وصل مسلسل مونستر جيفري دامر الى مليار ساعة مشاهدة على نيتفلكس ليصبح ثالث اعلى مشاهدة من بعد لعبة الحبار و سترينجر ثينگز على المنصة.

وهلشي يثبتلك الناس شكد يحبون السايكوباث

المسلسل زين حلو وممتع بس عادي مو قوي قوي
و مدري ليش صاير ترند قوي حالياً
بالاخص يم البنات

يُطلّ علينا "ويل سميث" غدًا على منصة "آبل"
بأحدث أفلامه Emancipation 🔥🔥

عُرض الفيلم منذ بضعة أيام في السينمات،
ولاقى استحسان أغلب الجماهير
ولم يلق استحسان أغلب النقّاد، لذا ننتظر ونشاهد ❤️

الإعلان الرسمي الثاني لفيلم الرعب (M3GAN) والقادم في 6 يناير لعام 2023.

تدور احداث الفيلم حول الذكاء الاصطناعي، حيث يتم صناعة دمية مبرمجة لتكون رفيقة طفلة والدفاع عنها وأكبر حليف لها ولأسرتها، لكن يظهر الجانب المظلم للدمية وتصبح تهديد خطر على الجميع.

الفيلم من صانع سلسلة (The Conjuring)، و(Annabelle)، و(Saw)، و(Insidious)، (جيمس وان) وشركة (Blumhouse)، و(Universal Pictures)، ومن إخراج (جيرارد جونستون).

اخوان
حلو هذا الافلام كارتون
عجبني

بالاخص آخر حلقات
حلوات عجبتني
حسيت بيهن سوداويه
والساوندتراك هم واو

4 حلقات
10/10
جداً احب هجي مسلسلات
واتمنى يستمرون بالمسلسل على كيفهم ومايستعجلون
ويخلقون عالمهم الخاص ويستمر فترة طويله
بتطور الشخصيات وبناء القصة

هنا ويل سميث مجاي يمثل
وانما جاي يكول ها ولكم ترى اني ويل سميث خاف نسيتوا منو ويل سميث

فلم يتكلم عن العبودية وتاريخها في امريكا والحرب الاهلية وبيان محرر العبيد السيد ابراهام لنكولن

هذا الفلم مو بس يعيشك الجو والاجواء داخل الفلم
وانما ما انصحك تشوفه اذا جنت بحالة غير جيدة

ويل سميث عبر حدود الابداع وراح بعيد كلش

البارحه شفت انه مارفل فايزه بافضل لعبة موبايل هاي السنة
ف رحت حملت اللعبه
وحالياً مستمتع بيها ❤️‍🔥🫂
مدري اللعبه حلوه صدك
لو انا اشوفها حلوه لان من مارفل 😔

ستيفن سبيلبرغ و مارتن سكورسيزي في عرض خاص لفيلم سبيلبرغ الجديد the fabelmans اللي توفر على النت اليوم.
واحد يشمر العظمة على الثاني، انت مخرج عظيم لا والله انت.

بأختصار اداء و لا اروع من كولين فيريل و ممكن يحصل الاوسكار بنسبة جبيرة هالسنة.
اما الفيلم عجبني بس ما اعتقد راح يعجب الاغلبية لان كوميديا سوداء و مو من النوع اللي تفضلوه، اما باقي جوانب الفيلم فلا مثيل الها خاصةً السينماتوغرافي.
يجد صديقان مدى الحياة نفسيهما في مأزق عندما ينهي أحدهما علاقته فجأة مع عواقب مقلقة لكليهما.
The banshee of inisherin

‏بالمناسبة .. طوال فترة المونديال كان يتواجد طاقم تصوير خاص للاسطورة ميسي لتصوير وثائقي مسيرته

حيكون أفضل وثائقي لأفضل نهاية ❤️‍🔥

مسلسل 1923 المشتق من يلوستون يصبح المسلسل الاعلى مشاهدة كبداية عرض لمسلسل على منصة بارامونت.

اخيراً امبر هيرد سدت الموضوع
قبلت امبر بالتسوية و راح تدفع فقط مليون دولار بعد ما شافت ماكو اي امل و كالت ان القضاء الامريكي فاسد.

حتى نسيناه هلكد ما طولوا بي، الشهر المقبل راح تنزل اخبار عن موعد عرض الموسم الثاني.

اذا اكو شي امتع من كل مسلسل وكل فلم ف هو كرة القدم انطتك كل انواع الاعمال ب شهر ونص.
كاس عالم انطانه جرعة كاملة من المتعة.
شفنة كوميديا ب ردود فعل الجماهير والتحشيش عاللاعبين ولقطات المباريات
شفنة رعب، بإصابات اللاعبين والخوف عله فريقك الي تشجعة من الخروج.
شفنة اكشن ب مشادات الخصوم مع بعضهم وتحديدا مباراة الارجنتين وهولندا.
شفنة غموض، ب تخمين شغلات وسيناريوات وبعدين نصهه ما تصير وشفنة صدمات ما شايفينهه حته بسلسله افلام saw و مسلسل got.
شفنة خيال علمي ب فوز المنتخب المغربي عله بلجيكا وكرواتيا وإخراج اسبانيا والبرتغال ووصولة لنصف النهائي.
شفنة إثارة، واتوقع الإثارة جانت تقريبا ب كل لعبة.
وشفنة دراما ب خروج لاعبين قدموا كلشي ب كره القدم مثل كرستيانو، نيمار، لوكا مودريتش.
شفنة فانتازي ب تصديات ياسين بونو وايميليانو مارتينيز.
والاهم شفنة الدراما والفرحة من خضعت كرة القدم وخضع ذهب الكأس الغالية ل إيقونة كرة القدم الي ختم اخر شي بيهه. 🤍💙