وحشه
والله وحشه
الطير من يرجع مسيت غروب
لعثوگ النخل مايلگه عشه

- طالب الدراجي

شكثر فوگ النهر خلّيت
چم دمعة ورسايل شوگ
واتعذّرني ساعي الماي ... مايندل شواطيهم

- ميثاق الهلالي

مـا كاتل ضوه مـن اليل

شيـريد السهر منـي ؟



- حسام سباهي
💔

سهلات البكن واتعدن الصعبات
وانته بعز حزنهن ماحنيت الراس

- فاضل عبد الساده

تعال الحگ
محطة المايمرها الريل تهدم روحها وتزهگ



محسن الخياط

لمي روحي ، شلون تنلم
ما تلمنا ألليله غرفه

- أحمد ملآذ

وگتلك لا تفارگني
‏وگتلي الفرگة يم طاريچ ما تنجاب
‏إذا تذكر ، چنت چذاب ...

مر بيه إعله گد الشوگ موش أكثر






كاظم العطشان

واقرالك دفاتر ضيم

ويضل بس حرف بالراس ما ينكال

يال عشكك هني وچتال ...!

علي الشباني

چا عدمن أضم روحي
الـيضم حلمه بـحضن فانوس
ينباگ بشبر هندس

لــ نــــاصـر الـبـدري

مو مالة وداع !!
هستوته متلاگين ،،،
بعدهه عيونه "
من المستحه مدنگه '


😞

من تمر يمكم حمامة
اتذكروا كسرة جناحي
الله لا ينطي الذي منكم خذوني

اتذكروني

اتذكروني بدمعة بحچاية بجگارة
حته اگولن مانسوني





كاظم اسماعيل گاطع

و عيّوني ماتهوى الكحَل
كحلني انت بشوفتك

اكو بيهم يرد الروح ملكا
واكو بيهم غثيث يطلع الروح
اليغثك دائمن تتلاكه ويا
ويصير كبال عينك وين متروح

اكـو يحچون من الصُبح للـ اليل
وحرام ان چان تفهم شِـنهو يحچون
واكو ساكت وحلگـة مخيّط خياط
وحچية شگد حلو بـنظرات العيون ..

حسبالي العدد ..
بي ثمره من يزود !
وعن قلة الواحد
تفرق الميه
..
بس تالي ادركت
طين الكلوب اصناف
والعِشره الطويله
تريد نوعيه

ايهاب المالكي

معرسه الايام

اعله راسي

غير گلوبنه ❤️

ماعدنا شي ينباگ

انه المايـدري ويـن الوكت وداه

اذا ناگص عگل تگضي العمر ندمه

لــ #كرار الصيمري 🌸