✨ЯДНАЕМСЯ РАМЁСТВАМІ✨

🌾Майстры Слонімскага аддзела рамёстваў правялі інтэрактыўную праграму "Ад мінулага да сучаснага" для дзяцей выхаваўча-аздараўленчага лагера "Удзячныя нашчадкі" Новадзевяткавіцкай сярэдняй школы імя Б.Т.Пішчыкевіча Слонімскага раёна.
🌿Дзеці пазнаёміліся з прадметамі даўніны, якімі карысталіся калісьці нашы продкі, народнымі рамёствамі, паспрабавалі свае сілы ў размінанні саматканага льнянога палатна, навіванні ніткі на цэўку.
🌾Народны майстар Беларусі па вышыўцы Алена Міхед прадэманстравала дзецям працэс ткацтва на старажытных кроснах, расказала як раней жанчыны мылі і адбельвалі льняны тэкстыль.
🌿Таксама дзеці з інтарэсам і захапленнем разглядалі творчыя работы сучасных майстроў Слонімшчыны.
✨З радасцю разгадвалі загадкі і гулялі ў вясёлыя гульні.🌈👍😊✨

✨ЯДНАЕМСЯ РАМЁСТВАМІ✨

☘Майстры Слонімскага аддзела рамёстваў і традыцыйнай культуры правялі пазнавальныя і займальныя майстар-класы па дэкаратыўным роспісе і лепцы з салёнага цеста для дзяцей адпачываючых у дзяржаўнай выхаваўча-аздараўленчай установе адукацыі "Аздараўленчы лагер "Лясны".
🌿Дзеці старанна малявалі на паперы па матывах агоўскага роспісу і з радасцю ляпілі міні-пано "Птушачкі".
☘Ва ўсіх атрымаліся цудоўныя творчыя работы, выкананыя сваімі рукамі.🌿🌸😃😊👍❤️✨