گال گادوت مقتنعة ان سبب فشل فيلم سنو وايت هو بسبب المشاهير اللي كالوا كلام ضد اسرائيل "يعني مو بسبب تمثيلها القمامة" و تكول تكدر تحجي الحقيقة و الواقع عن اللي ديصير فعلاً بأسرائيل "حسب وجهة نظرها" لكن بالاخير الناس يقررون عن نفسهم.
اكثر حركة تسويقية مضحكة بالتاريخ من ديزني دفعت فلوس قبل عرض فيلم سنو وايت حتى يتم تكريمها بنجمة في ممشى المشاهير بهوليوود و هاي الحركة من تصير يعني ان الممثل بنقطة جيدة من حياته لكن هي صاحبة مسيرة فنية معدومة حتى الناس سخروا من هذا التكريم اللي حضر بي ڤين ديزل "شاركت وياه بدور لا يذكر في فيلم فاست اند فيوريس" حتى يحجي عن جو العائلة.

مستعدين انزللكم الاعمال الي شفتها؟

فيلم المهمة المستحيلة The final reckoning كالعادة مشاهد جريئة و خطرة من توم كروز التشويق و شد الأعصاب موجود طول الفيلم لدرجة ما يخليك تحس بال 3 ساعات، اكو ملاحظات على الفيلم و اكو ثغرات جانت اكو قنبلتين لحد هسه ما عرفت المنطق وراهن او سبب مقنع بس شكله المخرج كال احس ناقص توتر بهالمشهد خلي نحط قنبلة بي حتى يلتهي الجمهور، بالرغم من عدم وجود ملل لكن مدة الفيلم طويلة و اغلب الأمور جانت مهيأة بالبارت اللي قبله جان المفروض يكبرون السكوب مال الفيلم لان شخصية غابريال صارت تافهة شوية بعد ما جان اهيب بالفيلم الاول.
بالمجمل ينطلع بي

على عكس مسلسل موب لاند هنا توم هاردي جان معوز فلوس و شارك بالفيلم عبارة عن هوسة و كليشيهات على سيناريو مطروق الف مرة و وياها مبالغة مو منطقية مثلاً أفراد العصابة من ينضربون 50 طلقة تشوفه يهز جتفه.
نقطتين خصم من رصيد توم هاردي

و شاهدت F1 فيلم الصيف بأمتياز كشغل مبين التعب مالتهم التصوير و اداء المشاهد جانت تحبس الأنفاس و بنفس الوقت تسمع الطرب مال معزوفات هانز زيمر اللي تعيشك بالجو اكثر، لكن هنا عدنا القصة التقليدية الكلاسيك تكدر تتوقعها بس التنفيذ الممتاز راح يمشي الامور بالضبط مثل Top gun القصة جانت كلاسيكية لكن التنفيذ هو اللي قلب الموازين و ايضاً اشتياق الجمهور للتقليدي ساهم بنجاحه، إذا مشتاقين لافلام الفورملا و اجواء فيلم Rush ما راح يخيب ظنكم

شفت هواية تناقض بالاراء على الفيلم من ناحية التقييمات فالامور جيدة و من الناحية الثانية شفت الجمهور ينطي رأيه و كالوا تعبان فرحت اشوف الفلم حتى اسوي تشخيص لحالته و تبين عندي بعض الأمور الفيلم هوسة فوضوي و بي هواية شخصيات ما نعرفها و ما نعرف اصلها، جيمس گان كال سويت سكب لموضوع وصول سوبرمان إلى كوكب الارض لكن مو تتخطى هواية امور و تخليني بنص الاحداث لدرجة تخلي المشاهد يرتبك انت تريد تقدم سوبرمان جديد و طريقة الكتابة ما اوحت بهالشي.
أسلوب جيمس گان واضح و موجود خاصةً ستايل افلام حراس المجرة و ما اشوفه متناسق ويا عالم دي سي، بشكل عام لا يرتقي للتوقعات و ما دخلته بمقارنة ويا سوبرمان زاك لكن ايضاً خيب ظني.

انتم غير تكلولي طلاب السادس بلشوا امتحانات 🙂
بقيت حاير الصبح فجاة انقطع النت