بمناسبة الترند حالياً مال chat GPT الجديد وشلون يسولف وياك

انصحكم تشوفون فيلم Her

ابد ماراح تتكئبون

وبالمناسبة
الشركة عرضت على سكارت انه يستخدمون صوتها مثل فيلم her وهي رفضت
ف الشركة استخدمو صوت مشابه الها
وبعدين رفعت عليهم قضية
وكسبتها وشالو الصوت 😁

لا حبي بس ما طاب عالقناة 😂
صار تدلل دزلي يمته تجي ونشوفه سوة ان شاء الله…

فيلم The fall guy
ممتع جداً من البداية للنهاية يسلط الضوء على منفذي المشاهد الخطرة و هذا الدور اللي يلعبه رايان غوسلينغ و بهالاثناء يعيش قصة حب مع مديرة التصوير راح تشوفون خليط بين الاكشن و الكوميديا و الرومانسية بأحداث تقليدية، بالمجمل فيلم صيفي للونسة بتنفيذ جيد جداً و يستحق المشاهدة.

فيلم جيد وممتع
اكشن مصحوب بشويه كوميديا

اكثر شي عجبني بالفلم هو قتالاته جانت ممتعه
والماعجبني هو الدمويه بزياده الموجوده بالفلم

المهم فلم يسوى وحلو ❤️🫂

احد اجمل الافلام الي شفتها بهل فترة ❤️
والاحلى انه قصة حقيقية
فيلم مؤثر ويثير الحماس وممتع بشكل عام

انصحكم بي جداً 🫂

بعد هم فلم ممتع ويثير الحماس 🫂
بسرعه خلص الفلم كلش
ماحسيت بي
خفيف لطيف

هنا اكو شكم تعقيب على الفلم
من ناحية الاخراج والتمثيل جان بيرفكت
بس تعقيبي على القصة
بما انه قصة حقيقية حسب كلامهم
هسه اوكي التهويل مال شخصيات المبالغ بي مفهوم انه لمصلحة الفيلم التجاريه
وزيادة الاكشن وهلامور

بس القصة بشكل عام والاحداث
اشك بيها
أو بالاحرى ماعندي معلومات كافيه عنها

المهم الفلم اذا تريد تشوفه للمتعه فقط
انطلق
راح تستمتع 🫂

وهذا فلم الرعب الوحيد الي كملته
بما انه صارلي كلش هواي ماشايف فلم رعب

واصلاً ماصنفه فلم رعب اكو بس لقطتين جمب سكير يمكن الباقي عادي
وانا باول لقطة ردت اسد الفلم بس صبرت لان صار عندي فضول اعرف القصة

والي زاد الفلم جمال هو مخلين شويه كوميديا خفيفه
والغموض والتويست الي صار
فلم ممتع 🫂

اكو بعد شكم مسلسل شفتهم بس نسيت اسمائهم 😔
واحد منهم كوري

من اتذكرهم انشرهم عود

نظرة اولى لمحاكمة هوملاندر من الموسم الرابع لمسلسل ذا بويز.
اعتقد نزلوها بسمار على محاكمة ترامب

يا دوري ابطال يا صخام

تعالو تابعوا وياي هذا المسلسل 🔥
متوفر على نتفلكس

شلونها الحركه مال نتفلكس

اليوم تعلمتها

صدر بوستر للموسم الثاني من انميشن Arcane

بوستر الموسم الاول

اقوى خزرة بالتاريخ.
“You shook his f***ing hand? oh, I would've spit on his face.”

الاعلان مال فيلم Venom رهيب ❤️‍🔥🔥🔥

شنو جاي تتابعون هلفترة؟

قال منتجو مسلسل 3Body Problem أن نتفليكس ستنتج موسمين آخرين من المسلسل.
أتى هذا التأكيد بعد تساؤلات كثيرة من المعجبين بالمسلسل الخائفين من عدم تجديده

راح اعيد نشر اعمال من منشورات قديمه بالقناة

*من جان الي واهس اصمم