عمر وسلمى

كلما ضاقت بي الحياة واريد اتونس واضحك
ارجع اشوفه

اليوم شغلته بالتلفزيون على الغداء
واستمتعنا بي انا والعائلة الكريمة

فيلم The Apprentice من بطولة سباستيان ستان و جيرمي سترونگ يتحدث عن بدايات ترامب و قصة صعودة، تغيير الشخصية من الشاب الطموح اللي يريد يثبت نفسه إلى الرجل اللي مستعد يگول اي شي حتى يحصل اللي يريده بعد ما صار تلميذ الشيطان روي كون جان مخيف مخيف مخيف، برأيي اللي يشوفه ما راح يباوع لترامب بنفس النظرة بعد ما يفتهم شنو طريقة تفكيرة و الاستراتيجية مالته، تمثيل ستان و سترونگ جان بالقمة، من اخراج علي عباسي مخرج فيلم عنكبوت.

انصح بي جداً

يكلك نازل بيه دوسه وكشه فضحتنه بين العربان

تسرب فيلم Kraven the hunter من الشركة اللي تسريباتها اكثر من حكومتنا، قصة اورجنال معادة و مكررة الف مرة بس هنا القدرات اجتي بعضة من اسد اخذ بيها كيلو لحم من ظهره ال CGI يضحك و الشرير مال فيلم يضحك، ماكو بناء مرتب ماكو كتابة شخصيات قوية الصراحة توقعت اكثر من سمعت سوو اعادة تصوير اكثر من مرة توقعت ينتبهون على الأغلاط.

ينصح به إذا جنت تريد تعذب نفسك

البرنامج مال مستر بيست نزلوه بسينمانا
يتعاركون على 5 مليون دولار

بطرانين ماعدهم شغل وعمل

شو مابيه حيل اتابعه 😔

صارت خوفه يا جزء ثاني ينزل يطلع خرطي

صدر الموسم الثاني من مسلسل لعبة الحبار لاعبين جدد و العاب جديدة الحلو بهالموسم ما وكع بملل التكرار و الهدف منه هو كسر القواعد لكن بمجرد الانتهاء منه راح تحس هو مجرد تهيئة للموسم الثالث، اكو لحظات راح تحسون انه اللي ديصير هو حشو لكن عناصر التشويق موجودة

المهم بشكل عام جيد المسلسل الى الآن

طلع مو موسم ثالث
وانما تكملة للموسم الثاني
راح تنزل بعد 6 اشهر

زين انا شعليه حاطيلي سمايل فشار

The skeleton key 2005 المفتاح العظمي

لا ينجح الأمر الا ان صدقتيه

تعودنه نشوف نهايات افلام سعيده بالشر والخير أو قصه حقيقه وننتظر البطل يعيش حياه مال اوادم بالنهايه بس بهالفلم عكس كل التوقعات قصته عن ممرضه تعوف شغله بالمستشفى وتلكه بالصدفه عن بيت محتاجين شخص يعتني بمريض الهم مقابل أجر بعدما تبلش الممرضه (كارولين) تبده تلاحظ هواي اشياء غريبه ما اله تفسير والي راح يشوف الفلم كذلك حتواجهه مشاهد غريبه لكن بالنهايه راح تتوضح ووياه حتكون الصدمه والصدمه الثانيه المحامي وشلون وليش صار هيج بطلات الفلم (جينا رولاندز)
والجميله فردنوب كيت هدسون (الممرضه كارولين).

يافلم حاطين للسهرة اليوم؟

افضل طريقة نبدي بيهه السنة الجديدة 😂
Dune Prophecy الحلقة الاخيرة 🔥🔥

سنة سعيدة شبابنا الحلوين ❤️‍🔥

حلقة بيهه احداث اكثر من الموسمين مال house of the dragon 😂😂
ابداع بمعنى الكلمة
The penguin
Dune Prophecy
Hbo هنا ابدعت

صدر فيلم A Real pain يتحدث عن ولد عم يذهبون في رحلة سياحية إلى بولندا لاستكشاف تاريخ عائلتهم و ذكريات عن جدتهم، اختلاف شخصياتهم و وضعهم الاجتماعي يولد توتر بيناتهم و كونت النا رحلة عاطفية تستحق الاكتشاف.
الفيلم درامي هادئ في اغلب الاوقات وضعه ممتاز بالنسبة لتجربة جيسي ايزنبرغ الاخراجية كانت ناجحة.

صدر فيلم Nightbitch يتحدث عن امرأة تتخيل نفسها جلبة بنفس الوقت يتحدث عن الضغوط اللي تواجهها كونها ام ما اعرف الربط بين هاي الجزئيتين اللي صارت بطريقة سطحية بدون هدف، مشاهدة هالفيلم كانت معاناة الشي الوحيد الزين بي هو تمثيل ايمي ادمز.

ينصح به لأغراض العذاب النفسي

كورين فاريل فاز بجائزة الايمي ل افضل ممثل في مسلسل قصير🔥🔥

لكن كريستين ميلوتي ما اخذت افضل ممثلة 🙂🙂🙂💔