صدرت حلقتين اليوم من المسلسل القصير Masters of the air من انتاج ابل و هو عمل ضخم تقدر ميزانيته بين 250-300 مليون دولار كل حلقة مدتها ساعة و كأنها عمل سينمائي، لحد الان البداية جيدة بي نخبة من النجوم الصاعدين مثل أوستن و باري و القصة عن المقاتلين بالجو في الحرب العالمية الثانية، مثل ما كلت كل حلقة مثل الفيلم لذلك آشوفها ثقيلة فأنصح تشوفوها من تنزل حتى تصير حلقة كل اسبوع و إذا عندكم القابلية تنتظروها تكمل فماكو مشكلة.

صدر المسلسل الكوميدي القصير Ted قبل فترة نفس ترتيب الفيلم لكن في حقبة التسعينيات بصراحة افضل مما تصورت بكثير، الانطباع اللي جان عندي هو حلب و راح يكون مبتذل لكن فاجئني كل الحلقات كانت بالمستوى المطلوب عدا الحلقة ما قبل الاخيرة كانت محشورة و نشاز و لا تناسب حقبة التسعينات مجرد دفع اجندات، إذا حبيتوا الفيلم راح تحبون المسلسل.

فلم "البعبع" ل امير كرارة.

صراحتاً من أتفه الافلام الي شفتهه ب أخر فترة
وينافس ب قوة بهاي القائمة.
استغربت لان عادتاً امير كرارة خوش يختار افلام وادوار حلوة.

الفلم غير واقعي وخارج المنطق تماماً
السيناريو جداً ضعيف ومكرر (حرفياً اول لقطة بالفلم مبيوگة من مسلسل Reacher)
وما يتقشمر بي طفل والاحداث متوقعة والقصة جداً جداً ركيكة.
الكوميديا بي تافهه والاكشن مضحك.

الشي الوحيد الحلو بالفلم هو هذه الطفل جان دمه جداً مهضوم والوحيد الكوميدي بالفلم وعندة مستقبل جداً قوي بالسينما وانو هو ب هيج عمر وهيج كوميدي وتعابير عندة كارثة صراحتاً
غير هالشي ماكو ابد مدح.

مجاي اكدر اتجاوز عظمة الفلم
شفته سينما مرتين وشفته قبل فترة هم وبعد اريد اشوفه 😂💔

هذا البرنامج لطيف وحلو
وبي كل القنوات مفتوحه
للآيفون

والي اشتراكه ايرثلنك
يحمل المنصة

جاي عله بالي اعيد ثلاثية the godfather 🤍🤍

الافلام المفضلة لنولان اللي شاهدها بالفترة الاخيرة
Past lives
Aftersun

بالبداية ماجنت متحمس للفلم
بس اليوم شفت المراجعات عليه وتحمستله 🔥
كلها تمدح بالفلم

يلا نشوفه ❤️‍🔥🫡

خابي لام اشهر صانع محتوى على تيك توك يستعد لصنع اول فيلم كبير له بعنوان 00Khaby و هو فيلم جاسوسية كوميدي يلعب فيه دور واحد ابو توصيل مجند من قبل المخابرات الامريكية.

كيليان مورفي سيكون المنتج التنفيذي لفيلم 28 years later مع امكانية كبيرة ان يقوم بدور البطولة كما في الجزء الاول.
اللي ما شايف الجزئين لعبتها هسه على هالأجواء لحد هسه كل ما اشوف اسم الفيلم يجي ببالي الساوندتراك الايقوني.

اليوم خلصت مسلسل ( حالة خاصة ) برسالة عامة للجميع إنه احنه كلنا حالات خاصة بحياة نفسنا وحياة بعض .. ماكو احد بينا يشبه الثاني ،كلنا مختلفين وكلنا مثل ما عدنا الكلاكيع الي تخلينا ساعات ما مفهومين ، عدنا هم الي يميزنا عن غيرنا و يخلينا نحب نفسنا

رسالة انسانية جميلة جداً تكلك (( حِب نفسك ))

حب نفسك حتى لو لكيت الناس تختفي من حواليك ، حتى لو مالاگي احد يفهمك ،حتى لو ماتعرف شلون ترضي الناس ولا تصير نفسهم لإنك اصلاً ما مطلوب منك ابداً إنك ترضيهم ولا تصير نفسهم ، مطلوب منك بس تصير نسخة مميزة من نفسك

تتقبل اختلافك و عيوبك ومشاكلك وماتنتظر ابداً من احد إنه يتقبلها ،لإن الحب اصلاً غير مشروط، لو احد راح يحبك فيحب بيك المكس المختلف اللي ملازمك طول حياتك ،مايصير يحبك بوقت تميزك ويبتعد عنك بوقت وقوعك و خوفك و حزنك

رحلة نديم تشبه رحلتنا، ممكن تكون القصة اختصت الشخصية تكون مريضة بالتوحد حتى تبين معنى الاختلاف بشكل أوضح و بهدف اسمى ،بس في الحقيقة كلنا مختلفين ونضم باختلافاتنا طول الوقت حتى مانبعد الناس عنا وهذا الشي غلط، لازم نصير مثل نديم في عفويته و طيبته وفخرُه بطبيعته و بالإنسان اللي هو عليه ،لإنه مميز ومختلف وجميل ❤️

هذا مو مجرد مسلسل قصير يعدي علينا مثله مثل غيره ، بالعكس راح يبقى دائماً عمل مختلف ومميز و اسم على مسمى (( حالة خاصة ))

احنا حالة خاصة في حياة بعض
حب نفسك ❤️