مشتاگ اسولف لحد متملوني
وازعل وارد بلايه متراضوني


حيدر الطفيلي

بنادم بين فتره وفتره کون يغيب
ویفرش ناسه کلها ويكعد يصفي

سعد شمیل

چا غير اقتنع كلمن مشه بدربة

احنا ويا الورد ماعدنا غاية .

اني العايفك واني المجلب بيك
واني كل شيء بيه وكل شيء مابيه

زيد سومري

كلشي اتوقع من الغربة مامصدوم
المصيبة تطيحك الناس المسويها

حيدر الحطاب

نشاز بكلبي لو حطيت ثاني وياك
ماترهم تربتين اعلى سجادة

تمام كامل

بوكت جنت اني ارتب روحي لملاكاك
جنت انت وي غيري بموعد ترتب

علي عبد الزهرة

تعاتبيني بوكت دافن اخوان ثنين
انا المفروض اشوفك جايني محدب

مهند حمزة

اقرر نبتعد ترجع ترد وياي
معيشني بقلق چنك مرض معدي

ميثم المياحي

من گتلي ارد اذبحك باچر بسيف
اجيت من الصبح جايب رگبتي

لــ علي نجم

لو ماي اعبرة ب بلم
بس ليل شيعبرة

غني محسن

راحن من وكت بس ما گلت خسران
صح تاعب عليهن بس كلت فدوة

وهلا بدموعي خل تطيح
كل ما طاح واحد تكبر الثورة

كرار سعيد

يمر بيه الندم واقره الرسايل
حرامات الك بيهن هيج انه گايل

ليضيعنه بقصد ميشوفنه بصدفه

وكت خلاك تدلل على مدلل

ما گتلي الروايه اخرهه مبتور
چان باول مشهد ما نشديت

ايهاب المالكي

وحدي بكل خساره ومحد وياي
تجوه لروحي اصير وانهض بحيلي

ما ينعدل طبعك درب بين كبور