مدري احنه ندير دولاب الزمان
مدري دولاب الزمان يديرنه !

- صاحب الضويري

ومن يمشون أهـل روحك
تضل تراب ع الشباﭺ

- امجد الحلفي

يل بالاول حاطينك
هسه يمن حاط طينك ؟

ـ باهر جنديل

ولا بيهم دفو لروحي تهت
بمعثرات الشوگ !

الليّله ضايع وانه چم ليّله اعله
بيبانك غُفيت ومامشَ أنتَ.

شعندي غيرك !
انه كل همي انت تضحك

جيب وجهك
خل أشوفن گلبي من يا ضلع يطفر!

مثل كل يوم أكول الدنيا ما تسوه!

- سيد سعيد الشريفي

عيوني ما بيهن غريب وشايلاتك🍂🖤

وسام سباهي||

ولا مخلاص منك ، نابت بروحي ..

علي الشباني

حتى لو مابيك امل واعدني بيك
ازرعلي صدفة بكل درب يمكن اجيك

عقيل العرد

‏أعمق عبارة قرأتها :
هناك خير في كل شر ، لا أحد يعرف إلا الله

تعودتك
شهامة، وخوف، ومكابر

تعودتك
محبة، وليل، ومسامر

تعودتك
خليل وخل

عريان السيد خلف

وكون تشـوف حالي شگد الك ملهـوف

عريان السيد خلف

من جبت بيدي التذاكر چان قصدي
وياك اسافر.

خابص الدنيا أعله مودج ،
نوبه آغني
نوبه شاعر ،
تخيلي واصل مرحلة بس حَتى أعجبج !
منسق هدومي مثل صبغ الأظافر ♥️

- رسُل الشمَري ♥️

قالت لي أمي ذات يوم : في يوم ولادتكِ ، خرجتِ من بين أحشائي ميتة ؛ لا روح فيكِ ، ثم قامت القابلة بضربكِ كثيراً ضرباتٍ متتالية، عندها سمعتُ صوت صراخكِ وبكائك حينها عدتِ للحياة.
إبتسمتُ لكلامِ أمي لكنها كانت إبتسامة وجع ، وأدركتُ أنهُ ومنذُ تلكَ اللحظةِ، ومُذ وجهت لي تلك القابلة صفعاتٍ وضربات لم تتوقف الحياة لوهلة واحدة عن تقديم الضرباتِ لي حتى اليوم ، وكأنها تعاقبني على ذنبٍ ، ذنب لم أقترفه أنا ،وذنبي أنّي عُدتُ إليها .

انتِ أُغنية قديمة شجابچ بنص هالطرب ؟

- رسُل الشمري ♥️

أني أمي تعادل الدنيا بكبرها
أمي هيّ الجنة بس ربي اختصرها

و مرة وصتني وصية و راح اگلكم من أثرها !
سدي گلبچ ! عزي نَفسچ من صغُرها ..

ديرتنة مو مالتّ عشگ وادم تدوّر الزلة
صيري مثل ذاك النَجم محد گدر يوصلة

خليچ مثل المعركة الخاسرها راح تذلة
إتكشخي بطَبع النخل اليريد من عدها
تمر ! يصعدلة

قَدسي روحچ چَن ضريح الرايدة و من كُل
گلب ! يگصدلة

و

..بالچ يكسروچ ناسچ
..بالچ تصيرين غيمة !

باچر يذموچ لو كثرتي خيرچ
و انا اعرفنچ كَريمة ♥️

و خَلي هاي حچاية بأذنچ
موش كل الراح يستاهل تغنيلة حريمة ❗️

حَققي أحلامچ بأيدچ
خلي ناسچ بيچ تصفن
بالچ تروحين يم صوب الهزيمة

-رسُل الشمري 🕸