لمنه البجي و غرب و لينه
و يا مكثر الـ ااخ بحجينه
الـ باب حط ايده بدينـه
مستاحش جفوفه الحنينه

محمد الزركاني

ما ناسيك بس والله الظروف هواي

زيد السومري

رُغم بُعدك بَس بَعدك هذاك
انتَ العَزيز الـ ما يجي بَعدك

هواي الناس لكن قله غالين
الدمع هم ماي لكن ماي غالي

علاء المغشغش

شكبر صبر الجذع من شفته عد حطاب
طگاته إعله طوله ودمه ما ينزل

لـ سعد شميل

شطرنج الوكت جدمك ضروري يتيه
وره كل خطوه بيضه السوده تتلگاه

لـ سعد شميل

‏جاي اشتاگلك من دون ربعي
وكلش فاگدك بس انت گطعي

بعدك ولاجاي اعرف.. اشهگ
يالچادرك مو بابك اندگ
وك شبچي ..كون عيوني تنشگ
وجهي وية جثتك گام يزرگ

علي تاج الدين

ضميت السوالف غصبا على الروح
لان ادري الصدك من ينحجي يبزز

سمير صبيح

ترى الما جارحك ويغرب بعيد
جنه مكابلك ويده ع الزناد

سمير صبيح

شايل گلب اخر عود بالشخاط
كل ربعه وهله محترگه گدامه

لـ سعد شميل

هذني سوالفي وخلوهن أباله
من هل ساعه كلمن يلتهي بحاله ،
وبعـد مثل الگبور التجي
بصفها گبور
لا يدنه يمي ولا ادناله ..

امس بليل طيفك مَر
بالعيون
وكعدت وياك ساعه
وعاتبيتك
فجأه وراح طيفك وفزت
الروح
گلبت الليل كله وما لگيتك

-

بعد ما أحلف بعينك
ولا أميزك بعد على الناس
حالك حالهم ، ما يختلف طينك !

وانتَ تدري
تدري كُل ليله بغيابك ينهدم
ثلثين عُمري
وانتَ تدري
تدري كُل لحظه بودادك بيها
يكبر باقي عُمري
وانتَ عُمري ولا تظن غيرك حبيبي
يا حبيبي

صُدفه شفِناك
ونِسينه شلون جِنه
شكُثر مابيه امان
النظره مَنك
جنه نتمنى مثل عينك وطنه "

چان وجهك
أول ولايات عمري
وآخر دروب الضياع
چانت عيونك
سِما لجنحان حلمي
تيهتني
من هذاك اليوم
أدور
ما لگيت لحلمي گاع .

مثل جوية الاضاافر ماتهيج بساع
هيج بفزعتك وياي تتأخر

ريض ياحزن بيه محطه ونام
باجر هم حزن لاحگ
خلص عمري غزل و أشعار
واني بعمري ما عاشگ

الراحل جبار رشيد

چـا هيچ المعـاشـر هـان ؟