الاعلان الرسمي لمسلسل dune prophecy الذي تدور احداثه قبل ١٠ الاف سنة من ولادة بول اتريديس وكيفية تأسيس نظام بيني جيسيرت..

الابداع اللي مفتقدي من زمان
فيلم الانميشن The wild robots أعاد امجاد افلام الانميشن اللي بيها فكرة و ابداع و رد الفعل جان وين جنتوا من زمان، دمج الروبوت ويا الطبيعة قدملي شي غير مألوف سابقاً، جديد و غريب بشكل إيجابي جداً طبعاً انه فيلم يقدملك رؤية مختلفة و بيها المعاني اللي موجودة بالافلام الإبداعية.
قطعاً واحد من افضل افلام هالسنة و افضل انميشن هالسنة بالمقارنة ويا انميشنات 2024 عدنا Inside out 2 و هنا فلمنا متفوق من ناحية الوجه الجديد اما Inside out فهو جزء ثاني من فيلم شايفي سابقاً بس تكملته جان تنفيذها جيد جداً.
انصح بي جداً جداً

الفلم الأوسكاري
All Quiet on the Western front
(كل شيء هادئ على الضفه الغربيه)
يبدي بألتحاق مجموعه من الطلاب من ضمنهم باول بومر جسده الممثل (فيليكس كاميرر) وانطلاقهم بكل حب وفخر واحلام جانو راسمينه بمخيلتهم لكن انصدم باول بواقع الحروب المرير وجثث الجنود والبهذله وكل شويه واحد من جماعته ميت بطرق ما تنسي و يوضحلك نتيجه القرارات العنجهيه والغير مدروسه من القادة والمشهد الأخير من الفلم مؤلم جدا وينحفر بالذاكره💔.

واحد من أعظم افلام الحروب🔥.

شفت الحلقة الثالثة والرابعة
وبعدني مافاهم شي
اكو احداث هواي بالمسلسل بس كلشي مامفتهم

لو تدرون شكد جنت منتظر هلفلم ومتحمسله ❤️‍🔥❤️‍🔥🔥🔥
اليوم نزل

فوت نزلت هالصورة هوملاندر ديوزع بركر للعالم، إذا متابعين تعرفون منو يقصد 😂

صدر فيلم الانميشن Transformers one ممتع ممتع ممتع بالنسبة الي كلش حبيته بالبداية تعاملت ويا كفيلم جديد بدون توقعات و بالنهاية ربطت و اكتشفت ان الفيلم اورجن ستوري، الأصوات خوش مجموعة كريس هيمسورث، سكارليت جوهانسون، جون هام و كيغان.
انصح بي

الفلم نظيف ❤️❤️
ويبينلك سبب العداوة بين ميغاترون واوبتيموس
ويمكن يسوون جزء ثاني حتى يبينون شلون تدمر كوكبهم ونزلوا على الارض (هذا توقع من جيبي)

العدة لدخول الجزء الثاني من فيلم Gladiator تباع في سلسلة السينمات الأمريكية Cinemark.
باقي بس يوزعون بيدرو باسكال هدية

صارلي فترة الشغف رايح
وكلشي ممتابع

صدر اليوم الجزء الثاني من فيلم الجوكر لتود فيليبس و على عكس الاراء الفيلم جان سيء بس اول ساعتين وراها من يخلص يصير ممتع.
حاولت اشوف الفيلم بغير نظرة و جنت متأمل ببعض المشاهد خاصة هذا الشعور المضطرب اللي تنطيها شخصية الجوكر بالبداية بس تسطحت الامور ماكو عمق مخفي و قرار ان يكون الفيلم غنائي هو اتعس قرار ممكن يتخذه اكو كم مشهد جانت عندي بداية اندماج بي و تأثر لكن الاغاني طلعتني من هذا المود بشكل منفر و هواية من المشاهد فقدت المعنى، بالنسبة لواكين فينيكس انطى افضل ما عنده بالفيلم لكن الكتابة لم تسعفه اما الليدي گاگا جان وجودها من عدمه واحد.
احب اخصص البارت الاخير لتود و خليت اسمه بصف اسم الفيلم لهدف و هو دائماً راح ينذكر اسمه كسبب لفشل فيلم ممكن يكون كلاسيك، مخرج يفتقد الأصالة و هالفيلم هو محاولة رخيصة لتقليد افلام الميوزكال الكلاسيكية و اضافة سوداويته لهالسبب طلع نشاز.

شكراً وارنر

نسيت اكللكم
شفت الحلقة الخامسه والسادسه
وزين فهمت كلشي
بالحلقه الخامسه شرحو كلشي حرفياً
هسه المسلسل طلع شويه من الغموض
وصار اكو حماس ولعب بالاعصاب شويه

لحد الان لطيف المسلسل

إلى البطريق أوزوالد
اعهد عهدك و اجمع شملك ف صوفيا قادمة لا محالة، خذوها مني و انقلوها عني هذا المسلسل راح يحصل طن ايميز.
لحد الان 7 حلقات مثالية و تبقى حلقة وحدة نختم بيها و من هسه اسأل هل راح نكره اوز، اليوم ضرب عندي ايرور من شفت طفولته (حتى الممثل الطفل مصيبة جان يقلد الاكسنت مالته) و تبقى كل الخيارات مفتوحة بين اوز و صوفيا.

قليل اشوف افلام مصرية لكن هشام ماجد ديسوي خوش شغل بالفترة الاخير، فيلم اكس مراتي خفيف لطيف كوميدي و بي خوش كاست اكو مشهد وان شوت جداً عجبني مسوي بستايل الافلام الاجنبية، ينصح بي للسهرة.

شكلنا واحنه ننتظر الحلقة الاخيرة

هالاسبوعين التهيت وهسه يلة شفت السادسة والسابعة.
عمي ماكو هيج عمل ولا غلطة.
ترة العمل قوي ب طريقة تنرفز.

هالمسلسل حيصير مثل ابن خالتك ب نظر امك بالنسبة لأي عمل ثاني ممكن ينزل مستقبلاً 😂

افلام كارتون