الأفلام الخيالية بعد ما تشوفها بخمس دقايق تبقى تفكر بينك وبين نفسك تگول معقولة باچر عگبة هيچ يصير تطور و و و إلى أن يطلع هذا ابو الـ MBC2 يگول " هناك ثلاث رجال يقومون بالسطو على بنك ويحتجزون الرهائن وسط محاوطة الشرطة لهم فهل يلوذون بالفرار .. Next عالام بي سي تو"
فأنت هنا تگوم تذب منفضة الجگاير وترجع تطفي التلفزيون والضوه وتنام وينّسي الفلم الخيالي إللي چنت تشوفه . .
وإذا تشوف فلم آكشن فبعدها مباشرةً تگوم على اخوك الچان يشوفه وياك وتگله "ياااااع اوووباااا وتظل تگمز عليه كونك تأثرت بالفلم وبعدها ينسي الفلم . .
اني اگلك بس افلام الرعب تبقى يومين مأثرة بيك وكلما تطفى الكهرباء تصيح على اخوك "اووووووو .. اجاك هذا الطلع بالفلم البارحة .. اوووو وغيرها من حركات بهلوانية" . . . .

بس اكو افلام تبقى بذهنك وتستفاد منها بحياتك وتنطيك حافز على فعل أشياء هواي سواء بالبيت أو خارج البيت أو بشغلك إلخ....

نجي هسه لهذا الفلم الإيراني "#الفضيحة - #رسوايى" .. هذا الفلم شفته للمرة الثامنة اعتقد وما مليت منه واول مرة اكتشف انُ الدرامة الإيرانية مو بس مسلسلات .. بس للأسف إعلامنا العربي ما مسلط الضوء على مثل هذه الأفلام سواء الإيرانية كانت أو غيرها . .
ما راح احچي عالفلم اي شي حتى إللي ما شايفة يصير عندة فضول يشوفة !! .
رابط الفلم: https://youtu.be/EiZ_McaFYWA

مشاهدة ممتعة :)