والي متعود يشوف اعمال سوداويه ويحبهن
راح يترك الفلم من اول ١٠ دقايق ويتنرفز

توفر فيلم Prisoner’s daughter قبل ايام و من شفت براين كوكس على البوستر بديت بي بدون تردد و لكيت السيناريو مصنوع من اجود انواع القمامة بقصة مكررة و مبتذلة و تنفيذ بشكل سيء جداً، مصمم مشاهد العنف اعتقد معنفي و مضروب على راسه اكو مشهدين بيها ضرب كان التنفيذ مضحك و النهاية مهزلة.
ما اعرف ليش براين اختار هيج فيلم اثناء وصوله للقمة بمسلسل سكسشن.

ماكو هيج خبال 😂
شون بين في مقابلة له مع فاريتي قال بعد حادثة الصفعة في جوائز الاوسكار شفت السالفة داجة ف رحت انطيت جائزة الاوسكار مالتي لأوكرانيا على الاقل يستفادون منها يصهرون التمثال و يصنعون بي طلقات تفيدهم بقتل الروسيين.
المقابلة طويلة بعدني ما قريتها

Talk to me
والله شباب طلع يسوى

بميزانية بسيطة 4.5 مليون دولار الاخوان philippou تفوقوا على استوديوات ضخمة وعريقة بتقديم واحد من افضل افلام الرعب خلال هل سنين

قليل جداً اشوف افلام رعب لكن من اشوف اعرف شنو اختار، فيلم Talk to me ممكن يكون افضل فيلم رعب لهاي السنة بقصة جيدة و تنفيذ ممتاز كدر يشدني من البداية لحد النهاية
الفيلم ممعتمد فقط حتى يفززك يدخلك بالقصة والاثارة وتكوم تريد تعرف اكثر شراح يصير الغموض والاثارة والتويستات امور اساسية بالفيلم ويستاهل اعادة
انصحكم بي جدا ً

هيو جاكمان و زوجته ديبورا ينفصلان بعد 27 سنة زواج.

عانى من الادمان على المخدرات والكحول وتعافى منها عام ٢٠٠٣.
درس التمثيل على يد أنطوني هوبكنز وكان زميله في الدراسة مايكل فاسبيندر.
ممثله المفضل غاري أولدمان الذي مثل معه في ٤ أفلام.
توم هاردي أصبح اليوم ٤٦ عاما

كل ما انشر واحد حلو القناة يصعد تفاعلها والشيرات تصير خير من الله

بعد كله حلوين انشر بالقناة
اعوف الافلام

تريلر الجزء الثاني من فيلم اكوامان تطلع بي امبر هيرد اجزاء من الثانية، جيمس وان علق سابقاً كال دورها بالفيلم قليل مو علمود قضيتها بس هو هذا الجزء ما يركز على شخصيتها و لا على شخصية اكومان.
يضيعون شاش

الفلم انتيكا ❤️❤️
يتحدث عن عشيقة الملك لويس الخامس عشر وهي الاخيرة
بس للاسف ماعجب الكل بسبب بدايته البطيئة كلش وبعدها صار سريع بالاحداث

حبيت الاجواء والحقبة الي عايشين بيها وشلون تم تصوريها
والساوندتراك جان رهييب كلش

بالمجمل ماعرف فلم عادي لو قوي بس احس ماراح يناسب الكل
بالنسبة الي استمتعت بالفلم جداً وتأثرت بالنهاية
واكيد هذا مو افضل اعمال جوني ديب

ملاحظة : ماعندي خلفية عن القصة بكاملها ممكن اكو اخطاء تاريخية بالفلم .

سالفة حلوة تعلمتها وجاي استخدمها
لجماعة الايفون الي ماتنزل عدهم سينمانا
ادخل على الموقع ( من متصفح سفاري)

https://cinemana.shabakaty.com/mobile;oldUrl=video%2Far%2F1026584%3FshowInfo%3Dtrue

وبعدها دوس على مشاركة
واضافة الى الشاشة الرئيسية
راح ينزل عدكم على شكل تطبيق

تخيل أن كل ما يبقى من عائلتك هي هذه العظام التي أمامك! اُمك تستطيع التعرف عليك ولو كُنت عظاماً فقط أمامها!

فيلم quo Vadis, Aida? البوسني الذي يتحدث عن دخول الجيش الصربي لمنطقة سربرنيتسا البوسنية وقتل جميع الرجال الذين فيها تقريباً. حسب الفيلم الجيش الصربي قتل من الناس الآمنين بعد سحبهم من أمام مقرات الUN على الأقل 8372 شخصاً وتم دفنهم في مقابر جماعية لتكتشف أماكن دفنها حديثاً.

القصة من منظور المترجمة عايدة الي تعمل في الUN وتحاول ما أستطاعت إبقاء أحد أفراد عائلتها على قيد الحياة.

الفيلم ترشح للأوسكار لعام 2021 وخسرها أمام فيلم Another Round الدنماركي.

إذا جنت تحب الدراما السوداء والقصص الحقيقية انصحك بمشاهدته.

فيلم Quo Vadis, Aida?

جاي اتابع هذا المسلسل
مبدئياً قوي

مرور عقد كامل على إصدار احد افلامي المفضلة Prisoners بالسينما، تحفة فيلنوف.

ماراح اسولف عن المسلسل هواي
بس باختصار
المسلسل بي كل ما تشتهي نفسك
شتريد؟
غموض على دراما على تشويق على سايكو على تمثيل رهيب حتى من الاطفال واخراج وابهار بصري وبالاخص الساوندتراك .

المسلسل 6 حلقات فقط
قصته: بعد فترة من العزلة الطويلة رفقة طفلين، تُقرر لينا الهرب رفقة هانا الصغيرة، ولكن يضع حادث مروع المحققين أمام قضية مرعبة وقعت من 13 عامًا.

كلش انصحكم بي ❤️🫂

واكيد موجود على نتفلكس 😁

يمعودين ليش هجي سامطيني بميوت
هو انا بالسنة حسنة انشر
يعني ماراح ازعجكم بالاشعارات 💔

جاي احس روحي اخرس