ان شاء الله باجر رايح اشوف اوبنهايمر واذا صار عندي مجال اشوف باربي هم

قبل شويه جنت اقرأ بالمراجعات مال فلم وردود الافعال
لازم قبل لاتروح تشوف الفلم تخلي ببالك
انه فلم سيرة ذاتيه
تحب هجي افلام انت؟

لان اذا بحياتك ماشايف غير افلام الاكشن والكوميديا
وبعمرك ماشايف أي فلم سيرة ذاتيه
ماراح يعجبك الفلم

ف روح شوف باربي أفضل

مؤيد لازم حاجز تذكرة مو تروح هيج كبل
ترة ما تحصل
انا بس الجمعة عندي مجال ومن نفتح الحجز المسبق كبل طبيت اجيك
الخميس والجمعة كل الكراسي الزينه جانت محجوزة وبس السبت اكو كم مكان
ف اجلت عالسبوع الجاي

بسينما بالبصرة
صارلي يومين حاجز

واو !

من اوصل للبيت بسلامة اسولفلكم

حلوه البصرة ومو حارة أبد

من الشغلات الحلوه
لاكيت شاب سلم عليه عرفني
كل وبالي من الانستا يعرفني وشي
وانا مدري ليش سويت روحي اعرفه 🤣
كتله اي عرفتك
وانا بعمري ماشايف الولد
جان يكلي لا ماتعرفني متابع قناتك وماحاجين قبل 🤣🤣🤣🤣🤣

تحياتي الك 🫡

بين ما اوصل
ترى اكثر الي راحو حتى يشوفون الفلم
شباب اعمارهم صغار رايحين يشوفون الفلم علمود كيليان مورفي
بحيث اسمعهم يكولون البطل توماس شيلبي وخابصين الدنيا عليه
والبقيه جايين علمود الستوريات 🙂

وبالاخير كلهم ناموا بنص الفلم 🤦🏻‍♂️

فيلم أوبنهايمر هو انجاز سينمائي كبير للمخرج كريستوفر نولان و اعتبره نقلة في سيرته المهنية العمل ممتاز من ناحية الاخراج، التصوير السينمائي، البصريات و الأصوات يختلف عن ما قدمه سابقاً، هذه المرة مايريد نولان ان يعبث بعقولنا بل يريد ان يوصل لمشاعرنا بتقديم قصة مهمة جداً غفلنا عنها او نسيناها ليذكرنا مجدداً ان هذا التهديد موجود، الاداء مبهر من كيليان مورفي بدور رئيسي و يأتي من بعده روبرت داوني جونيور شفت عدد كبير من النجوم لكن بأدوار صغيرة و هذا يعود لنولان لأنه وضح منذ البداية ان الفيلم يقوده كيليان و جميع المشاركين في الفيلم هي فرصتهم لأظهار بريق كيليان لا اكثر و لا اقل ماراح يأخذ اي ممثل مساحة اكثر من النص المكتوب لهم، الفيلم حواري طويل جداً خضت تجربة ما اتمنى ان اكررها مرهقة نفسياً اكو العديد من الامور السياسية مافهمتها تحتاج الى بحث طويل، وصلني شعور كيليان من الحماس الى الذنب و التفكير بما أقترفه و دخلت بالمعضلة الأخلاقية التي طرحها نولان ليشغل تفكيري لمدة.