انتم غير تكلولي بلش الدور الثاني

البارحه انقطع عليه النت ب٦
وخلصتها تصفن

كملته وشفت وراه الجزء الثاني مباشرتاً
الاول جداً قوي كلش حلو حبيته
بي غموض نوعاً ما يونس رغم هواي شغلات انا خمنتهه قبل ما تصير بس اكو كم شغله فاجئوني بيهه
الكادر حلو والموسيقى مال فلم جداً قوية وجانت احلة شي بي (اكيد من بعد انا دي ارماس) 😂
انصح بالمشاهدة 🤍

الجزء الثاني مالته (لطيف) لكن مو بالمستوى ومو يم الاول ابد
وقصته تختلف يعني مو تكمله للاحداث ولا نفس الشخصيات بس المحقق نفسه يعني تكدرون تشوفون الاول بس للي ما شايفة.
او شوفو الثاني بكيفكم بس لا تخلون high expectations عليه
مجرد لطيف لا اكثر…

انجلينا جولي طگت دموعها بعد نهاية عرض فيلمها Maria في مهرجان البندقية حيث حصلت على تصفيق حار لمدة 10 دقايق.
نيتفلكس اشترت حقوق عرض الفيلم

بما انه نزلت 10 حلقات من المسلسل
نكدر ننطي مراجعه عنه

طبعاً ماراح اذكر السلبيات واتعمق بيهن حتى لا يكولون انت جاي تقارنه بهوليوود
راح انطي رايي بي ك مسلسل (عراقي)

بالبداية القصة
القصة تشد وتسوي واهس كلش بالاخص انه يمكن اول عمل عراقي يتطرق لهجي موضوع مال شيطان وهلامور

اما بالنسبة للحوارات بين الشخصيات
ماجانت بذيج القوه وحسب ما وصلني انه المخرج مصطفى الركابي كال للممثلين انه عندك النص وتعرف شخصيتك وتعرف القصة الباقي عليك انت ابدع بالحوار وشتريد تسولف سولف
الحوار ارتجالي ومأثر على المونتاج
بحيث الشباب ماخذة راحتها وتوقيت المشهد فالت بدون تسليم واستلام
هالشي يعتبر كبيرة من كبائر اي عمل درامي
هواي ناس يكولون هو هذا الحوار وهي هاي روح الحداثة ومخالفة القواعد في سبيل الابداع
واي كلام كتبرير لخطأ فني
ماكو ابداع يفلش قاعدة ثابتة من قواعد الدراما وهي ايقاع الحوار

الموسيقى التصويريه جانت عالم ثاني
الي جان مسؤول عنها زيدون حسين
وهلولد واو
ابدع والله

هسه نجي للتمثيل
تمثيل الشباب كلهم جان احترافي
وسنان العزاوي جان طاغي بتمثيله
بالمناسبة حضرت بموقع التصوير
وشفت سنان كدامي شكله جان مخيف والله

اما بالنسبة للاخراج بشكل عام
اكو بيكم كال أن التصوير في كاميرا واحدة هو لاشراك المُشاهد في القصة أو يريدون يسووه مثل التصوير الوثائقي وادخالك في عالم من الواقعية يعني مثل الدراما والسينما الإيرانية بس هنا الجماعة راحو بشكل اوفر يعني
الإضاءة كلش تعبانة والصوت سيء بشكل

بالنهاية العمل ككل
جيد وشي يغطي على شي
وهذا افضل عمل عراقي بالنسبة الي

عاشت ايد الشباب 👏🏻
وان شاء الله الاعمال الجايه بعد اقوى

وشغله اخيره نسيت اذكرها
احتكار المسلسل وانه ينعرض فقط على تطبيق المنصة هلشي سلبي على العمل
واهم سبب انه مو الكل راح يكدر يشوف المسلسل
كان الافضل انه يعرضوه يم اكثر من جهة
أو الانتظار لرمضان حتى يتم نقله على القنوات الفضائية

بعد شغله حلوه بالمسلسل صوت احمد الوائلي ببداية الموسيقى التصويرية ٫ صوت هذه الرجل تحسه مليان حنين للماضي حتى لو يرزلني انطرب بخامة الصوت

معلومة على الطاير
الوائلي الاشعار الجان يحجيها بالمحاضرات اله بس يكول قال الشاعر

نكران ذات عنده مو طبيعي

خلف الكواليس مكياج نيكولاس كيج لدوره في فيلم Longlegs

شكلي راح ارجع اشوف الفلم واكمله

تخفيض لفترة محدودة

اشتراك 6 اشهر =10$
اشتراك سنة = 15$
@almuyad

ينسد النت اليوم؟

اذا سهران وباقي
روحي شغل هذا الفلم بسينمانا قبل لاينسد النت بكم دقيقة وراح يبقى مشتغل عندك (اي فلم تحب مو بس هذا)

بس المهم شوفو هلفلم وباجر اسولفلكم عنه

اذا ناوي تسهر وما عندك شي شوف هالفلم وكلي شنو افتهمت منه و
الي شافوه شنو افتهمتو ؟

فيلم “Leave the World Behind”
واحد من الأفلام الي تخليك تفكر بهواي شغلات بعد ما تخلصه
الفيلم يحجي عن عائلتين يحاولون يثقوا ببعض وسط أحداث غريبة تصير حواليهم، والي تنطيك إحساس إن نهاية العالم قربت.

الفيلم يبدأ بعائلة تروح تقضي اجازة في بيت على الشاطئ، لكن فجأة يظهر أصحاب البيت الحقيقيين ويكولون إنه اكو حاجة غريبة جاي تصير في المدينة. من هنا، الأحداث تبدأ تتصاعد بشكل غريب ومثير. الطيارات توكع، الغزلان تهاجر بشكل غير طبيعي، وحتى اكو مشهد غريب الفلامينجو ينزلون بحمام السباحة.

واحدة من الشغلات اللي تميز الفيلم هي الرموز الي يستخدمها. مثلا، الغزلان اللي تهاجر بشكل غريب ترمز لحالة الفوضى الي جاي تصير في العالم. وبعد الفيلم يطرح فكرة إن الإنسان لما يواجه خطر حقيقي، يبدأ يشك في كل شي حواليه، حتى في الناس القريبه عليه

في النهاية، الفيلم يخليك بأسئلة هواي من غير إجابات واضحة، وهذا الي يخليه فيلم مميز. يخليك تفكر بشغلات مثل الثقة، والخوف، وشلون الإنسان يتصرف في مواجهة الكوارث او ممكن يكمل حلقة فريندز لحد ما العالم ينتهي