ارد اقيسك
واحسب شچم شفه طولك
واغلط بأخر رقم
وارجع وأحسبك
من جديد

لـ جبار رشيد

خل احسبك أنت
وعيونك
وشعرك
والبعد والمدري يمتى
شگد تصير ..؟


- ميثاق الهلالي💜

وأنتظرتك شمعة ذوبني الصبر لمن گضيت

الماي مايندل طريجه وگادته عيون المساحي

يجي يوم وترد تجمع ،
شكو مكتوب شگيته

وترد تندم على كل ثوب ،
عفته وما اشتميته

وتبچي ومحد يشوفك ،
حتى چفوفك تعوفك

وترد ندمان بس بعديش ،
باب عيوني سديته

فواز رشم.

حُوَيتَك.. من چِنِت ممنوعه ال اسلال
وكرهتك..من صرت للغير فرهود

كاضم العطشان

والـ بالريش كلهن ضلن يصلّن !

ياهو المنج اشرف خاطر اشكيله ؟

الحزن نوبات ربعك !!

الحزن مو إلا دمعك !!

الحزن مو شرط ظلمه .. بالضوه هم يبچي شمعك !!
الحزن ناس أتعرفهم عودوك بكثر طبعك
مشو سكته
الحزن نوبات سكته
الحزن مو عظ أصبعك


زين كريم

وعلي ليلي من أخلصه يطلع الروح يطلع الروح 💔

انه المچتوف ماينفك

انه الينشاف چنه بخير

انا الچذاب من يضحك

انه الينشد
انه اليفگد
انه المتركد تركد 💔

من جفك يدور ع الصور وين
ودموعك بخدك مثل الالثام

منها وتقتنع بالسجن مريود
احسن مايعيشونك بالاوهام

تره بدرب الرسايل تمشي الكلوب
ومن يمشي الكلب شتفيد الاجدام

ابد لتصير ابره تضم الفتوك
وينسوون بركبتك حبل الإعدام !!

اخذ طبع النده ولتشمك الناس
الورد للنده بكل مصباح شمام

يبو كلب الحنين شما يلجموا
فز وصلن تجاعيدك للعظام

حيدر الطفيلي

حطني بكل عزة يوازيك
اساجي الفاجدات عيون وتميز


_حيدر الحمداني

على شباج الامل زربت عصافيري 😅

مرني طيف عيوني تلگاهن سَلَف 💜

يجي ابالي الحجي واستغفر الله
واكولن خاف أزود الطين بله

هسه العنده زله تسولف وياه
لكن تلكه واحد هوا زله