الهاب

متت والموته ذله بحبل العدام
شنقآ والمصيبه بجف الاحباب

متت موتت اسير بذمة السيف
بغربه وطول بعين اهلي الغياب

ونفشت الذكريات وماشفت غير
لجمه وجف عزيز ودم الصواب

علي سليت سيفك من غزه اليل
وانه كل ضني نيتك نيت گراب

محلفك لا تگلهم ذاله الشوك
تره يشمتون بيه الجانو اصحاب

انه خلافك جنازه بلايه زاتوت
ميت من كبل بس فوك التراب

عشت مابين ذله وسكته مجروح
وكابر والنزف بجروحي خنياب

تره الينباع سره جناحه مكسور
وانه المبيوع سري وجنحي ماطاب

تره الفاكد ولف مايعرف النوم
ويالمشوه ضحكتي فراكك مصاب

#محمدمهاوي تموز ٢٠١٨

تمنيتج..

#كاظم_اسماعيل_الكاطع

انا والحبيب #الشاعر -سالم هاشم