اليوم الدنيا مشتعلة بأمريكا
طلعت الوثائق اللي تخص جيفري ابستين الملياردير اللي جانت عنده جزيرة خاصة يجيب بيها قاصرات و يسوي حفلات عربدة و غيرها من الأمور اللي محد يكدر يتخيلها، الوثائق هاي مذكورة بيها اسماء شخصيات جبيرة من السياسيين و مشاهير هوليوود و حتى اشخاص من الموساد، الأسماء الموجودة مو كلها متورطة بالموضوع اكو بيهم اي و اكو بيهم لا و اكو اسماء يريدون يعرفون شنو جان وضعهم، من المشاهير موجودة اسماء مثل ديكابريو، كيفن سبيسي، بروس ويليس، كاميرون دياز، مايكل جاكسون و غيرهم.
اللي صدمني ستيفن هوكنگ موجود بالقائمة و ديكولون متورط بالموضوع و مشارك بالطقوس و بحفلات العربدة كلت هذا شلون و كاعد على الكرسي، من السياسيين بيل كلينتون ابرز المتورطين و بعد اكو اسماء راح تنكشف بعد 20 يوم.
الموضوع طويل و بي تفاصيل بس اعرف ما تحبون تقرون هذا المختصر.

سويتلكم تمبلت خاص بعالم السينما 🫂
احسن من بقية الاسئلة المالها داعي قياس حذائك ومدري شنو

تلكوه بالستوري 🫂❤️

نزل تيزر صغير للموسم الثاني من Arcane و هاي نظرة منه.
ينزل هالسنة بس بنهايتها شيصبرنا

قال كريستوفر نولان ان مدربه* شاهد احد افلامه و قال "ضيعت ساعتين من حياتي".
هذا الكلام قاله كريس عند استلامه جائزة افضل مخرج من دائرة النقاد في نيويورك و هو يتحدث عن النقاد و تأثيرهم على المخرج.

*هنا المدرب هو مرشد رياضي على البلوتون اللي هو بايسكل و بي شاشة بي مرشد يدرب مجموعة اونلاين و ما جان يعرف انه نولان اللي موجود بالحصة الرياضية هو مخرج الفيلم.

صورة جديدة لبين افليك صالحة للاستخدام في الميمز 😁

فيلم Anatomy of a fall واحد من افضل افلام السنة الماضية و ما ماخذ حقه بالمدح جداً مؤثر و يثير تساؤلات، الإيجابيات عديدة من السيناريو و التمثيل و غيرها لكن الفيلم ممكن تشوفوه بطيء او ما يشد لازم انت تنطي انتباهك بالبداية.
انصح بالمشاهدة

‏مع مرور الايام راح تعرف انو ولا فيلم من ذني كوميدي

توم كروز وقع عقد مع وارنر بروس لتطوير و انتاج الأعمال السينمائية ستكون مزيج ما بين الأعمال الأصلية و سلاسل افلام و سيقوم كروز ببطولتها، توم كروز حصل على مكتب في شركة وارنر يداوم بي و حتى حصل مكان بالگراج لسيارته.

اليوم سهرت عليه وكملته كلة.
بي كم شغلة مو منطقية عله نقاط ضعف ب قصص الشخصيات، لكن بشكل عام المسلسل حلو ويونس
وانطة شخصية برلين حقهه (الي خربوهه la casa بالاخير)

ياخي شخصيته تخليك تحب الحياة غصب 😂😂😂

يستحق المشاهدة…..

مدراء وارنر بروس يأملون ان يطور توم كروز جزء ثاني من الفيلم الناجح Edge of tomorrow.
هاي بعده ما مستلم الوظيفة و يريدون يحققون أحلامهم براسه هو هذا اللي يشتغل بوظيفة مو حكومية.

اول حلقة حلوه 👍🏻

بعنوان الجدية لا تليق بك
فيلم Lift من نيتفلكس و بطولة كيفن هارت فيلم سرقات بشكل عصري بدخول ال NFT لكن القصة مبتذلة و معادة الف مرة، كيفن هارت باداء جدي بدون كوميديا او تهريج و هذا لا يليق به على الإطلاق حيث لا يمتلك مقومات زعيم العصابة اللعوب و صاحب الكاريزما، وجبة كبيرة من النجوم ظهروا بالفيلم لكن الكتابة تبقى ركيكة.

الي مشتركين نتفلكس
اكو شغله ماتعرفوها
ترى تكدرون تحملون العاب بنتفلكس
اكو هواي العاب حلوة 🫂

مثلاً هاي اللعبة
حلوه وتضحك واون لاين 🫂
لعبة بطاقات

والي بعده مامشترك شنو منتظر؟

شكلنا راح نشوف افلام كارتون عالمي 🔥

أوبنهايمر يحصل على حصة الاسد في حفل جوائز اختيار النقاد ب 8 جوائز يليه باربي 6 جوائز اما فيلم سكورسيزي خرج خالي الوفاض حتى ليلي لم تحصل على جائزة افضل ممثلة ايما ستون اقتنت الجائزة بدلاً منها.

الممثل باري كيوجان في فلمه الاخير (سالتبورن) وكأنه يجسد شخصية دراكولا على ارض الواقع ..

الموهبة التي تختار ادوارها بشكل مثالي رغم قلتها لكنها مناسبة للكاريزما الخاصة بهِ يحتاج فقط للأستمرارية على هذا النسق في الاداء ليكون من بين ابرز ممثلي السينما .

فلم اثارة نفسي بسيناريو رهيب يبدأ بغموض في تسلسل الاحداث ونهاية صادمة وغير متوقعة ..

تدور احداثه حول الطالب أوليفر الذي يكافح للعثور على مكانه في جامعة أكسفورد ويجد نفسه منجذباً إلى عالم الشاب الأرستقراطي فيليكس الذي يدعوه إلى منزل عائلته غريبة الأطوار لقضاء صيف لا يُنسى ..

المخرجة ايمي فينيل في ثاني عمل سينمائي تبدع في تقديم الشخصيات وتصاعد وتيرة الاحداث وكاميرا ساحرة في البصريات لأغلب مشاهد الفلم ..

Saltburn (2023)