صارن 4 حلقات ولا غلطة
وحلقة رابعة عظيمة 🔥
HBO هاي السنة قافلين عالقضية

من فترة شفت الموسم الثاني من مسلسل Monster و مستغرب ليش ما عليها ضجة إذا جانت قصة الموسم الاول مال جيفري دامر عبالكم F***ed up فالموسم الثاني اكثر منها، قصة الأخوان منينديز تفاصيلها ما تدخل العقل خاصة الحلقة الخامسة ضرب عندي ايرور من السوالف اللي انحجت، الكاست رهيب بوجود خافيير بارديم و الشباب نجوم صاعدين.

انصح بي إذا حياتكم ناقصها قرف

صدر البارحة فيلم Carry on من نيتفليكس يتحدث عن رجل امن يتم إجباره على التعاون مع عصابة لتنفيذ هجمة كبيرة في المطار، الثيمة مطروقة لكن تبقى مشوقة هنا كلش عجبني جايسون بايتمان بأداء جديد و مختلف مع البطولة لتارون ايغرتون.
يرهم للمشاهدة مع الشعور بقليل من الرخص بعد الانتهاء

على اساس الشركه المنتجه اكدت انو هذا مو كيليان وانما فنان بريطاني.

منو ديلعبهه 🙄🙃

جاي العبها ولازك بآيرون مان ماعوفه

هجي اتخيل روحي من اختاره

صدر اليوم فيلم Small things like these يتحدث عن رجل في بلدة صغيرة يعمل في بيع الفحم يكتشف حقيقة مزعجة تدخله في دوامه بين التصرف حسب غيرته العراقية او يتجاهل الموضوع مع وجود لمحات عن طفولته، الفيلم ينطيك القليل حتى تحس بالكثير نوعه درامي بطيء هادئ يشبه الافلام المستقلة ممكن ما يعجب فئة من الجمهور لكن برأيي يستحق المشاهدة.

هو حلو اتفق وياك 😂
انا لاطش ب ذا بنشر كلش قوي

I Saw The Devil

كل طرق الأنتقام الي شفته سابقا بالأفلام والواقع ما توقعت الكه طرق مغايره اله بهالفلم قصه الفلم واحد بالاستخبارات تنقتل زوجته بأبشع الطرق على ايد مخبل قاتل عايش على قتل النساوين بأبشع الطرق ويبدي يلحك بالمجرم ويطيح حظ حظه ونهايه الفلم عنيفه جدا وبطل الفلم لي بيونغ هون من الممثلين الي أعشق تمثيله حرفيا أبدع كالعاده هنا 🩶.

عمر وسلمى

كلما ضاقت بي الحياة واريد اتونس واضحك
ارجع اشوفه

اليوم شغلته بالتلفزيون على الغداء
واستمتعنا بي انا والعائلة الكريمة

فيلم The Apprentice من بطولة سباستيان ستان و جيرمي سترونگ يتحدث عن بدايات ترامب و قصة صعودة، تغيير الشخصية من الشاب الطموح اللي يريد يثبت نفسه إلى الرجل اللي مستعد يگول اي شي حتى يحصل اللي يريده بعد ما صار تلميذ الشيطان روي كون جان مخيف مخيف مخيف، برأيي اللي يشوفه ما راح يباوع لترامب بنفس النظرة بعد ما يفتهم شنو طريقة تفكيرة و الاستراتيجية مالته، تمثيل ستان و سترونگ جان بالقمة، من اخراج علي عباسي مخرج فيلم عنكبوت.

انصح بي جداً

يكلك نازل بيه دوسه وكشه فضحتنه بين العربان