التقييمات الاولية لمسلسل محابس القوة وصلت ل 85% على موقع الطماطة الفاسدة راح يعرض يوم الجمعة، احس مسلسل البو تنين طاغي هالفترة ما ادري اذا يتغير الوضع.

هولو دتلمع هالفترة بأعمالهم الجديدة و المثيرة للاهتمام، اجدد عمل هو مسلسل بعنوان the patient من بطولة ستيف كريل يتحدث عن طبيب نفسي يحتجزه قاتل متسلسل و خطير في منزله و يطلب مساعدته في علاجه و ايجاد علته بسبب رغبته المستمرة بالقتل، نزلت حلقتين لحد الان مدة كل حلقة ٢٠ دقيقة و ينتهي بالحلقة ١٠ ما بي مواسم لان مسلسل قصير، الحلقتين جيدة و مشوقة و ممكن بناء الاحداث يكون النا عمل ممتاز بالنهاية.

ممكن احد يفهمني شبي التلي وشنو الحل؟
خلصها عليه بس يتم التحديث

بسم الله نبدأ 🤤🤤

لهسه ما شايف الافلام 🌚😂💔

لكثرة الاسئلة عن افلام سيد الخواتم والمسلسل

امزون قررت اغلاق التقيمات مال المسلسل ميصير بعد احد يقيم بسبب الهجمة

والهجمة كلها من قراء الكتب والرواية لان حسب كلامهم المسلسل صار بي تغير بالقصة جذري وماعجبهم هذا التغير

(الاعتراض على الابطال والقصة مو على اشكال الشخصيات بالتحديد وأيضاً هم صار بيها تحريف كبير)

اما كمشاهد ماقاري القصة راح تستمتع 🫂❤️

The Rings of Power

حالياً صايرة حرب اهلية بين جماعة الرواية و جماعة المسلسل ف التقييمات مو عادلة وره ما تخلص بيناتهم هم راح نفوت بحرب ثانية بين جماعة التنين و المحابس، شاهدت الحلقتين اللي نزلت محد يختلف على الانتاج الضخم و التصوير و المؤثرات المذهلة صادفني بعض الملل لان الشخصيات جديدة و القصة بعدها بالبداية و هالشي ما يمنع انه ممكن يبني لنهاية موسم عظيمة و ما ممكن نحكم من اول حلقتين، كبداية عجبني و اكيد راح اتابع مشاهدته حتى اكتشف هذا العالم الساحر.
Rings of power

Fall
من تمل من كلشي وتريد تشوف فيلم يخليك كاعد ع اعصابك ومتوتر ومتشوق وتنتظر لحظه السقوط بأي لحظه لازم تشوف هالفيلم

بصراحه طول الفلم عباره عن نفس الشعور بالرعب والقلق التصوير السينمائي وبعض اللقطات جانت جميله كلش

‏قصة الفلم : تدور الاحداث عن صديقتان مقربتان يجدان انفسهم عالقين في ظروف صعبة ومرعبة في اعلى برج راديو يبلغ طوله ألفين قدم

بالنسبه اليه بعدني ما شايفهه بس احب اكول للمضغوطين
اضخم افتتاحيه بالتاريخ ب 25 مليون مشاهده 😂😂🔥

أحا 💔💔
وين نروح؟

هوملاندر المسكين 💔

اخوان
لحد الان طلعت الاخبار كلها جذب بجذب
لا سينمانا تنسد ولا شبكتي tv

نزل بوووقته كلش 🫂❤️‍🔥

🎥 • The Queen (2006) ..

IMDB: 7.3 ⭐️
RT: 97% 🍅

هو فيلم درامي تاريخي أخرجه ستيفن فريرس، بطولة هيلين ميرين، مايكل شين وهيلين ماكروري، من أفضل الأفلام التي قامت بتجسيد شخصية الملكة اليزابيث.

‏• حائز على اوسكار أفضل ممثلة في دور رئيسي "دور الملكة"

‏• ورشح لخمسة جوائز أخرى منها أفضل فلم، أفضل اخراج وأفضل نص أصلي .

مراجعتي ورأيي الخاص ب فلم Thor : love and thunder

من بعد ال End game، الفلم الوحيد القوي بعده جان سبايدرمان no way home وغيرهه اعمال مارڤل في هبوط مستمر من ناحيه الافلام ماعرف وين يردون يوصلون.

سلسله ثور جزء وره جزء كامت تتحول من خيال علمي ومغامره الى كوميدي بحت.
اول شي سلبي بالفلم جانت كميه الكوميديا المبالغ بيهه بحيث مستحيل تعدي 30 ثانيه بالفلم اذا ماكو لقطه كوميديه.
الكوميديه اوكي بهواي لقطات جانت حلوه وتضحك بس ياخي لا تبالغ مو انت هيج راح تلغي حته جديه الفلم وسوداوؤه شخصيه Gods butcher مال كرستيان بيل.
وعله طاري كتال الآلهه.
يعني شخصيه سوداويه حرفيا وجديه ومن ممثل عظيم مثل كرستيان بيل تطلعلي طريقه تحولهه من طيب الى شرير هم كوميديه وكلهه استهزاء ؟؟؟؟
شكد طولتو بكتابه الفلم من رخصتكم ؟
احلف انو همه تعبانين عالكوميديا 10 اضعاف تعبهم عله الكتابه مال قصه والحوارات.

نجي الى اكثر شغله مو منطقيه ومتناقضه وتنرفز وهي شلون جاين صارت ثور هم...
المطرقه لازم تروح بس للشخص ال worthy وخابصينه بهالموضوع تاليتهه راحت لجاين الي هي رادتهه لمصلحتهه الشخصيه بس علمود تتشافه من السرطان 😂🤦‍♂

نجي لشخصيات ثانيه بالفلم مثل شخصيه زوس.
ولكم زوس !! اعظم آله بالخرافات الرومانيه واكثر شخص هيبه وشرير بيهم هيج تطلعونه؟؟؟؟؟؟؟؟؟؟؟؟؟؟؟
كرستيان بيل تنطونه هيج شخصيه قويه بس تنظلم ظلم ما صاير من وره كتابه واحداث الفلم ؟؟؟

ناقضو نفسهم ب هواي شغلات وابسط تناقض جان ب ڤالهالا الي علساس ما يطبلهه بس الي يموت بالحرب
وبالاخير الكل شافو منو طب بيهه وشلون مات اصلا 😂

كومه كومه بكلبي حجي عله مارڤل بس كافي هيج
الفلم يونس ولطيف بس مو المتوقع من مارفل
والشغلتين الوحيدات الي صدك عجبني بالفلم هنه الخرفان الي يصرخن 😂
وكرستيان بيل اكيد رغم نظلم بهيج دور 💔

اكثر بشر محظوظ