كملت الموسم الاول من مسلسل The studio يتحدث عن مدير شركة انتاج شغل المنصب حديثاً و عنده مشكلة انه يحاول ارضاء النجوم و يكون محبوب معضلته الأساسية يحب يصنع افلام الها قيمة فنية بس الادارة تريد منه افلام تجارية حتى يربحون، هنا راح نشوف شنو اللي يصير بهوليوود بس بأسلوب ساخر و القصة تنعكس ايضاً على اللي نشوفه بالمسلسل اللي هو كوميدي بس مشتغلي بطريقة فنية مثلا طريقة التصوير ذات اللقطة الطويلة مع ظهور ضيوف كثيرين.
بالنسبة الي احب هيج نوع و استمتعت بي.

صدر فيلم الرعب Until dawn المقتبس من اللعبة بنفس الاسم، يعني شكللكم اتعس تمثيل شايفه من فترة طويلة حتى اتعس من تمثيل ذا ويكند بمسلسل أيدول، التمثيل بارد و روبوتي الردود جاهزة قبل طرح السؤال ماكو صفنة ماكو تأمل ماكو رياكشن اضافة لهالشي ماكو عناصر جذب او تشويق.
اقتباس سيء

Good will hunting
من بطوله مات ديمون وبن اخليك و روبن ويليامز

شاب عشريني عبقري قادر على حل مسائل استعصت على طلاب جامعه هارفارد بس وضعيته عكس ذكائه لانه يشتغل منظف ارضيات بالجامعه ويقرة كتب هواي (عبالك هو طالب سادس) لكن مشكلته ما يندل نفسه تايه بين الكازينوهات والطلعات وجماعته وعقدة النفسيه بسب طفولتك القاسيه مع ابوة الي خلاة بدوامه ويلوم نفسه بطريقه لا واعيه ويخرب ذاته الا ان التقى بالمخلص شون (روبن) الي نبش ماضيه وعرف شنو الي وصله لهالحاله وعالجه نفسيا وروحيا ، فلم المفروض الكل يشوفه حتى يعرف نفسه شبيه وشلون ممكن البيئه المحيطه والطفوله تأثر على تفكير الواحد .

ينسد النت ؟

شنو وضع سينمانا

ثيمالا؟

رجعت اشتغلت

شكلهم بس رادوا يهبطونا

بما انو عطله ف لازم نعيد هيج تحفه بس المشكله الجو صيف هسه

شنو تتوقعون راح يصير بالحلقة الأخيرة ؟ 👀

مساء الخير اريد طريقه أو برنامج او رابط للأفلام والمسلسلات لجماعه الايفون الي عندة لا يقصر خل ينزله بالتعليقات لأن خطيه صاحبي حيل وضعيته متدهوره

خلي يجي يشتري مني نتفلكس
لو هم وضعيته المالية متدهوره

صدر فيلم Sinners من بطولة مايكل بي جوردان يتحدث عن توأم يعودان لبلدتهم بعد حياة قاسية و يقرران بدء حياة جديدة لكن يكتشفان أن هناك شر اكبر من مجموعة الكلان، الشغل الفني على الفيلم كلش متعوب عليه و الجميع يتفق على هالشي، بداية الفيلم درامية لكن الاحداث و الحوار يشد المشاهد و يجينا النص الثاني من الفيلم بي حركة اكثر و خبال اكثر على طريقة تارانتينو لكن بقى ممتع بالنسبة الي.
انصح بالمشاهدة جداً

بالنسبة لمايكل مو كلش احبه كممثل
احسه منفوخ اعلامياً بزيادة كلش

جوناثان جان هو مستقبل البشرة السمراء بالتمثيل بس للاسف حرموه من النجوميه
ممثل عظيم بشكل