ابيض بياض الشيب گلبي

علي راضي

شجاك و ضيعتني شكد اناني
اهم شغلة بحياتك چانت اني

طفل كلبي اجه وما شايل فلوس
وانت منين ما اعاين دكاكين

جبار رشيد

هواي الناس لكن قله غالين
الدمع هم ماي لكن ماي غالي

علاء المغشغش

تارسني العطش واضحك بواهس غيم
المطر مرات هم ماينحسب نعمه
بيها عناد روحي ويـ الهوى من يفوت
اذا يثگل علي لو اموت ماشمه


علي رشم

أشتهيت الليلة سالوفه بطرف شفتک

لوليلي يا يمه ولو كبران

الكاطع

حبيبي بيا بخت وياي شديت
وعدا هجرك ألي شقدمت ؟

عيش لليهواك
عوف كل الدنيا والناس التغث


ازهر كريم

خليها اعله بالك ادعي اوكفلك
كرسي إعدام أبشرك طيحتي تكُتلك

ايمن علاء

لو بيدي اوكف العمر
اوكفة يمك وما يركض بعد


مظفر

غريب الدرب يا روحي

الك چادر زعل بلـ روح منصوب
ما ينشال إله گبالي تكعد

عبد الحسين الحلفي

شيصيرن بعد خل اليصير يصير
خل كل شي الـ الية
وينگلب ضدي
خل سنيني تغرگ
خله عمري يفيض
خله گبال عيني وينهدم سدي
خايف صح چنت
بس چنت اخاف عليك
والمن بَعدك انتَ
وخايف شعندي


جبار رشيد

وهلا بدموعي خل تطيح
كل ما طاح واحد تكبر الثورة

كرار سعيد

جمعنا سيوفنا وردينا مو من خوف
چي شفناك واكف بالحرب ضدنا


عباس عبد الحسين

اقرر نبتعد ترجع ترد وياي
معيَشتي بقلق چنك مرض معدي

ميثم الميَاحي

‏متحطم.
واشوف احلامي تنهار..
وأنه شعندي بس كلمة هضيمه!
اقنع نفسي اكولآ بأجر تهون..
وصار اسنين اكولآ بأجر تهون..
لا ميت؟ ولا فك گلبي ضيمه
سكف عندي وحبل بالبيت موجود..
موت الله بعد فكره قديمه

أعاين للضوه الملموم حدر الباب
هلبت ظِلك يگسره

يجيك تروحله
بكلهن يفوز الموت

رضا العبادي