جاي اتابع هذا الافلام كارتون
لطيف حلو
صح احداثه بطيئه بس لطيف متونس بي
وهم مو بس احداثه بطيئة العمل كله مابي ذاك الحماس الواو
بس مدري ليش جاي اكمله واتابعه
يمكن فضول بسبب التقييم 🤷🏻‍♂️
اكمله واكلكم رايي

حبيت ابلغكم الحجز انفتح بالسينما ليوم الخميس.

الجمعة راح نحجز سرة كامل 😂

فيلم ذا فلاش كان ممكن يسوي نقلة بعالم دي سي لكن ما استغلوا الفكرة بشكل كافي و مشكلتهم الثانية مارفل سابقتهم بهالامور لذلك الناس دتشوفه شي مكرر خصوصاً الكونسبت مال العوالم المتعددة و الخطوط الزمنية، حبيت ظهور الشخصيات القديمة لكن مثل ما كلت مارفل سبقتهم و اكو كم شخصية جنت متوقعها تظهر، المؤثرات سيئة بشكل مو طبيعي من بداية الفيلم ما اعرف ليش المستوى ديتراجع و هالشي بأغلب الافلام الجديدة مو بس دي سي، العالم هذا انتهى و الفيلم ما اضاف شي و لا غيره، ننتظر شغل جيمس گان.

صورة جديدة للمارفلات شنو توقعاتكم
بالنسبة الي و لا حاب اي شخصية.

شباب كتبولي انميات
صارلي فترة اريد اشوف وماكو انمي شدني
كتبولي

ولو جماعة الانمي يمكن طلعوا من القناة
لان صار فترة محد يتعارك وياي لان اكتب افلام كارتون

هاي موخوش سالفة مال سهر
رجعوا امتحانات السادس خل ننام على وكت

فيلم باربي يحصل على تقييم 89% من 109 مراجعة على موقع الطماطة الفاسدة

اربع حلقات متكامله
والاحداث بتزايد مستمر
اكو مجموعة بالريديت
يحلون الايستر ايجز مال مارفل
ويتوقعون الاحداث
اول مانزل المسلسل
جانو يكولون انه اكو واحد من الافينجرز سكرالز
وفعلاً طلعت نظريتهم صحيحه 😁
وهم حللو الانترو مال مسلسل وكالو مسيطرين على كل الدول ماعدا البيت الابيض
لان بالانترو البيت الابيض لونه مو اخضر

شوفو هذا المشهد
ماعليكم بالمكتوب بالفديو كذب
الحقيقة انه كابتن امريكا حس بي شي غلط ونظرله هجي

مارفل ماتخلي شي عبثاً 🫡
تخطط لكلشي

نجاح غير متوقع للفيلم المثير للجدل sound of freedom لكن بنفس الوقت يتعرض لمحاربة شديدة لانه يفضح عدة جهات من ضمنها ال CIA و هوليوود، صالات السينما في امريكا تطفئ الفيلم اثناء العرض بحجج واهية و اصحاب دور العرض يقولون ان القاعات عددها مكتمل بالرغم من انها فارغة، الفيلم يتحدث عن الاتجار بالأطفال و مقتبس من احداث واقعية.

اول بوستر للموسم الثاني من انميشن invincible.
هرمنااااا

راح انشرلكم كم مسلسل شايفهن قبل
ومامشهورات
واظن اغلبكم اول مره يسمع بيهن اصلاً
شكو مسلسل انشره وشايفه انته اكتبلنا رايك عنه حتى البقيه يشوفون 🫂

هلمسلسل احسه حيل مظلوم
احد افضل الاعمال الي تتناول الحياة مابعد نهاية العالم
الاكشن الي بي والقصة
والغموض
والفكرة نفسها
والاحلى بعد انه مسلسل مخلص
الي يحب هجي نوع من الاعمال خلي يشوفه بدون تردد

هذا المسلسل ❤️
افضل عمل درامي بالنسبة الي
جداً احبه ومتعلق بي وبشخصياته
اول مانزل المسلسل
اخذ افضل افتتاحية مسلسل بسنته
وفعلاً جانت الافتتاحيه جداً تجذب المشاهد

من كثر ماحبه ماشفت الموسم الاخير مالته
لان مامستعد اودع الشخصيات
اريد فد يوم اكون بي مرتاح كلش ومنشنش حتى اشوفه

جداً انصحكم بي
افضللكم من المسلسلات التركيه الرومانسيه والدراميه 🙃

باختصار الي يدور اكشن وغموض وبطل صاك
خل يروح لهذا المسلسل
بحيث حتى انا خيلت ع البطل

هذا المسلسل
اتذكر شفت منه ٣ مواسم واستمتعت بي
بس ماكملته ماعرف ليش

اوووه هنا ❤️‍🔥
هنا السيرة الذاتيه وبس
التمثيل القصة الاخراج
كلشي قوي بهل مسلسل