ما اعرف شنو سبب هجوم جماعة انمي ون بيس على المسلسل (ومامهتم اعرف)
بس الي اعرفه انه استمتعت بالعمل
وانصدمت بجودة الCGI ماتوقعت يكول بهل قوة 👏🏻
رغم وجود وجود كم مشهد خطأ اخراجي ومانتبهتله من جنت اشاهد بس شفت نشروهن
واكو بعض المشاهد الطفوليه ماحبيتهن شويه
وشويه مرات يطولون بالكلام بالمعارك مثل الانمي هم ماحبيت هلسالفة
لان هذا مسلسل واقعي مو رسوم متحركة لاتحطلي هجي مشاهد
خوب اروح اباوع الانمي وافضها

باختصار
المسلسل ممتع ويستحق تتابعه
راح تستمتع بالاخص اذا مامتابع الانمي وماتعرف القصة مثلي 🫂

شباب
جماعة ون بيس
كملت المسلسل
واريد ابدي باحداث مابعد المسلسل بالانمي
ياحلقه ابلش؟

الافضل تبدأ من الحلقة 48 الي هو قبل دخولهم للغراند لاين
بعدين من يدخلون للغراند لاين من الحلقة 62 وتغلس على الفلرات
اذا چنت تريد تشوفه تابعه كامل لا ملخصات ولا غيرة حتى لو طولت بيه هواي مو مشكلة
وتحياتي

راح امشي على هذا الكلام 🫡

تأجيل موعد صدور فيلم باربي على الانترنيت للاسبوع القادم بعدما كان من المفترض ان يصدر اليوم.

ايثان هوك مع ابنته مايا هوك في مقابلة مع فاريتي و حديث عن فيلمهما معاً.

فيلم انميشن قادم بالطريق مقتبس من اللعبة الناجحة Stray و من مخرج فيلم Ice age.

الممنوع في One Piece
اشترط مبتكر المسلسل "إيشيرو أودا" شرطاً واحداً على نتفليكس ممنوع النقاش فيه، وهو بأن لا يتضمن المسلسل أي علاقات غرامية من أي نوع كان.

شركة علاقات عامة تتلاعب بتقييمات افلام معينة من خلال دفع مبالغ 50$ او اكثر لعدد من النقاد حتى يرتفع التقييم، موقع الطماطة الفاسدة تداركوا الامر و أزالوا افلام هذه الشركة و ارسلت تحذير للنقاد بعدم تكرار هذا الامر لان المصداقية امر كبير بالنسبة لهم.
يذكر ان ثلث الناس في آمريكا يدخلون الى موقع الطماطة قبل مشاهدة الفيلم.

اكو واحد باصدقائي بالفيس
ادري بي مو يم الافلام بس قبل فترة
فجأة كام ينشر افلام وينصح بافلام (الافلام الي ينشرها زينه حلوه)
وبعدين كتب على صفحته ناقد ومتذوق افلام
غلست كلت يلا بقت عليه

وهسه شفته مسويله صفحه ع التيكتوك
وجايب ويا بنيه ويمثلون افلام قصيرة 🙂
(صار ممثل)

النوب محصل 7 ملايين مشاهدة يا الله

المشكله هو شكله زين
مال ممثل صدك خوش حضور عنده
بس ……

يلا كافي غيبه خل اروح
منين طلعلي هذا

الي مشتركين مني نتفلكس
كل ما اريد اكللكم انسى
انصحكم تشوفون هاي الحلقه
*مو شرط تشوفون المسلسل كله
فقط هاي الحلقه عادي

والي مامشترك ليهسه شمنتظر؟

بكل سهولة دخل لخانة احد المسلسلات المفضلة عندي ❤️🫂
القصة جميلة وتشد والاخراج 10/10
التمثيل عالم ثاني
وبالاخير راح تختلط عليك المشاعر بين الحماس والحزن

بينما تسعى (جو) للحفاظ على استقرار حياتها الشخصية والعملية في آن واحد، تواجه العديد من العقبات في حرب المخابرات المركزية ضد الإرهاب، وتستعين بـ(كروز) من قوات المارينز للعمل عميلة سرية لحسابها في إحدى المهمات.