نهاية سكسشن خلتني صافن و ما اعتقد راح تطلع من راسي هاليومين بعدني بالمود مالتها، ما اريد انطي اي شي لكن ما توقعت هالنهاية و بقى تأثيرها هذا المسلسل ما راح ينطيك اللي تريده كمشاهد، الكاتب عنده رؤية و قراراته جريئة بالإضافة لذلك انت تروح للمسلسل و انت تذب نفسك عليه مو هو اللي يشدك و يجذبك، مسلسل عظيم و شغل مرتب تتفرج على صراع السلطة و الكل يريد حصته من الكبير للصغير اللي يريد الفتات بجو مشحون و صعب بعد النهاية تحس اخذت نفس من عائلة روي المجنونة المخبولة و المكسورة.
احسنت صنعاً ارمسترونگ

حجيتلكم قبل عن فلسفة HBO بالصناعة و اهتمامها بالكتابة الجيدة قبل كلشي، اليوم قالت رئيسة الدراما بشركة HBO فرانسيسكا اورسي انهم غير مهتمين بأعادة صنع مسلسلاتهم القديمة “reboot” بل يفضلون صرف جهدهم و طاقاتهم على اعمال جديدة أصلية و غير مشتقة.
و هذا بالضبط اللي المفروض يصير لان هوليوود بشكل عام من ما عدها شي ترجع على الاعمال القديمة الناجحة و تعيد صنعها علمود تحقق ارباح و هذا هو الافلاس و قلة الأبداع.

هسه اوكي مدحناك بالبدايه وكلنا خوش جاي يبني احداث ومن هلسوالف
بس مو هجي
طولتو ترى ولحيتوا بالسالفة
اذا اريد هجي بناء احداث اروح اتابع مسلسل حي المن متابع انمي
النوب كل اسبوع ربع ساعه

انا من الناس الي يتابع انمي
علمود ال badass moment
لاتكلبون الانمي مسلسل حي

صرح "كريس ميلر" بأنه مازال يوجد العديد من نسخ Spider-Man التي ستصنع ظهورها الأول بعالم الأنيميشن في فيلم "Beyond The Spider-Verse" ، و أضاف:

“ إن كنت تعتقد بأنك قد رأيت جميع نُسخ سبايدي بإعلان "Across The Spider-Man" فعليك الإنتظار حتى ترى هذا لأننا قمنا بتوفير الكثير له"!

قصتي مع ايجي بيست

هذا الاسبوع الدامي انتهت بي اروع المسلسلات من ضمنها مسلسل باري ما كدرت اكتب عنه بنفس يوم نهاية سكسشن لان اظلمه نهايته كانت مرضية، مشاهدة مسلسل باري أشبه بمشاهدة تمثيل مسرحي ساخر هزلي بالإضافة الى ذلك عميق و سوداوي يطرحها المسلسل بخفة مع حس دعابة فريد من نوعه اداء الممثلين بي كان اداء عمرهم، بيل هيدر فعلاً اثبت موهبته بالعمل من البداية للنهاية كممثل و كاتب و مخرج راح يحتاج فترة طويلة حتى يتجاوز هذا العمل.

فيلم the son
فلم درامي بحت
ويقهر كلش
واداء هيو جاكمان والطفل كان عظيم بالفلم
والفلم جزء من سلسلة راح تمتد
الي هي
The father
The son
The mother
The daughter
يعني راح يمرون على العائلة كلها
ويمكن حتى الاجداد
نعرض الى الان فقط فلمين the father و the son
وجداً انصحكم بيهن
وبعد فترة راح ينزل the mother
وكل فلم قصته وحده يعني مامرتبطات ببعض

فيلم اوبنهايمر سيكون بتصنيف R للبالغين لاحتوائه على لغة قوية، تعري و امور اخرى، هذا اول فيلم لنولان بتصنيف R منذ فيلم انسومنيا.
ممكن تتعدل تصير PG-13 اذا الشركة رادت تربح بس هالشي مستبعد لان يونيفيرسال منطين لنولان الحرية الكاملة و هاي الرؤية مالته بدون ما يتدخلون بيها.

توم كروز غاضب بشدة من أوبنهايمر لأنه سيأخذ جميع عروض صالات الايماكس من فيلمه المهمة المستحيلة 7 و قام بعرض الفيلم لأصحاب الصالات في محاولة منه لأقناعهم بعرض فيلمه بدلاً من أوبنهايمر او باربي.

هنا مجموعة تريلرز للافلام الجايه بهل سنة

عبالي الخبر نكتة بس طلع صدك
بفيلم باربي استخدموا الطلاء الوردي بكثرة لدرجة انهم تسببوا في نقصه على مستوى العالم.

اب يفقد بنت بظروف غامضه ويبدي رحلة البحث عن بنته
الفلم مو واو ابدا
لكن الحلو بيه التقلبات بالاحداث الي تصير
الفلم كل مشهد تكول خلاص انتهت الحبكة
لكن يفاجؤون المتابع بتحول جديد
الفلم لازم يتابع لاخر لحظة في سبيل نصل للحبكة الاخيرة المقصوده
انصح بيه لسهرة خفيفة مرتبه

سبايدرمان يتجاوز The dark knight بتقييم 9.1 على موقع IMDb ليصبح الاعلى تقييماً كفيلم مقتبس من كومكس للوقت الحالي.
مارتن سكورسيزي شاهد الفيلم في عرض خاص و قال في البداية كنت متردد لكن بعد المشاهدة غيرت نظرتي لافلام السوبرهيروز تجربة رائعة.
كل يوم منشور سبايدرمان لحد ما تشوفوه

A good person
ليش نبقى نحب هيج افلام
ليش نبقى نرشح هيج افلام
ببساطة شديدة لان هيج افلام هي الي خلتنه نحب السينما
هيج افلام خلتنه نعرف معنى الفن الحقيقي
الفلم ( برأي) متكامل من ناحية التمثيل( فلورنس بكد ما هي حلوة بدعت بالفلم)
ومن ناحية الاخراج والموسيقى كان متكامل
القصة ببساطة: شابة على ابواب زواج تتعرض لحادث مميت وتنجو من الحادث
لكن ما نجت من العواقب
الفلم كان رحلة بين السعادة وبين التعاسة
بين انه عايش حياة حلوة وبين الحياة الحلوة برمشة عين تنتهي
الفلم كان خالي من الاجندات الدخيلة على الفطرة وكان شبه خالي من الاباحية
الاعتماد فقط على قوة التمثيل والقصة
الفلم بيه جرعة من الامل والتفاؤل
انصح بيه وبشده لسهرة عائلية مرتبة( بيه كم مشهد مو قوي بس بيه تحذير واكو مكص)