جنه ازغار ونلعب دعبل...
خسرانين نخاف نبطل......نطلب جور
جنه ازغار ونلعب طوبه..بلجن عاد نسجل كول
تالي تصير اللعبة معارك وتصير بكيف الباطول..
مرة ولن ارجع متأخر ..شحتتني امي لذاك الصوب
شالت كوم احجار وصاحت..بالك بالك خاف تلوحك...

#كاظم_اسماعيل_الگاطع

خل نشوفهم الغيرة والفزعة العراقية😂
#شباب_بنات: همتكم صوتو لمهند علي ميمي اعجاب بلتعليق لافضل لاعب عربي هذا الرابط 👇
https://m.facebook.com/story.php?story_fbid=3355063337850649&substory_index=0&id=113623891994626

#شارك_المنشور_ليصل_للجميع

صرخة هالوكت تتنطر ألغباش
عيشة ويه الشجول الزفره ما تنعاش..
.
.
#عريان_السيد_خلف

كتبنه احلامنه بشاطي ومسحها الروج

مساجين ورسمنه البوب عالحيطان

#محمدمهاوي

بي چم جرح منك شافته العميان
يلجروحك حضارة تلوگ من تعتگ💔

#محمدمهاوي

مات الشوگ بيه وماله زاتوت
ويبس بحر أمنياتي وما اجه المد
وي كلمة "وداعا " مر ملك موت
والابهر ويه سدت بابك انسد

#محمدمهاوي

جرحتني وصرت نفس الحايط وياك
تزرفه ويضل حاضنها البسامير

#محمدمهاوي

والنظرة متاهة.....
وخوف يرضع خوف
من يهتز قفُل حسبالهم شاجور !!

#عريان_السيد_خلف

دفك عينك ترى يحمود درب الشمس رازونه
دفك عينك ترى الجوعان حيله يصير بسنونه

كاظم خبط

چنت اگلهم نار بيه نار بيه
وچذبوني
ومن بقيت رماد گالو :
ليش ما گلت احترك .. !

#كاظم_اسماعيل_الگاطع

باجر متانيك يم باب الچفن لابس فرحتي
استرخص من الله وتعال
باجر متانيك مو تنسه شگلتلك
حتى لو ميت تعال

عزيز عسكر

على جناح الفخاتي
الطايحه امن الشجر محترگه
قرينه اخبار حلوتنه وشربنه
دموعنه الزرگه

#كاظم_اسماعيل_الگاطع

صفنات وجمر عالايد
ونلف الحزن مثل الجگاير لف

#الگاطع

أنه گتلك گبل مو كل خشن ينعاب
تره اللؤلؤ يحبهه خشونة المحار

#محمدمهاوي

بيه واهس بچي ليفگد احبابه بعيد
الحزن عاشترته عشرة علي وي الفقره

#محمدمهاوي

عزيزه أمي وأعز من كلشي بالكون
واحسنها الهوى لبالريه داير

ربع ساعه أمي من تفارگ البيت
نبچي الليل ونخلص الچگاير

#محمدمهاوي

عزيزه أمي وأعز من كلشي بالكون
واحسنها الهوى لبالريه داير

ربع ساعه أمي من تفارگ البيت
نبچي الليل ونخلص الچگاير

الورد من عدها أخذ عطره وورد صار
وعذب من گصت أمي الماي صاير

درس عدها وحكم ضل ينطي لقمان
وفراضه تعلمت منها العشاير

(فدعه) تصير من ينجرح عصفور
ودمع تهمل على الطير اليهاجر

فقيره وما حچت عن واحد بيوم
لذلك نلگه ربنا ابرهه يامر

وشكو سائل سبيل يدگ على الباب
تفرحه أمي ويرد مسرور خاطر

بقى صابر گلبها الچنه عاشور
ودمع رمله وحزن كل المنابر

ولأن لون السواد من أمي ماخوذ
إذن حب أمي من ضمن الشعائر

#محمدمهاوي آيار ٢٠١٩

بحذر گضيته عمري ويه اليغدرون
وشلت لفعالهم خلگ النواعير

اكرهه النهر ضم مايه عله الحسين
انصحك صير شجره وي العصافير

جرحتني وصرت نفس الحايط وياك
تزرفه ويضل حاضنها البسامير

تذلني تريد ؟تصعد عالصواعيد ؟؟
ومحمد ما مدنگ راسي للبير

ماريدك!!عرفت سوالفك سود
وريد النيته بلون الطباشير

طعن متروس منك واسكت تريد
فشگ من تنترس تحچي الشواجير

فطن واعرف بگلبک لونه يالون
مايخدعني شكلك والتعابير

ولأن ما جاملت صرت آنه مكروه
وزعل مني اللحيمي الگتله مطير

ماريد اليملني وعشرته أيام
اللحم كل عمره ما مل الاضافير

بعد يراد كون نحلف الگلوب
ونحط ناطور لازم عالنواطير

اكرهه البير چي يروي اليدنگون
وأحب طبع الاسهام ودرگه ماصير

ومسحتك مسحت الدمعه من الاخدود
لأن ما صرت شجره وي العصافير

#محمدمهاوي تشرين الأول ٢٠١٨

كون كل دمعة حنين ...

تطيح ورده عالقميص ،

هسّه قمصاني حدايق .

#عبد_الكريم_القصاب

جنه فرحانين...
ما ندري الخبز ياهو اليجيبه...
صافي مثل الماي املنه ...
وبطرك لعب الشوارع...
لا جكاير لا سياسه ولا حبيبه....

#كاظم_اسماعيل_الگاطع