فيلم سكورسيزي حصل على 9 دقائق تصفيق في مهرجان كان، الاراء ايجابية جداً من ضمنها اداء ليوناردو ديكابريو في هذا الفيلم هو الافضل في سيرته المهنية، الفيلم ملحمي و هو الرؤية الاكثر ظلامية للمخرج سكورسيزي حتى الان.

حماااس

شهالسالفة اللي ما تخلص لعبتوا نفسنا
واكين فينكس لبطولة فيلم رومانسي "مثلي" ابو الالوان من اخراج تود هاينس بتصنيف NC-17 للبالغين فقط.
هنا ما افتهم نفاق المجتمع اللي هناك لان جانوا يحتجون اذا الشخصية عدها إعاقة لازم يجيبون واحد معاق اذا الشخصية مثلية لازم يجيبون ممثل مثلي، هوليوود كالت اوكي هاكم فيلم مال مثليين و الكادر كله مثليين ف النتيجة جانت فشل الفيلم هسه ديجيبون نجوم كبار مثل ما شفنا مؤخراً فيلم قصير عن قصة حب من بطولة بيدرو باسكال و ايثان هوك و هسه جابوا واكين.
الشغلة انداست

مسلسل The idol يحصل على تقييم 11% على موقع الطماطة الفاسدة، احد الاراء قال: "عمي هذا المفروض يسموه فيفتي شيدز اوف تيسفاي* تكول فاتح صفحة من موقع اباحي و دا اتفرج العمل من بطولة ليلي روز ديب و ذا ويكند بتسريحة ذيل حصان و شعر مدهن".
اغلب الاراء تقول ان العمل شنيع فاسق داعر .

*ايبل تيسفاي هو الاسم الحقيقي للفنان ذا ويكند.
دتلاحظون الحركة حطيت نجمة فوك و جوه كتبت شرحها تكول كتاب مو بوست.

هي الدنيا هيج صارت
ننتظر كلمة الجمهور

واخيراً نزل 🙂

شدعوه هلكد اكشن بي
اريدهم بس يوكفون شويه يسولفون ماكو
بس قوي الفلم 😆🔥
ونهاية منطقية وجميلة

وجاي اتابع هذا المسلسل ❤️‍🔥
لحد الحلقه ال٣ جميل المسلسل وذكي
انتظروا اكمله 🫂❤️

وهم شفت هذا الفلم
وعجبني لطيف😁
والكوميديا بي لطيفه هم
اكثر شي عجبني بي عالمه
وياريت يتوسعون بي
بي سوالف هواي حلوة
انصح بي هواي ❤️🫂

وعدكم هذا الفلم
حلو ك قصة
بس يعني بي مشاهد اكشن مبااالغ بيها كلش
وعلى كولتكم مو منطقية 😆
بس يبقى حلو ويشد
الي يدورون سوالف الانتقام والاكشن هواي
هذا الفلم يفيدكم

الفلم شفته من زمان بس نسيت انزللكم عنه
باختصار
فلم جميل لطيف ممتع 🫂 عجبني
وبالنسبة للشخصية الشريرة
هواي سوالف واخبار صارت
وهم نسيت اسولف عنها 🤣
بس المهم الفلم حلو
وممثل الشخصية الشريرة الي هو جوناثن
راح يغيروه
لان عليه قضايا مال اعتداء على امرأة
باسطله مريه

والشخصية الشريرة كانج
حسب كلام الي قارين الكومكس
انها شخصية قوية جداً وهيبة
يكولون اقوى واكثر هيبة من ثانوس

يلا باي
نشوفكم بعد فتره 🫂

والادمن احمد
تشوفوه بالعيد
راح يجي يعايدكم ويروح

ها صدك
اول تم الاعلان عن الجزء الجديد من لعبة مورتال كومبات
رحت شفت هاي الافلام 😁
افلام قويه ومترابطة تقريباً
بالاخص الفلم مال سكوربيون جان قوي كلش

مدة الحلقة الاخيرة من مسلسل سكسشن ستكون 88 دقيقة المداراة الزينة من HBO طبعاً اكثر نهاية متحمسلها الكتابة و البناء العظيم للمسلسل خلت كل السيناريوهات مطروحة على الطاولة محد يكدر يتوقع شنو راح يصير و هنا الكاتب ديتحكم مو الجمهور لان اصلاً ما عدنا رؤية، الحلقة الاخيرة هي الأهم بأي مسلسل لان تحدد شلون الناس راح يتذكروه فمستعد للقفلة الرهيبة بعد ساعات.

نهاية سكسشن خلتني صافن و ما اعتقد راح تطلع من راسي هاليومين بعدني بالمود مالتها، ما اريد انطي اي شي لكن ما توقعت هالنهاية و بقى تأثيرها هذا المسلسل ما راح ينطيك اللي تريده كمشاهد، الكاتب عنده رؤية و قراراته جريئة بالإضافة لذلك انت تروح للمسلسل و انت تذب نفسك عليه مو هو اللي يشدك و يجذبك، مسلسل عظيم و شغل مرتب تتفرج على صراع السلطة و الكل يريد حصته من الكبير للصغير اللي يريد الفتات بجو مشحون و صعب بعد النهاية تحس اخذت نفس من عائلة روي المجنونة المخبولة و المكسورة.
احسنت صنعاً ارمسترونگ

حجيتلكم قبل عن فلسفة HBO بالصناعة و اهتمامها بالكتابة الجيدة قبل كلشي، اليوم قالت رئيسة الدراما بشركة HBO فرانسيسكا اورسي انهم غير مهتمين بأعادة صنع مسلسلاتهم القديمة “reboot” بل يفضلون صرف جهدهم و طاقاتهم على اعمال جديدة أصلية و غير مشتقة.
و هذا بالضبط اللي المفروض يصير لان هوليوود بشكل عام من ما عدها شي ترجع على الاعمال القديمة الناجحة و تعيد صنعها علمود تحقق ارباح و هذا هو الافلاس و قلة الأبداع.

هسه اوكي مدحناك بالبدايه وكلنا خوش جاي يبني احداث ومن هلسوالف
بس مو هجي
طولتو ترى ولحيتوا بالسالفة
اذا اريد هجي بناء احداث اروح اتابع مسلسل حي المن متابع انمي
النوب كل اسبوع ربع ساعه

انا من الناس الي يتابع انمي
علمود ال badass moment
لاتكلبون الانمي مسلسل حي