مسويلك كليجة تَمر بلكت تُمر💔

حد للميانة وياي بالك تحط دوم
مسموح ألك وتمون حتى على الهدوم

علي حسين الشبلاوي

افتخر رابي بعوز مارابي عل بوك
ومقدر اني ابماي وجهي اشتري السوك

✏️اسعد الكريطي

شلَّك بروحَك ؟ تعال بروحيّ عيش .

يَم مرايتچ يُكبر حديث الغيظ
لَبوه تعاين لِـ لَبوه🖤☘

بَعد ذاك الموادَع گَلبي بي غَصة
أريد أعرُف الليل ويَامن تخَلصة .

خـــذوك كبال عيني وصحت مالي
استحو وانت الصحت شعـليك بيه

مهند العزاوي

كون اشوف الحزن شارد
كون اغمض اعيوني ليلة وراسي بارد

سعد الزبيدي

‏مرة مرة ..

و المرارة تزيد للمايلگه فيَّ
و ينتچي على الشيب عُمره

كاظم إسماعيل الگاطع

أصعد بطولك حمامة وأگعد بفيك حزين.

دوهنتني ، الله يدوهن من خذاك ،

نَهر تتمشىٰ ويه الناس ونَخل وياي ما تگعد !

أندگ بابنه ونبّرة الدگه تكُول أيد أحُبابنة .

–والـنـام مكسور الـكـلـب يكعد وجـع بعضامـه!

واکو ناس
اطيوفهم تگعد ابراسك
مثل خرخاشه ابحجل

سعيد الشريفي

لزمت چفك وحسيت الاصابع ماعن بـ چفي "

انه لو عايفَك
ما چان أفز بالليل
وأحضن صورتَك وثنينة نجمّر
انه بأصعَب ظَرف مَريت
وانتَ تگلي متغير.

دليني بدرب ما الك خطوه وياي
لاحگني بخيالك بيش تطلبني

سمير صبيح

صدگـــني أحبك حب غريب الطور
وأحب صبرك عليه وما گلت لأحــد

لـِ عريان السيد خلف

العمر مثل الخرز معدود

كاظم الكاطع