عود شنهي ابن ادم يشاركني بيك
يا بزر حظني شكثر ميت عليك

ماشفت الهلاهل ملتهي وي الموت
عل ساتر ضحكتك هلهل الشاجور

علي رشم

طحت ابير خابط والظلام اثخين

جنت اكلهم نار بيه نار بيه
وجذبوني
ومن بقيت ارماد
كالو ليش ماكلت احترك

ضيعتني
وهسه من طاحن سنيني تذكرتني

جبار رشيد

مكتول وعلى السجين مسنود
وأداة القتل مطعون بملامه

سمير صبيح

يي وحكك وأنت اعز من اليمين

تعال اشمر حچاية وگول مشتاگ
لا تحسسني عندك مالي قيمة

شچاها الروح يمك ذبت الاسرار
وليش أرجف عليك وينخطف لوني ؟

‏شفتك وي غيري هواي فرحان
شو وياي جنك ماشي بجنازة

ليش تِعوفني وتِنسى المسامر ذاك
وليش تخون ماهوى الفرگه

صارت الوادم عرف وانه الغريب

شايفلك ابن ادم مرتين يموت
الكتاله هله ودفانته الغربه

احمد الذهبي

تجي تاخذ صورك لو اعلگهن؟
انا ماعندي چف بي خير ويشگهن

أحمد معاش

بعد گلبي اشتعل بلكت يشوفوك
ينشاف الهوئ من يصير دخان

حسين علي المطوري

لابيك جية وتجي
ولا بية حيل انساك
ضلينة بس بالحلم
نتلاگة أنا وياك

علي رشم

كلشي اتوقع من الغربة مامصدوم
المصيبة تطيحك الناس المسويها

حيدر الحطاب

يجيك تروحله
بكلهن يفوز الموت

رضا العبادي

ما احسبك خساره ان رحت والضليت
بس اليحبنه بروحته نخسره
نهر يابس قديم وكل نفع مابيك
واحنا بكل سهولة اليابس نعبرة
التناقض والمواقف تختلف مرات
على شفايف العجوز تفشل الحمرة

ما تلكاني بيهم جرب وشوف