مثل ماي النهر خابط
يبالي شبيك ماتصفه

عريان السيد خلف⁩

شكد شايف وعشت وشفت
بس كل حياتي ما شفت
واحد عيونه مگذله
والشامه تتعدى الوصف
وتدلي چنها البوصله


يوسف عبد الحسين

صدى ولمن تهد محد يهد وياك
بوجه الحايط تضل وحدك اتردم

دليتك بعد شتريد ادليك
گتلك هذا موسى وهذا فرعون

سمير صبيح

وعلمك لا تضل تركض ورا الناس
ترة اسمك ينسي وتسمى لاحوگ

خضير هادي

هزيت الغصن ماكرهه ردت تطيح
شلون انفخ عليها وتوكع الثمره ؟

سمير صبيح

اساسك غشني
ليش من اولك تخدع
يخيط العنكبوت بطلعتك تلمع

سجاد رحيم

شربني الزمان هموم من كاس
أقسى وأمر من سم الثعابين

رحيم المالكي

‏اشوفنك على متون الگلب ‏ظفرة شرايين

‏كاظم الگاطع

أثاري السم قديم و بين اليوم

طري ملمس كلوب المايحبون
وخشن ذاك التصدع بالمواعيد

كاظم اسماعيل كاطع

كلشي ما يوجعني غيرك
شرد اسولف للطبيب

محمد عادل

حمدة الله و شكرته
المثلي تعوفه انته

سمير صبيح

نمت بوداعك نوم محروگ ..

ما اكدر اصيح ويمك اتقرب
كوه وياك اسولف مثل المصوب

سيف جواد

كتله منا
كلي لا منا واجيت
والله لو كايله منا وانتهت


حسين السلطاني

جنح بيه أنكسر والثاني مخلوع
و طرت گوه على عناد اليكرهون

سمير صبيح

سهل مثل الخبز وي طيب الذات
وأمر من الأمّر وي ناكر الطيب

لـ عريان السيد خلف

اذا ترجع أسد بوجهك بيبان
واذا لحيت اسمعك سراكيهن !

عَلى كَسر الخشوم الوكحة ربانَي
ما تعبَر وربك كاضها من الراس
أنا مركب رسنها المُهرة تهواني 😌 !