احد الرسائل الي اجتني بالانستا
انه ليش نكتب مراجعات ونركز بالاخراج وهلامور
دائماً اكول انه اكو نوعين من الي يتابعون افلام ومسلسلات
الي يتابع ويسكت ويركز بس على القصة(وغالباً يعجبه أي شي)
والي يتابع ويركز بكلشي بالعمل (هلنوع صعب ارضائه بالعمل)
انتم من اي نوع؟ 😁

ضربة لهوليوود
"انا لا اشعر بالمقاطعة من هوليوود لأنني لا افكر بهوليوود و لا احتاج إليها"
جوني ديب من مهرجان كان بعد ان اظهر شعبيته بقوة مرة أخرى.

فلم لطيف خفيف ظريف
راح تستمتع بي انت والعائلة الكريمة 😁
الرسوم جانت حلوه والقصة حلوه وحتى الكوميديا بي لطيفه

وهاي الشخصية جداً حبيتها 😆
بس للاسف ماظهرت هواي بالفلم

ضربة لهوليوود مره ثانيه
بعد التقييمات السيئة من النقاد بسبب عدم وجود الوان و اجندات في فيلم سوبر ماريو و ايضاً وجود كريس برات الذي يزعجهم بسبب انتماءه لكنيسة ضد مجتمع الميم، الجمهور قال كلمته بتحقيق الفيلم اكثر من مليار دولار في البوكس اوفيس العالمي لفيلم نظيف و مغامرة بسيطة احبها جيل الثمانينات و التسعينات.

فيلم أوبنهايمر سيحتوي على كريدت سين أي مشهد ما بعد النهاية يظهر فيه أينشتاين و هو يشرح نظرية المجال الموحد.

فيلم سكورسيزي حصل على 9 دقائق تصفيق في مهرجان كان، الاراء ايجابية جداً من ضمنها اداء ليوناردو ديكابريو في هذا الفيلم هو الافضل في سيرته المهنية، الفيلم ملحمي و هو الرؤية الاكثر ظلامية للمخرج سكورسيزي حتى الان.

حماااس

شهالسالفة اللي ما تخلص لعبتوا نفسنا
واكين فينكس لبطولة فيلم رومانسي "مثلي" ابو الالوان من اخراج تود هاينس بتصنيف NC-17 للبالغين فقط.
هنا ما افتهم نفاق المجتمع اللي هناك لان جانوا يحتجون اذا الشخصية عدها إعاقة لازم يجيبون واحد معاق اذا الشخصية مثلية لازم يجيبون ممثل مثلي، هوليوود كالت اوكي هاكم فيلم مال مثليين و الكادر كله مثليين ف النتيجة جانت فشل الفيلم هسه ديجيبون نجوم كبار مثل ما شفنا مؤخراً فيلم قصير عن قصة حب من بطولة بيدرو باسكال و ايثان هوك و هسه جابوا واكين.
الشغلة انداست

مسلسل The idol يحصل على تقييم 11% على موقع الطماطة الفاسدة، احد الاراء قال: "عمي هذا المفروض يسموه فيفتي شيدز اوف تيسفاي* تكول فاتح صفحة من موقع اباحي و دا اتفرج العمل من بطولة ليلي روز ديب و ذا ويكند بتسريحة ذيل حصان و شعر مدهن".
اغلب الاراء تقول ان العمل شنيع فاسق داعر .

*ايبل تيسفاي هو الاسم الحقيقي للفنان ذا ويكند.
دتلاحظون الحركة حطيت نجمة فوك و جوه كتبت شرحها تكول كتاب مو بوست.

هي الدنيا هيج صارت
ننتظر كلمة الجمهور

واخيراً نزل 🙂

شدعوه هلكد اكشن بي
اريدهم بس يوكفون شويه يسولفون ماكو
بس قوي الفلم 😆🔥
ونهاية منطقية وجميلة

وجاي اتابع هذا المسلسل ❤️‍🔥
لحد الحلقه ال٣ جميل المسلسل وذكي
انتظروا اكمله 🫂❤️