الجزء الثاني مدري شنو فلمه
بس ماشوف اله داعي ابد
لو تسوون جزء ثاني توضحون بي كلشي لو لاتسوون
النهاية مدري شنو حرام اذا فهمت شي
منو ذوله وليش وشلون وشصار …

قريت كم مراجعه منشوره للفلم شفت يطبلون
ويكولون الفلم يتكلم عن الطبقية بالمجتمع ومدري شنو
زين اوكي الجزء الاول يحجي عن الطبقية ووصلت فكرته
تعيدلي الفكرة بالثاني المن
حتى تأكد الفكرة شنو

المهم كم شغله عجبتني بالفلم شويه
اما النهاية 👎🏻👎🏻👎🏻

وين لاكين هجي واحد
حتى ريلزات يشيرلكم

شفت الحلقة الثانيه
قويه وتشد
بس هم مافهمت شي

وطبعاً الافلام النازله جديده على سينمانا كلهن تصنيفهن رعب 🤦🏻‍♂️

كفووو يله ننتظر الحلقه الثالثه بلكت تفرج وتفهم شي

من بداية المسلسل جنت مركز على كولين و عايف كريستين بس اليوم انفجرت و جانت مخيفة، الكتابة بهالمسلسل واصلة درجة من الاحترافية تغوص بكل الشخصيات بدون ملل و طريقة سرد أحداثهم مثيرة و تتأثر بيها عاطفياً.
المسلسل في صعود مستمر إلى القمة.

واتساب عراقي ضمان
2$
@netro2

نزل بوستر و تريلر الموسم الثاني من مسلسل Silo ما أنصحكم تشوفون التريلر حتى تبقون متشوقين.
يعرض بعد شهر من الان

هالعمل ديوصل الى مرحلة مرعبة ومخيفة من الابداع والعظمة.
يعني حلقة اقوى من حلقة اقوى من حلقة العمل في تصاعد مستمر وبدون اي غلطة.
من تطبخ شي على نار هادية هذي تكون النتيجة…..
الحلقة الرابعة حتى الي ميتابع العمل لازم يشوفهه
وامانتاً كريستين ميروتي (صوفيا فالكون) اذا ما اخذت جائزة الايمي على هذا تمثيلهه ف راح احضر عمامي ونروح ندگ الحفل.
حلقة 10/10 والعمل 100/10 الى الان….
ب انتظار القادم 🔥🔥🔥🔥🔥

سهرة البارحة جان فيلم The substance من بطولة ديمي مور و مارغريت كوالي صار هواية ما شايف هيج نوعية بفكرة جديدة و ملتوية و حتى مقرفة بس بطريقة ايجابية الفيلم بي هواي رسائل و اسئلة إلى اي حد ممكن توصل من اجل الجمال او من اجل الشهرة و الهوس و عدم الثقة بالنفس بي إسقاطات على عمليات التجميل و إلى آخره.
و اكيد بما ان الفيلم نسوي لازم ذم للمجتمع الذكوري السام اللي هو حدد هالمعايير و آخر نص ساعة جانت فوضوية و عنيفة.
ينصح بالمشاهدة لكن مو لأي شخص

مخبوصين ب From وتاركين The penguin

ذوق الناس غريب بالسينما
تنطيه عمل درامي وحبكة قويه ومصقوله صقل
يكلك لا اريد رعب واكشن
والبنات يريدن رومانسي وكوميدي

لازم تتابعون اعمال دراميه
صدق أو لا تصدق
بس راح تضيف لشخصيتك هواي

نسيت اكلكم
انا عندي بوفيا من الابر والفلم عبارة عن ابره تطب وتطلع النوب مركزين كلش بهل سالفة مدري ليش
بحيث كمت اقدم بالمشهد حتى اخلص

هوليوود ونتفلكس بعد ماسمعوا الخبر

يا الله
نزل 🔥🔥🔥
كلش انصحكم تخلوه سهرة اليوم

باجر اسولفلكم عنه

اعلان ال mid season لمسلسل البطريق the penguin
الاحداث نااااار 🔥🔥🔥🔥