🚒Ратавальнікі ліквідавалі пажар у інтэрнаце ў Салігорску.

📞Паведамленне пра здарэнне на вул. Заслонава паступіла ў службу МНС праз сістэму перадачы паведамленняў «Маланка».

Па прыбыцці падраздзяленняў МНС стала вядома, што на 4 паверсе дзевяціпавярховага будынка ў двухпакаёвым блок-пакоі адбылося загаранне пасцельных прыналежнасцей на плошчы 2 кв. м.

Дзякуючы своечасоваму спрацоўванню сістэмы гукавога і маўленчага апавяшчэння і работнікам МНС, з небяспечнай зоны былі эвакуіраваны 67 чалавек, у тым ліку 10 дзяцей.

Ратавальнікі ліквідавалі пажар. Папярэдне пацярпелых няма.

На месцы здарэння працавала 5 адзінак тэхнікі МНС.

Прычына здарэння высвятляецца.

#пажар

✅ Падпісацца на канал МНС Беларусі

📲Сёння, 17 лютага, на дарогах краіны чакаецца галалёдзіца.

❗️Фактары небяспекі: пашкоджанне (абрыў) лініі сувязі і электраперадач, ускладненне руху транспарту, павелічэнне верагоднасці ўзнікнення дарожна-транспартных здарэнняў, рызыка траўматызму насельніцтва.

⏺Прагноз надвор’я пераменная воблачнасць. Пераважна без ападкаў. На асобных участках дарог галалёдзіца. Вецер паўночна-ўсходні, усходні 3–8 м/с. Тэмпература паветра -5 -11°С.

Паводле данных Белгідрамета і МНС.

✅ Чытаць падрабязней | Падпісацца

🚒Начны пажар у Магілёве: работнікі МНС эвакуіравалі 12 чалавек.

📞Сёння ў 02-18 у службу МНС ад суседзяў паступіла паведамленне аб пажары кватэры ў пяціпавярховым жылым доме на бульвары Дняпроўскім.

На момант прыбыцця падраздзяленняў МНС назіралася адкрытае гарэнне ў кватэры на першым паверсе. Гаспадар знаходзіўся на вуліцы. З-за моцнага задымлення ў пад'ездзе работнікі МНС з вышэйразмешчаных паверхаў эвакуіравалі 12 чалавек.

⏺Ніхто не пацярпеў. Ратавальнікі аператыўна ліквідавалі пажар. На месцы здарэння працавалі 4 адзінкі тэхнікі МНС.

Верагодней за ўсё, да пажару прывяло неасцярожнае абыходжанне з агнём.

#пажар

✅ Падпісацца на канал МНС Беларусі

⚡️Ратавальнікі ліквідавалі пажар на прадпрыемстве ў Гомелі.

☎️Сёння ранiцай ратавальнікам паступіла паведамленне аб пажары у будынку адміністрацыйна-бытавога корпуса на тэрыторыі прадпрыемства па вуліцы Барысенкi. Пасля прыбыцця да месца выкліку МНС з трэцяга паверха назіраўся густы чорны дым.

Работнікі МНС аператыўна ліквідавалі пажар. Пацярпелых няма. Эвакуацыя не праводзілася.

Прычына здарэння высвятляецца.

На месцы працавалі 7 адзінак тэхнікі МНС.

✅ Падпісацца на канал МНС Беларусі

🇧🇾Прэзідэнт Беларусі Аляксандр Лукашэнка заслухаў справаздачу Урада за 2025 год.

Кіраўнік дзяржавы паставіў перад Урадам і рэгіянальнымі ўладамі шэраг неадкладных задач, падкрэсліўшы, што пачатак пяцігодкі не пакідае месца для расхістанасці ці фармальнага падыходу.

«Мы не можам дапусціць правалу прынятай праграмы пяцігодкі ўжо на старце. Пакуль не адчуваецца ваеннага становішча, мабілізацыі кадраў і жадання яе выконваць. Хтосьці думае па накатанай адсядзецца ці прыкрыцца «аб’ектыўнымі прычынамі». Не атрымаецца. Калі абвясцілі час канкрэтных спраў, то і за іх адсутнасць будзе канкрэтны спрос», – падкрэслiў Прэзiдэнт.

👆Першачарговыя задачы ад Першага:

🔴Урад — неадкладна спыніць падзенне ў прамысловым сектары і забяспечыць разгрузку складаў. Усе стратэгічныя прадпрыемствы яшчэ «ўчора» павінны былі быць узяты пад жорсткі ручны кантроль.
🔴Дзяржкантроль і сілавы блок — забяспечыць рэальны і максімальна эфектыўны нагляд.
🔴АПК — паскорыць і завяршыць будаўніцтва цялятнікаў у найкарацейшыя тэрміны.
🔴Інвестпраекты — ініцыятыва «Адзін раён — адзін праект» з'яўляецца галоўным паказчыкам прафесійнай прыдатнасці кожнага старшыні райвыканкама і губернатара.
🔴Інфляцыя — устаноўлена строгая планка: не больш за 6–7 працэнтаў (мэтавы арыенцір — 5%).

Удзел у нарадзе прыняў міністр па надзвычайных сітуацыях Вадзім Сіняўскі.

✅ Падпісацца на канал МНС Беларусі

📲 Увага! Сёння, 18 лютага, на асобных участках дарог рэспублікі захаваецца галаледзіца.

❗️Фактары небяспекі: пашкоджанне (абрыў) ліній сувязі і электраперадач, ускладненне руху транспарту, павелічэнне верагоднасці ўзнікнення дарожна-транспартных здарэнняў, рызыка траўматызму насельніцтва.

⏺Прагноз надвор’я воблачна з праясненнямі, месцамі невялікі снег. На асобных участках дарог галаледзіца. Вецер усходні, паўднёва ўсходні 4-9 м/с. Тэмпература паветра -5-11°С, у паўднёва-заходніх раёнах -2 -4°С.

Паводле данных Белгідрамета і МНС.

✅ Чытаць падрабязней | Падпісацца

🔥Прайшло пасяджэнне Камісіі па надзвычайных сітуацыях пры Савеце Міністраў Рэспублікі Беларусь.

У Рэспубліканскім цэнтры кіравання і рэагавання МНС адбылося пасяджэнне Камісіі па надзвычайных сітуацыях пры Савеце Міністраў. Пад кіраўніцтвам віцэ-прэм’ера Анатоля Сівака дзяржаўныя органы абмеркавалі гатоўнасць краіны да веснавой паводкі і пажаранебяспечнага сезона 2026 года.

Асноўная ўвага была накіравана на бяспечны пропуск веснавых вод: ратавальнікі ўжо праводзяць гідралагічны маніторынг, вызначылі небяспечныя ўчасткі на рэках і сфарміравалі зводныя атрады для аператыўнага рэагавання. Мясцовым уладам даручана ўзмацніць падрыхтоўку на месцах і своечасова праводзіць работы па забеспячэнні праходнасці вады.

Другая частка сустрэчы была прысвечана пытанню прыродных пажараў. У 2025 годзе іх колькасць падвоілася, і перыяды «сезоннасці» фактычна зніклі – узгаранні фіксаваліся амаль увесь год. Асноўнай прычынай застаецца чалавечая неасцярожнасць. У 2026 годзе ўжо зарэгістраваны першыя выпадкі, таму МНС загадзя ўзмацняе прафілактыку і патрабуе ад мясцовых уладаў больш дакладнай работы з небяспечнымі тэрыторыямі і землекарыстальнікамі.

Удзельнікі падкрэслілі: толькі своечасовыя і папераджальныя дзеянні дазволяць мінімізаваць наступствы паводак і пажараў, абараніць людзей і захаваць прыродныя рэсурсы краіны.

✅ Чытаць падрабязней | Падпісацца

🔥 50 км выпрабаванняў: стартавалі рэспубліканскія спаборніцтвы па шматбор’і выратавальнікаў «Пошукава‑выратавальныя работы» ў зімовых умовах.

🟠 На дыстанцыю выйшлі дзевяць каманд: абласныя і Мінскае гарадское ўпраўленні МНС, Універсітэт грамадзянскай абароны і рэспубліканскі атрад спецыяльнага прызначэння «ЗУБР».

📌Удзельнікам трэба будзе прайсці больш за 50 км па перасечанай мясцовасці і выканаць звыш 50 тэхнічных этапаў: абследаваць зону ўмоўнай надзвычайнай сітуацыі, пераадолець рэкі і азёры з тонкім лёдам, працаваць на затопленых участках, шукаць і эвакуіраваць «пацярпелых».

Выратавальнікі выкарыстоўваюць сучаснае абсталяванне – ад навігацыі і беспілотнікаў з цеплавізарамі да альпінісцкага рыштунку і тэхнікі павышанай праходнасці. Спаборніцтвы дазваляюць праверыць гатоўнасць падраздзяленняў да работы ў зімовых умовах і абмяняцца практычным досведам.

✅ Чытаць падрабязней | Падпісацца

🚒Пажар у Жодзіне: ратавальнікі МНС выратавалі траіх чалавек.

📞Сёння ўвечары ў службу МНС паступіла паведамленне аб пажары ў адной з кватэр пяціпавярховага дома па праспекце Міра.

Па прыбыцці падраздзяленняў МНС да месца выкліку з акна кватэры на трэцім паверсе назіраўся дым. Гаспадыню кватэры, яе мужа і ўнучку знайшлі на балконе. Работнікі МНС вывелі іх з кватэры і перадалі медыкам для далейшага абследавання.

Пажар ліквідаваны ратавальнікамі. На месцы працавала 5 адзінак тэхнікі МНС.

Прычына здарэння высвятляецца.

#пажар

✅ Падпісацца на канал МНС Беларусі

📲 Увага! Сёння, 19 лютага, на асобных участках дарог рэспублікі захаваецца галаледзіца.

❗️Фактары небяспекі: пашкоджанне (абрыў) ліній сувязі і электраперадач, ускладненне руху транспарту, павелічэнне верагоднасці ўзнікнення дарожна-транспартных здарэнняў, рызыка траўматызму насельніцтва.

⏺Прагноз надвор’я воблачна з праясненнямі. На большай частцы тэрыторыі снег. У ранішнія гадзіны месцамі слабы туман. На асобных участках дарог галалёдзіца. Вецер заходні 4-9 м/с. Тэмпература паветра -3-9 °С, у паўднёвых раёнах -1-2°С.

Паводле данных Белгідрамета і МНС.

✅ Чытаць падрабязней | Падпісацца

🚒 Работнікі МНС выратавалі жанчыну на пажары ў Мінску.

☎️ Учора ратавальнікам ад відавочцы паступіла паведамленне аб дыме з падвала ў Мінску па вул. Берасцянскай. Да месца выкліку выехалі падраздзяленні МНС.

Прыбыўшы, у падвале пяціпавярховага жылога дома ў спартыўнай зале адзінаборстваў работнікі МНС знайшлі загаранне столевай свяцільні, у памяшканнях падвала было шчыльнае задымленне. Каля дзвярэй запаснога выхаду знаходзілася жанчына, якая самастойна пакінуць памяшканне не змагла. Ратавальнікі вывелі пацярпелую на свежае паветра і перадалі медыкам. Пасля агляду жанчыну адпусцілі па месцы жыхарства, яна не пацярпела.

У выніку загарання пашкоджана стольная свяцільня, закопчаныя памяшканні падвала. Прычына здарэння высвятляецца.

На месцы працавала 7 адзінак тэхнікі МНС.

#пажар

✅ Падпісацца на канал МНС Беларусі

🔥 Вадзім Сіняўскі прыняў удзел у Адзіным дні інфармавання ў РАСН «ЗУБР».

Міністр па надзвычайных сітуацыях наведаў Рэспубліканскі атрад спецыяльнага назначэння «ЗУБР», дзе азнаёміўся з сучаснымі ўзорамі тэхнікі і абсталявання, правёў ацэнку ходу мадэрнізацыі інфраструктуры атрада, а таксама прыняў удзел у Адзіным дні інфармавання з асабовым складам.

У пераддзень Дня абаронцы Айчыны галоўнай тэмай стала «Абарончая моц беларускай арміі і патрыятызм у сучасных умовах». Акрамя таго, падчас мерапрыемства былі разгледжаны ключавыя пытанні дзейнасці МНС, патрыятычнага выхавання і павышэння прафесійнай падрыхтоўкі выратавальнікаў.

#афiцыйна

✅ Падпісацца на канал МНС Беларусі

🔥Вадзім Сіняўскі прыняў удзел у адкрыцці нарады работнікаў прэс-службы.

Галоўная мэта – выпрацоўка адзіных падыходаў да прасоўвання ведамаснай павесткі ў 2026 годзе, умацаванне іміджу органаў і падраздзяленняў па надзвычайных сітуацыях і ўдасканаленне формаў узаемадзеяння з грамадствам у лічбавым асяроддзі.

– Усе задачы вызначаны, але ёсць нюансы, якія патрабуюць сумеснага абмеркавання для ўдасканалення нашай дзейнасці. Сёння прэс-служба – гэта не толькі інфармацыйны рэсурс, але і сур'ёзны інструмент, які абавязаны выкарыстоўваць усе падраздзяленні міністэрства без выключэння. Наладзіць гэтае ўзаемадзеянне – асноўная мэта нашай сустрэчы, – адзначыў міністр.

У мерапрыемстве прынялі ўдзел кіраўніцтва міністэрства, начальнікі падраздзяленняў цэнтральнага апарату, Мінскага гарадскога і абласнога ўпраўленняў МНС, работнікі прэс-службы ведамства, а таксама рэдакцыі часопісаў «Служба выратавання», «Юны выратавальнік» і «Прамысловая бяспека».

✅ Чытаць падрабязней | Падпісацца

🔥 Другі дзень рэспубліканскіх спаборніцтваў па шматбор’і выратавальнікаў «Пошукава‑выратавальныя работы» ва зімовых умовах.

🪨 Удзельнікі праходзяць складаную комплексную паласу выпрабаванняў на вадзе, на вышыні, у ўмовах перасечанага рэльефу і абмежаванага часу – усё гэта мадэлюе рэальныя ўмовы працы выратавальнікаў. Кожнае выпрабаванне – гэта праверка фізічнай падрыхтоўкі, тэхнічных навыкаў, умення працаваць з высотным і водным абсталяваннем, а таксама здольнасці дзейнічаць зладжана ў стрэсавых сітуацыях.

🟠 Этапы спаборніцтваў ішлі бесперапынна нават уначы і працягнуліся раніцай.

Заўтра ўдзельнікаў чакае вырашальны, фінальны дзень спаборніцтваў – менавіта ён вызначыць, хто стане лепшымі пасля праходжання амаль 50‑кіламетровай паласы найскладанейшых выпрабаванняў.

✅ Падпісацца на канал МНС Беларусі

📲 Увага! Сёння, 20 лютага, на асобных участках дарог рэспублікі захаваецца галаледзіца.

❗️Фактары небяспекі: пашкоджанне (абрыў) ліній сувязі і электраперадач, ускладненне руху транспарту, павелічэнне верагоднасці ўзнікнення дарожна-транспартных здарэнняў, рызыка траўматызму насельніцтва.

⏺Прагноз надвор’я: воблачна з праясненнямі. Пераважна без ападкаў. Месцамі слабы туман. На асобных участках дарог галалёдзіца. Вецер заходні, паўночна-заходні 4-9 м/с. Тэмпература паветра -2 -8 °С.

Паводле данных Белгідрамета і МНС.

✅ Чытаць падрабязней | Падпісацца

⚡️У Верхнядзвінскім раёне ратавальнікі ліквідавалі пажар у будынку кафэ.

☎️Учора вечарам ратавальнікам паступіла паведамленне аб пажары ў кафэ ў вёсцы Стрэлкі. На момант прыбыцця работнікаў МНС да месца выкліку адбывалася адкрытае гарэнне аднапавярховага будынка.

На месцы здарэння працавала 5 адзінак тэхнікі МНС. На момант узнікнення пажару ў кафэ нікога не знаходзілася. Пацярпелых няма.

Прычына і абставіны здарэння высвятляюцца.

✅ Падпісацца на канал МНС Беларусі

⚡️Работнікі МНС выратавалі мужчыну на пажары ў Капыльскім раёне.

☎️Сёння ноччу ў службу МНС паступіла паведамленне аб пажары ў двухкватэрным жылым доме ў вёсцы Камсамольская. Па прыбыцці падраздзяленняў МНС назіралася задымленне ўнутры дома. Як высветлілася, каля 00-20 адзін з суседзяў пачуў гук апавяшчальніка, які спрацаваў. Выйшаўшы на вуліцу, ён выявіў дым з суседняй кватэры, пасля чаго мужчына звярнуўся да суседкі, якая і паведаміла пра здарэнне ў МНС.

У задымленым памяшканні ратавальнікі выявілі гаспадара кватэры і вынеслі яго на вуліцу, выкарыстоўваючы маску для выратаванага. Пенсіянер шпіталізаваны.

Работнікі МНС аператыўна ліквідавалі пажар.

На месцы здарэння працавала 4 адзінкі тэхнікі МНС. Прычына здарэння высвятляецца.

✅ Падпісацца на канал МНС Беларусі

🏆 Вынікі рэспубліканскіх спаборніцтваў «Пошукава‑выратавальныя работы».

💪 Два дні і дзве ночы каманды працавалі ў экстрэмальным рэжыме, пераадольвалі складаную зімовую дыстанцыю і больш за 50 тэхнічных этапаў. Пасля напружанай барацьбы падведзены вынікі.

Прызёры спаборніцтваў:

🥉месца – каманда Мінскага абласнога ўпраўлення МНС;
🥈месца – каманда сталічных выратавальнікаў;
🥇 месца – Рэспубліканскі атрад спецыяльнага прызначэння «ЗУБР».

Усе ратавальнiкi ўпэўнена прайшлі ўсе этапы і паказалі найвышэйшы ўзровень падрыхтоўкі.

✅ Чытаць падрабязней | Падпісацца