جمعنا سيوفنا وردينا مو من خوف
چي شفناك واكف بالحرب ضدنا


عباس عبد الحسين

اقرر نبتعد ترجع ترد وياي
معيَشتي بقلق چنك مرض معدي

ميثم الميَاحي

‏متحطم.
واشوف احلامي تنهار..
وأنه شعندي بس كلمة هضيمه!
اقنع نفسي اكولآ بأجر تهون..
وصار اسنين اكولآ بأجر تهون..
لا ميت؟ ولا فك گلبي ضيمه
سكف عندي وحبل بالبيت موجود..
موت الله بعد فكره قديمه

أعاين للضوه الملموم حدر الباب
هلبت ظِلك يگسره

يجيك تروحله
بكلهن يفوز الموت

رضا العبادي

ضل بالقفص مطروح صدگني ترتاح
تنوكل فوك الگاع يالمالك جنَاح

بعدني أتهزهز لطاريك مِن كل صوب
چَذاب اليِگلك بيه شي بارد

محمد الطالقاني

يارخص العشك من ينشره وينباع

عريان سيد خلف

عساك بناس متواسيك حتى بكلمه شلونك

كون توكع بيد واحد مو حنين

ولو لبك تسلس
بس گشر هم اشتهيك


لـــِ كاظم الگاطع

مشتاگ اسولف لحد متملوني
وازعل وارد بلايه متراضوني


حيدر الطفيلي

بنادم بين فتره وفتره کون يغيب
ویفرش ناسه کلها ويكعد يصفي

سعد شمیل

چا غير اقتنع كلمن مشه بدربة

احنا ويا الورد ماعدنا غاية .

اني العايفك واني المجلب بيك
واني كل شيء بيه وكل شيء مابيه

زيد سومري

كلشي اتوقع من الغربة مامصدوم
المصيبة تطيحك الناس المسويها

حيدر الحطاب

نشاز بكلبي لو حطيت ثاني وياك
ماترهم تربتين اعلى سجادة

تمام كامل

بوكت جنت اني ارتب روحي لملاكاك
جنت انت وي غيري بموعد ترتب

علي عبد الزهرة

تعاتبيني بوكت دافن اخوان ثنين
انا المفروض اشوفك جايني محدب

مهند حمزة