مخرج المسلسل يكول قشمرت المشاهدين وخليتهم يتابعون حلقه مثلية.
فرحان ب روحه 🤦🏻‍♂️

بعيدا عن الحلقه ومحتواهه واحذ اذا يحجي مالت الله الموسيقى جانت قوية 😂💔

مادام صارت بيها اعترافات
ف اعترف
انا انقهرت عليهم 😔 وتأثرت بالحلقه

لعد خل اكملهه هم
مالت الله الحلقه جانت قويه كلش من ناحيه الاخراج 😂
ولو مسوينهه قصه حب بين بنيه وولد جان حصلت تقييم ١٠ من ١٠ بكل سهوله.

شباب اكو فيديوات انتشرت على اليوتيوب كلي عليها صديقي قبل فترة اسمها the backrooms فدشي كلش غريب و ما مطروق بأطار الرعب يعني و على اساس هاي الطشة استوديو A24 راح يسوون فيلم مقتبس منها.
راح اعوفلكم فيديو بالتعليقات شوفوه و انطوني رأيكم

قال الممثل براين كرانستون ان ظهوره بشخصية والتر وايت في اعلان السوبر بول قد يكون الاخير و يعتبرها حلقة التقاعد من عالم بريكنگ باد.
من سمعت قد يعني مو قرار نهائي ممكن يقنعوه بأعلان ثاني اذا الفلوس زينة.

كملت المسلسل ومشاعري متضاربه
المسلسل بي مكس غريب كلش بين الدراما الحزينه والكوميديا
يعني يطلعلك مشهد يضحكك وراها مشهد عيونك تدمع
وطبعاً اداء ماجد الكدواني بالمسلسل
رهييييييييب رهيب
الكوميديا الي بي حبيتها خفيفه وتضحك بس بالموسم الثاني حسيت شويه راحو زايد بس يبقى يضحك
وكأداء درامي
10/10
من زمان كلش مامتأثر هجي
بالاخص آخر حلقتين
الدمعه نزلت

هذا المشهد الي مستحيل ما تتأثر بي
جان كابت حزنه وخوفه لمدة طويله
وفجأة طلع كلشي بحضن اخته
المشهد ذكرني بفلم The father

طبعاً المسلسل سابق الاعمال العراقيه بسنين طوووووويله
وانطيكم ابسط سبب
هذا ابن ماجد الكدواني (يوسف)
منطيه دور جداً جداً صغير بالمسلسل
وماظهر بس حلقتين يمكن
مع انه جان ممكن ينطيه دور ابن اخته باحداث المسلسل
مو جايني اياد راضي
وجايب عائلته كلهم وحاطهم بالمسلسل

مهند التركي بين الماضي والحاضر
هوه ما ادري شسمه
بس اني اصيحله مهند

دشوفوه بس حواجبه تستاهل اوسكار
The banshee of inisherin

طبعاً نسيت اسولفلكم عن الفلم
مدري سولفت عنه ونسيت

ملعون

رسمياً الحلقه الاولى من القسم الثالث والاخير لأنمي attack on titan راح يكون طولهه (ساعه) وحتنعرض بتاريخ ٣/٣

اكو احتمال كلش جبير انه سينمانا أو شبكتي بشكل عام تنغلق بالكامل
وشكلنا راح نرجع لايام التورنت