احجيلكم الصراحه
انا من الناس الي راح افرح اذا انغلقت سينمانا
حتى ايرثلنك تقلل احتكارها

صارلي فترة طويله اريد اغير اشتراكي بس ماكدر لان كل الابراج الي يمي ايرثلنك
ومن اسال ابو البرج يابه ليش ايرثلنك يكلي الناس تريد سينمانا 🙂

يتغاضون عن الخدمة السيئة والنت السيء علمود سينمانا

وهم علمود الناس تشترك مني نتفلكس 😔

واحد يشوفلنا ويس اندرسون وين يريد يوصل حتى نوصله بطريقنا، عوفك من الثيمة المعتادة تجيب شدة ممثلين و تهتم بالسينماتوگرافي بس السيناريو شتريد بالضبط عبارة عن ثرد حجي يعني بالضبط تحسها لغوة فارغة، افتهمت الحقبة اللي جاي منها مشروع مانهاتن و المركبات الفضائية و غيرها بذيج الفترة بس و بعدين.
شخصياً فقدت الاهتمام بأفلامه من بعد فيلمين فارغات.

اعلان فلم saw x 🔥🔥🔥🔥
الحماس يقرة الف

المخرج المعدل هيج يرتبهم.

فلورنس بيو الوجه الاعلاني الجديد لمجوهرات تيفاني اند كو.
هو خوش وجه بس مدري شنو مشكلتها ويا الشعر.

شتكولون اسوي بيج بالانستا؟
لو ابقى هنا واسكت

الله يعينكم السادس
يكولون اليوم نتائجكم
حتى ماينطيني كلبي انشرلكم افلام

احد ممولي فيلم Sound of freedom متهم بأختطاف الاطفال و تم إلقاء القبض عليه و الفيلم نفسه يحجي عن الاتجار بالأطفال، حجيتلكم سابقاً عن الفيلم ديتعرض لمحاربة من هوليوود لان يمسهم و يمس السياسيين ممكن التهمة تكون صحيحة و ممكن لا، لكن اجى الرد السريع من صناع العمل و كالوا اكو هواي ممولين للفيلم و ما يعني شي هالموضوع بعملنا.

هاي افضل قناة بيها بروكسي مدري شسمه
افضللكم من البرنامج مال vpn

بس استخدموه حتى تشوفون قناتي وشناشر وسدوه

يومين و يصدر انميشن السنة على الإنترنت فيلم سبايدرمان.

عدت مشاهدة فيلم Arrival و يا رباه نفس الشعور قبل 7 سنوات فيلم بي رسائل على الجانب الإنساني و العاطفي و رسالة مهمة عن السلام و الجملة اللي حبيتها "اذا شاهدت حياتك من البداية الى النهاية فهل ستغير الأحداث؟" وياها ساوندتراك on the nature of daylight من ماكس ريختر اللي يشك شك (بالمناسبة لاست اوف از استخدموا نفس الساوندتراك من تزوجوا بيل و فرانك بالحلقة الثالثة كرهوني بأمه بوكتها) بالتأكيد واحد من افضل افلام ديني فيلنوف و يستحق المشاهدة اكثر من مرة.

بالرغم من تقييماته السيئة من النقاد و الجمهور حقق الجزء الثاني من فيلم Meg ايرادات جيدة 142 مليون دولار في البوكس أوفيس العالمي بميزانية تقدر ب 130 مليون دولار.
سمعت جايسون لازم ديناصور جوه البحر و استلمه بوكسات.

باربي راح ينعرض نهاية الاسبوع بالشرق الاوسط و الخليج بقى التأكيد من السينما العراقية.

بس نحتاجه؟ نحتاج نشوفه؟ 😅

يلا نشوف 🔥🔥🫡