في مقابلة سابقة قال الممثل جيك جيلنهال انه اراد لعب دور ليونارد برنشتاين و بقيت القصة في قلبه لمدة 20 سنة لكنه خسر الدور لبرادلي كوبر في فيلم مايسترو.
اعتقد تجارب الاداء جانت مبنية على طول الخشم

ردت احجي عن ذني المسلسلات و اسباب إلغاءها
مثل ما تعرفون اكو رابط مشترك بين ذني المسلسلات اللي هو الخيال العلمي و تعقيد الفكرة، مسلسل ويست ورلد جانت بي إمكانية جبيرة بالرغم من هبوط المستوى مالته لان كل موسمين تتغير الفكرة و اكو ضياع بالكتابة لكن وعدونا بموسم اخير يرجع الامور لنصابها و للاسف ما شفنا النهاية لان المسلسل جان غالي و الشركة شافت لهنا كافي، مسلسل 1899 هم جانت بي امكانية بس تعقيد الفكرة و الامور اللي صارت حسيت الكُتاب ما ديعرفون وين يروحون ف سبب الغاء المسلسل هو ايضاً جان غالي و نسبة فهم المشاهدين جانت قليلة اكو احصائية كالت انه اكثر من 50% من المشاهدين ما كملوا المسلسل لان ما افتهموا شي (يعني ما صبروا و هو يحتاج صبر).
اما عن The Peripheral هسه شفت خبر الالغاء من فاريتي معتمدين على عدة مصادر و ما انطوا سبب لكن اغلب الظن ان المسلسل غالي و مستوى المشاهدات مو هو المطلوب.
اعتماد المنصات على المشاهدات راح يضيع علينا اعمال شكاكية لأن تكلفتها عالية و اكو اعمال هي مو مصممة للكل ف ديتوجهون للاعمال الشعبية اللي تجذب اكثر عدد من المشاهدين و هالشي كفر.