كانت هذه حجة شركة سامسونغ عندما رفعت عليها شركة آبل دعوى بالتعدي على حقوق الملكية الفكرية وسرقة تصميم الآيباد وفكرته.
الصورة من فيلم أوديسة الفضاء ٢٠٠١ (إنتاج ١٩٦٨) للمخرج ستانلي كوبريك

كريس ايفانس يتزوج من ألبا بابتسيستا (اسم عائلتها صعب وهم يمكن كتبته غلط)

اختيار فيلم "جنائن معلقة" للمخرج أحمد ياسين ليكون مرشّح العراق الرسمي لسباق الترشح لفئة أوسكار أفضل فيلم أجنبي .

الفيلم بطولة جواد الشكرجي ووسام ضياء وكان عرضه الأول في مهرجان البندقية السينمائي عام 2022. وحصل الفيلم على عدة جوائز دولية في مهرجانات سينمائية منها مهرجان البحر الأحمر ، مهرجان مالمو للسينما العربية وموخراً مهرجان عمان السينمائي الدولي.

اليوم ينسد النت؟

دخول مرعب تم تنفيذه بشكلٍ ممتاز وكئيب ومخيف مع شخصية حديثة لـ(دراكولا) لم نشهدها من قبل.

قصة مأساوية مخلوطة بمشاعر متفاوتة لمجموعة رجال معهم صبي على متن سفينة مُبحرة في وسط محيطٍ هادرٍ متلاطمٍ الأمواج يقبع معهم في أسفلها أشرس مصاص دماء في تاريخ السينما

يمكن تشعر بالهدوء احياناً بالفيلم بس متاكد راح تطلع منه بنهاية مُرضية من تمهيد لجزء ثاني

عجبني الفيلم بهدوئه وهاي اول مره يطلع دراكولا بهل شكل وظهوره قليل
يعني الفلم يصور ضحايا دراكولا ومعاناتهم منه

وهاي اول مره يطلع لطفل يطلع بي عنف ودموي حسب علمي
قبل جانت من المحظورات يخلون طفل بهل مشهد

بس الي ضوجني انه الفلم ماماخذ حقه من الدعاية الاعلانية بخلاف اعمال سطحية وسخيفة ثانية .

اليوم شفت فيلم باربي و بعد المشاهدة ما اعرف شلون اي احد ممكن يحس بالاهانة من هيج فيلم بعد ما شفنا انه عالم باربي ساذج و العالم الخارجي ايضاً ساذج و سخيف، الفيلم بالاساس خيالي و كوميدي بالرغم من عدم وجود الكوميديا (عدا ظهور ويل فيريل استمتع كل ما اشوفه) الفيلم جان خيالي لكن الاسقاطات و الرسائل جداً واضحة و الها اكثر من معنى ممكن تاخذه بالطريقة اللي تناسبك لكن بالمجمل الفيلم سخيف، احب أنوه انه اكو شغلات لازم تنذكر و تنمدح شغل التسويق جان جبار و تصميم الانتاج جان متعوب عليه تصميم الرقصات و الاغاني و الاخراج جان جيد محد يكدر ينكر انه عمل ضخم.
بالنهاية الفيلم بناتي ممكن ما يعنيلي شي و اني اعرف على شنو داخل ف حجيت من الجانب الفني و بالعافية للي استمتع بي.

باختصار فلم ينشاف مرة وحده بس

والي متعود يشوف اعمال سوداويه ويحبهن
راح يترك الفلم من اول ١٠ دقايق ويتنرفز

توفر فيلم Prisoner’s daughter قبل ايام و من شفت براين كوكس على البوستر بديت بي بدون تردد و لكيت السيناريو مصنوع من اجود انواع القمامة بقصة مكررة و مبتذلة و تنفيذ بشكل سيء جداً، مصمم مشاهد العنف اعتقد معنفي و مضروب على راسه اكو مشهدين بيها ضرب كان التنفيذ مضحك و النهاية مهزلة.
ما اعرف ليش براين اختار هيج فيلم اثناء وصوله للقمة بمسلسل سكسشن.

ماكو هيج خبال 😂
شون بين في مقابلة له مع فاريتي قال بعد حادثة الصفعة في جوائز الاوسكار شفت السالفة داجة ف رحت انطيت جائزة الاوسكار مالتي لأوكرانيا على الاقل يستفادون منها يصهرون التمثال و يصنعون بي طلقات تفيدهم بقتل الروسيين.
المقابلة طويلة بعدني ما قريتها

Talk to me
والله شباب طلع يسوى

بميزانية بسيطة 4.5 مليون دولار الاخوان philippou تفوقوا على استوديوات ضخمة وعريقة بتقديم واحد من افضل افلام الرعب خلال هل سنين

قليل جداً اشوف افلام رعب لكن من اشوف اعرف شنو اختار، فيلم Talk to me ممكن يكون افضل فيلم رعب لهاي السنة بقصة جيدة و تنفيذ ممتاز كدر يشدني من البداية لحد النهاية
الفيلم ممعتمد فقط حتى يفززك يدخلك بالقصة والاثارة وتكوم تريد تعرف اكثر شراح يصير الغموض والاثارة والتويستات امور اساسية بالفيلم ويستاهل اعادة
انصحكم بي جدا ً

هيو جاكمان و زوجته ديبورا ينفصلان بعد 27 سنة زواج.

عانى من الادمان على المخدرات والكحول وتعافى منها عام ٢٠٠٣.
درس التمثيل على يد أنطوني هوبكنز وكان زميله في الدراسة مايكل فاسبيندر.
ممثله المفضل غاري أولدمان الذي مثل معه في ٤ أفلام.
توم هاردي أصبح اليوم ٤٦ عاما

كل ما انشر واحد حلو القناة يصعد تفاعلها والشيرات تصير خير من الله

بعد كله حلوين انشر بالقناة
اعوف الافلام

تريلر الجزء الثاني من فيلم اكوامان تطلع بي امبر هيرد اجزاء من الثانية، جيمس وان علق سابقاً كال دورها بالفيلم قليل مو علمود قضيتها بس هو هذا الجزء ما يركز على شخصيتها و لا على شخصية اكومان.
يضيعون شاش

الفلم انتيكا ❤️❤️
يتحدث عن عشيقة الملك لويس الخامس عشر وهي الاخيرة
بس للاسف ماعجب الكل بسبب بدايته البطيئة كلش وبعدها صار سريع بالاحداث

حبيت الاجواء والحقبة الي عايشين بيها وشلون تم تصوريها
والساوندتراك جان رهييب كلش

بالمجمل ماعرف فلم عادي لو قوي بس احس ماراح يناسب الكل
بالنسبة الي استمتعت بالفلم جداً وتأثرت بالنهاية
واكيد هذا مو افضل اعمال جوني ديب

ملاحظة : ماعندي خلفية عن القصة بكاملها ممكن اكو اخطاء تاريخية بالفلم .

سالفة حلوة تعلمتها وجاي استخدمها
لجماعة الايفون الي ماتنزل عدهم سينمانا
ادخل على الموقع ( من متصفح سفاري)

https://cinemana.shabakaty.com/mobile;oldUrl=video%2Far%2F1026584%3FshowInfo%3Dtrue

وبعدها دوس على مشاركة
واضافة الى الشاشة الرئيسية
راح ينزل عدكم على شكل تطبيق