وينهم عشاق Invincible
نزلت حلقة طويلة خاصة ب Atom Eve تصبيرة لحد ما ينزل الموسم الثاني بعد 3 اشهر.

البارحه واليوم جنت اشاهد بهذا التطبيق
الي هو نفسه فودو
جنت اباوع بي على اشتراك الخط
بس حاولت اشغله على ايرثلنك ماكو ماشتغل
اظن يدعم بس اشتراك الخط (زين - اسيا)
زين البرنامج سلس وجاي يشغل طبيعي
وبحوشت بي لكيت اغلب الاعمال موجوده بي
ممكن يكون خيارك مكان سينمانا

ضحكوني جماعة ون بيس
يحجون على التريلر مال مسلسل الواقعي

معترضين شلون لوفي عنده شعر بباطه
بالانمي ماعنده شعر
(ترى صدك معترضين ماجاي اشاقه😂)

فلم تافه جداً مقارنتاً بالجزء الاول
والي زعجني بي
انه اكو دبلجه بالفلم
لهاي الممثله السمره
يعني ماكو بعد ممثله اسبانية خلصن؟
ف جبتوا هاي وخليتوا عليها دبلجه

سويت بوت مال اختبارات
اليوم ساعه ب١١ انشر الرابط
10 اسئلة لطيفة 😁

والي يحصل اكثر عدد من النقاط اله حساب نتفلكس شهرين
تحضروا 🫂

راح ازيد الاسئلة
لان شفت 10 قليلة كلش 😆

تقارير تكول الموسم الثاني يتكون من 8 حلقات 4 منها هالسنة و 4 بداية سنة 2024 يعني بالاقساط.
منو شاف حلقة اتوم ايف جانت حلوة و تحجي عن ماضي الشخصية.

شويه وانشر الرابط مال اختبار 😁
راخ اخليه لمدة 10 دقايق وبعدها احذفه
والاول يحصل حساب 🫂

🎲 اختبار '❇️ مجموعة اسئلة خاصة بعالم السينما 🎞️🎬'
❇️ 20 سؤال منوع بين عالم الافلام والمسلسلات ❇️ الي يحصل اكبر عدد من النقاط هو الفائز بحساب نتفلكس مدته شهرين @iraqi_movies
🖊 20 سؤالًا · ⏱ 45 ث

يلا بلشوا 🫂

دقيقتين واسده
حالياً اكو واحد حال 19 سؤال هو الاول 🙃

خلصنا 🫂
الاول والثاني الفرق بينهم دقيقه يمكن
طبعاً الاول مدري ليش احسه غش لو حل على الحظ 😂
لان مستحيل بهل ثواني تحلهن كلهن
مبروك تعال خاص 🫂
@almuyad

تحياتي للمراكز الاخيرة 🫡

يلا كل كم يوم اسويلكم اختبار 🫂

انا دي ارماس لصالح لوي ڤيتون.
لاحظولي اللفظ مال البراند كتبته بالفرنسي.

تتذكرون السالفة اللي صارت قبل سنتين عن اسهم GameStop اللي صعدوها مجموعة من الناس العاديين و ضربوا بيها حيتان وال ستريت بعد ما اتفقوا ذوله الناس على موقع ريديت، راح ينزل فيلم عن هاي السالفة بعنوان Dump money من بطولة بول دانو و سيث روگين بعد شهرين.

نزل مسلسل الاكشن والمخابرات الجديد
Special Ops . Lioness
بطولة النجوم
زوي سالدانا + نيكول كيدمان + مورجان فريمان

بينما تسعى (جو) للحفاظ على استقرار حياتها الشخصية والعملية في آن واحد، تواجه العديد من العقبات في حرب المخابرات المركزية ضد الإرهاب، وتستعين بـ(كروز) من قوات المارينز للعمل عميلة سرية لحسابها في إحدى المهمات.

نيتفلكس اعلنت عن وظيفة AI product manager يعني مدير منتج ذكاء اصطناعي براتب 900،000$ بالسنة بينما يتقاضى 87% من الممثلين راتب اقل من 26,000$ بالسنة.
لمثل هيج اسباب صار الاضراب.

الممثلة كيميكو حصلت على 27 دولار فقط من مسلسل orange is the new black و شاركت في 44 حلقة!
يعني استلمت سنتات على كل حلقة