اكو مخرج يصنع ممثل، مجرد يشوف بيك موهبة بسيطة يكعد يشتغل عليك ويطورك ويقدمك للجمهور "نجم" محبوب، وهذا اللي لمسناه بالمخرج والمؤلف علي فاضل والمواهب اللي طورها بولاية بطيخ.
مهند ابوخمرة من جيل علي فاضل، لكن ابو خمرة ماصنع ممثل ولا طور موهبة ولا عنده مسلسل او برنامج ينذكر، يعني نكدر نكول مخرج خالي من الرؤية، هاي عود اتساهلت وياك.
عنده مسلسل اسمه "وطن" من اخراجة وتأليفه وبطولته وتصويرة وحتى السيارة بالمسلسل هم سيارته، ويمكن يطلع هو نفسة زهراء بن ميم .. وين اكو بنية تكول دالعد؟
المهم، المسلسل مو بس خارج التصنيف، أصلا عيب يتصنف على أنه مسلسل.
عبارة عن مجموعة مقاطع صغيرة من أفلام اكشن وموسيقى مال اغاني دبكة سورية، على شوية افلام انمي مخلوط بقصص خيالية من عالم مارفل، وكل هذا بأدوات جرافيكس مسويهن ولد بيتهم بالشعلة.
لا بي حوار، لا بي احداث، لا بي ممثلين، بيه بس ملازم اول صارله سنتين ملازم اول اسمه حاسم .. لا هو حازم ولا هو جاسم.
ولا تعتبرني احارب النجاح، لأن فشلة من نجاح شيكول علينا!!

#سامي_المعلا