حساس ويبچيني گسر لگلاص حنين هواي
وأنا من أتمرض امشي بعيد أبد ما أمرض الوياي


أحمد ملاذ

حلم سبع سنابل يابسـه ولا هذا ..
مو نخله وتعوض ميت البستـان
لا تحجي بسعر دفنه وجفن وتراب
شطيحلنه ! مغلوبين يـالدفان

سَعد شميل

بوكت عوزي اشتهيتك سنبل وما اجيت
وعلى بيعة هدومي شفتك تعامل

مصطفى جبر

خيـرت الجدم لو موت لو ما اطيح
كلها ولا أحس مشيول منيه

محمد وجيه

وحگ صوتك اليشبه راحتي اشتاگيت

اذا أنت غشيم وعرفو يغشوك
شنو ذنبي ثمن لخطائك اني ادفع
ثنة رجلي الحزن والراس طخ الگاع
وركعني وتگلي تهون لا تركع

سمير صبيح

أنت القريب برغبتي وأختياري

احبك من چنت وياي واحبك من صرت وحدي
طحت دمعة وگلت للناس طاح يلمع بخدي

حسن سداوي

خلينه نلتم بالچذب مثل الأحلام الصلفة

ولتكلي شعجب دزيت والمن جاي تطمن
اجيتك حتى اصير احسن

والسوالف كلها تكضي وتبقى سالفتي طويله

فاضل عبد الساده

ياللذتك بريتي

من يا صوت أصيحك والصدى
يجاريك واگلك مگدرت يالتگدر بلياي

عريان السيد خلف

تحس روحك چنت بيامهم نزوه

الحجايه الـ تظل بـِ الگلب تجويك مثل النار

ما يدرون امس ليش نكسر مكفاي
الجمال شايله يكسر ضهر ناكه


علي جعفر

يا ميت يريد يعيش خل يگعد وأموت آنه

ملتهين بغيرنا ألبيهم لهينا
وندري عشرتهم دغش بس مـ حچينا

ساعه تلوه وساعه هذري
و ساعه ادري بيهم ساعه مدري
الما يسوى ساعه انطيته عمري


علي مالك الموسوي

لا تبقى أبيض گلب وتصير مثل الگطن
وانته بزمن نداف
ما دام مثل العرگ مدفون وانته عدل
يا موت منه تخاف؟

لـ سمير صبيح