Мова – гэта тое, без чаго не можа жыць ніводны чалавек. Беларуская мова нясе ў сабе культуру і звычаі краіны. Да Міжнароднага дня роднай мовы, 18 лютага, ў філіяле “Інтэграваная бібліятэка аграгарадка Вялікія Шылавічы” была падрыхтована конкурсная праграма “Шануй і ведай роднае слова” для вучняў пятага і шостага класаў ДУА “Навучальна-педагагічны комплекс Вялікашылавіцкі яслі-сад базавая школа Слонімскага раёна”. Была аформлена кніжная выстава “Беларуская – самая мая”. На выставе прадстаўлены творы народных класікаў беларускай літаратуры, беларускія казкі. Дзеці з цікаўнасцю прымалі ўдзел у конкурснай праграме на беларускай мове “Знаўцы роднай мовы”: адгадвалі загадкі, адказвалі на пытанні, разгадвалі рэбусы, шукалі “чужое” слова сярод “сваякоў”, складалі як мага больш слоў з прапанованых літар, правільна знаходзілі да слоў пераклад. За кожны правільны адказ атрымлівалі балы і па выніку конкурса атрымалі падарункі.

У рамках праекта па патрыятычнаму выхаванню дзяцей “Ганаруся табой, мая Радзіма” 19 лютага ў філіяле “Гарадская бібліятэка №2” прайшла гадзіна славеснасці “Родная мова, якая ты цудоўная!”. У мерапрыемтве прынялі ўдзел дзеці, якія наведваюць літаратурнае аб’яднанне “Мы – беларусы”. Юныя чытачы даведаліся аб гісторыі заснавання Міжнароднага дня роднай мовы. Жывая і мілагучная, паэтычная і сучасная мова гучала з вуснаў дзяцей, якія чыталі вершы П. Броўкі “Калі ласка”, Н. Гілевіча “Як ты дорага мне, мая родная мова!”, Ю. Свіркі “У нас сваіх хапае слоў”. Рэкламай беларускай мовы стаў прагляд відэафільма “Смак мовы”. Цікавымі для ўдзельнікаў былі гульні: “Хто такі, ці што такое?”, “Якія адгадкі на гэтыя загадкі?”, “Перакладчыкі”, “Скажы наадварот”, “Жывы-нежывы”.

Штогод 21 лютага адзначаецца Міжнародны дзень роднай мовы. Да гэтай даты ў філіяле «Інтаграваная бібліятэка аграгарадка Сурынка» прайшла гадзіна роднай мовы «Родная мова – чароўная мова». У гэты дзень дзеці чыталі творы беларускіх пісьменнікаў, пісалі кампліменты роднай мове.

21 лютага адзначаецца Міжнародны дзень роднай мовы. Для большасці жыхароў нашай краіны роднай з’яўляецца беларуская мова. Роднай – значыць, любімай, дарагой, самай-самай…
Дню роднай мовы была прысвечана гульня-падарожжа “Таямніцы роднай мовы”, якая прайшла для юных чытачоў філіяла “Партызанаўская сельская бібліятэка”.
Гульня складалася з пяці тураў: “Ведаем лексіку”; “Перакладаем з рускай мовы”, “Чытаем па-беларуску”, “Прыказкі і прымаўкі”, “Уключаем фантазію”. Назвы тураў невыпадковыя. Усё гэта неабходна рабіць, каб лепш авалодаць беларускай мовай.
Бібліятэкар падрыхтавала выставу кніг, на якой былі прадстаўлены кнігі з серыі “Таямніцы роднай мовы”, розныя слоўнікі і творы нашых беларускіх пісьменнікаў.
Затым чытачы праглядзелі і абмеркавалі відэаролік “Цікавыя факты пра беларускую мову”.

У Слонімскай раённай бібліятэцы імя Я. Коласа бібліятэкар А. В. Бэркус правяла гадзіну роднай мовы “Звіні, мая светлая, родная мова”, прымеркаваную да Міжнароднага для роднай мовы. Удзельнікамі мерапрыемства былі вучні 6 “Б” класа ДУА “Сярэдняя школа №2 г. Слоніма” і выхаванцы нядзельнай школы Спаса-Праабражэнскага сабора. Вучні пазнаёміліся з гісторыяй узнікнення свята, з задавальненнем размаўлялі і чыталі вершы на беларускай мове. Да мерапрыемства была арганізавана выстава “Жыве ў вяках беларуская мова”.

21 февраля в Слонимском драматическом театре состоялась итоговая коллегия, на которой работники сферы культуры Слонимщины подвели итоги работы за 2021 год и обозначили основные направления развития на 2022 год.
По итогам работы за 2021 год были награждены: директор ГУК «Слонимская районная библиотека им. Я. Коласа» Гайдук Т. Б. почетной грамотой Слонимского районного исполнительного комитета за добросовестный труд, значительный вклад в возрождение и сохранение культуры Слонимского района, библиотекарь отдела обслуживания и информации Беркус О. В. почетной грамотой районного Совета депутатов и художник-оформитель Саванец Н. Н. почетной грамотой отдела культуры Слонимского райисполкома.