هلا يا من حسبتك ماي عيني
وبچيتك من گطعت الوصل بيه

اياد

من اجي يمك وارد بالليل للبيت
هلي واليم هلي ايشمون بيه

جمعنا سيوفنا وردينا مو من خوف
چي شفناك واكف بالحرب ضدنا

عباس عبد الحسين

بعد مو مال اعذرك صارن هواي

يا اخر نفس
وشگد عزيز تصير

جبار رشيد

لا تحط گلبك على الصوبين
كل وصله بكـتر وتگول اريدك

حبني اعلى كد كلبي
يا اول بشر اتعب بحبه هواي
بس اتونس بـ بتعبي

انه عل مو مالتي مرات اغار
شلون واحد غيري ياخذ مالتي

هنيالي من اموت و اخلص من الموت
واشيل انه انه واركض بتابوته

جبار رشيد

متر والذيب عني ما رعبَني
الرعبني من خطف طاريك بيه

اياد عبدالله

الهسه ما مستوعب الصاير صدك
بدلتني وغيري اخذ دور العشك
يل خنتني كبالي مو هيج اليخون
غير اول مره لازم نفترك

عيش لوحدك تعرف غلاتك وين
سعف نخلة وتبين قيمتك بالحر

شعر شعبي

اعرفك خاين و ادريك بذات
و تريد وياك اخلصها بتواسيل ؟

هلا يالميت عليه وأنا ميت عليك
وعينك تمتني وانا ميت عليك
هلا يالسلهمت بيدي وانا ميت عليك
رغد وارموشك ايفين عليه


اياد عبدالله

انا وشلعان الگلب شبينه توم
گلبي يبقى يلوچ اذا ما بي جرح

سعد محمد الحسن

طاح وغرك بالماي طلعته كوه
من طلع گام يصيح غرگنِي هو

هاي ياغلطة التسولف بيها جاي ويا محبة ؟
اسف تكلها الشخص طخيت جتفه
مو شخص دست اعله كلبه

زين علي

انكسر مجداف عمري بزحمه الروج
وكف بيه الزمن يم اليكرهون

يا تجوة محنه ويا مخدة ريش
انتجى عليك الكلب ونفض كل همه


سعد محمد الحسن

اجيتك ردت اگلك شوف
ردنا نعوف كلشي وماگدرنا نعوف

جبار رشيد