شايفلك ابن ادم مرتين يموت
الكتاله هله ودفانته الغربه

احمد الذهبي

تجي تاخذ صورك لو اعلگهن؟
انا ماعندي چف بي خير ويشگهن

أحمد معاش

بعد گلبي اشتعل بلكت يشوفوك
ينشاف الهوئ من يصير دخان

حسين علي المطوري

لابيك جية وتجي
ولا بية حيل انساك
ضلينة بس بالحلم
نتلاگة أنا وياك

علي رشم

كلشي اتوقع من الغربة مامصدوم
المصيبة تطيحك الناس المسويها

حيدر الحطاب

يجيك تروحله
بكلهن يفوز الموت

رضا العبادي

ما احسبك خساره ان رحت والضليت
بس اليحبنه بروحته نخسره
نهر يابس قديم وكل نفع مابيك
واحنا بكل سهولة اليابس نعبرة
التناقض والمواقف تختلف مرات
على شفايف العجوز تفشل الحمرة

ما تلكاني بيهم جرب وشوف

حنين الله ويحب عبده تسد
بيبانها الدنيا ويفك بابه ولاسده

ما حَنيت ؟
شلون ايامي تنساهَن
عيونك من يمرهن خوف
مو چنت اَبچي ويَاهن !
التفاصيل العـشتها وياي
صعَب يم غيري تلگاهَن .

بخـيال اعمه رسمتگ بعد وين نساگ

الشاعر رحيم المالكي

غصن متلولح بعدلي اشوي وطيح
هسه مرجوحتكم اله بهل غصن

.
سعد شميل

بَعدني وي الصبر صاحِب مَشاوير

حبيتك شجاني وماحسبت حساب ؟
خي عونك علي مو اني خيعوني

شلت ايدي منك بعد سوي التريده مهنه

اگعد و نام وي الغرب
و لساني اگصه وداعتك
لو ون عليك و غنى

كزازة انتة واضمك بين العيون
وياعين التغمض على الكزازة

تمنيتَك نجم كل ليله أباوع بيك
‏وأضوج هواي لمن تگرب الغبشة

علي حسين

على نيتي وهي نيتي الخربتني

الشيبن يعگوب والشلن ايوب
گدهن ثلث نوبات يلفني الغروب

اياد عبد الله