يابه يكلك البحث متوقف(خربان) بسينمانا بسبب السعوديه علمود فلم حياة الماعز يعني ما تكدر تلكى اي فلم او مسلسل بالبحث لا قديم ولا جديد

احتمالية عودة يلوستون بموسم سادس لكن بدون كيفن كوستنر الثنائي اللي بالصورة في محادثات لأخذ البطولة.
مسلسل شكاكي و جانت بي امكانية حرامات سالفة كيفن (عنده مشاكل وي صناع العمل)

احد الاعمال المفضلة عندي 🫂💔
كلشي بي حلو قصة تمثيل
الحوارات الي تاخذ عقلك
الاغاني الي كل نهاية حلقة شكل
وتعال شغل شازام ابحث عنها
رهيب المسلسل

(Fractured مكسور) ٢٠١٩
من بطوله سام ورذينجتن

تتعرض عائلة لحادث مروع على الطريق، حينما تتعرض الابنة لإصابة في ذراعها، يهرع الأبوين للمستشفى بينما ينشغل الأب بالإجراءات يكتشف أن عائلته اختفت بالكامل من المستشفى وسجلات التسجيل .

المخرج الأمريكي (براد أندرسون) حاول يوصلك فكره الصدمه وشيسوي العقل بحاله صار مشهد ما متوقع صادم بأبسط طريقه الفلم طبعا نهايته صادمه ملتويه غير متوقعه و يستحق المشاهده وهذا مو اول فلم لهالمخرج لان قبله أخرج فلم the machinist على نفس النمط🫂.

الشياب جورج كلوني و براد بيت استلموا 35 مليون دولار لكل منهما من اجل دورهم في فيلم wolfs اما مخرج الفيلم استلم 15 مليون دولار، سيعرض بعد شهر في السينما لمدة اسبوع واحد ثم سيصدر على منصة ابل بعدها مباشرةً.
هناك حديث بالفعل عن جزء ثاني مبين انهم متأكدين من نجاحه.

يابه صاحبنه طلع بكفالة ٥ مليون دولار الى الآن ما تمت محاكمته وممنوع يغادر فرنسا كذلك لازم يظل رايح جاي على الشرطه

فلم السهرة 🤍

انتم غير تكلولي بلش الدور الثاني

البارحه انقطع عليه النت ب٦
وخلصتها تصفن

كملته وشفت وراه الجزء الثاني مباشرتاً
الاول جداً قوي كلش حلو حبيته
بي غموض نوعاً ما يونس رغم هواي شغلات انا خمنتهه قبل ما تصير بس اكو كم شغله فاجئوني بيهه
الكادر حلو والموسيقى مال فلم جداً قوية وجانت احلة شي بي (اكيد من بعد انا دي ارماس) 😂
انصح بالمشاهدة 🤍

الجزء الثاني مالته (لطيف) لكن مو بالمستوى ومو يم الاول ابد
وقصته تختلف يعني مو تكمله للاحداث ولا نفس الشخصيات بس المحقق نفسه يعني تكدرون تشوفون الاول بس للي ما شايفة.
او شوفو الثاني بكيفكم بس لا تخلون high expectations عليه
مجرد لطيف لا اكثر…

انجلينا جولي طگت دموعها بعد نهاية عرض فيلمها Maria في مهرجان البندقية حيث حصلت على تصفيق حار لمدة 10 دقايق.
نيتفلكس اشترت حقوق عرض الفيلم

بما انه نزلت 10 حلقات من المسلسل
نكدر ننطي مراجعه عنه

طبعاً ماراح اذكر السلبيات واتعمق بيهن حتى لا يكولون انت جاي تقارنه بهوليوود
راح انطي رايي بي ك مسلسل (عراقي)

بالبداية القصة
القصة تشد وتسوي واهس كلش بالاخص انه يمكن اول عمل عراقي يتطرق لهجي موضوع مال شيطان وهلامور

اما بالنسبة للحوارات بين الشخصيات
ماجانت بذيج القوه وحسب ما وصلني انه المخرج مصطفى الركابي كال للممثلين انه عندك النص وتعرف شخصيتك وتعرف القصة الباقي عليك انت ابدع بالحوار وشتريد تسولف سولف
الحوار ارتجالي ومأثر على المونتاج
بحيث الشباب ماخذة راحتها وتوقيت المشهد فالت بدون تسليم واستلام
هالشي يعتبر كبيرة من كبائر اي عمل درامي
هواي ناس يكولون هو هذا الحوار وهي هاي روح الحداثة ومخالفة القواعد في سبيل الابداع
واي كلام كتبرير لخطأ فني
ماكو ابداع يفلش قاعدة ثابتة من قواعد الدراما وهي ايقاع الحوار

الموسيقى التصويريه جانت عالم ثاني
الي جان مسؤول عنها زيدون حسين
وهلولد واو
ابدع والله

هسه نجي للتمثيل
تمثيل الشباب كلهم جان احترافي
وسنان العزاوي جان طاغي بتمثيله
بالمناسبة حضرت بموقع التصوير
وشفت سنان كدامي شكله جان مخيف والله

اما بالنسبة للاخراج بشكل عام
اكو بيكم كال أن التصوير في كاميرا واحدة هو لاشراك المُشاهد في القصة أو يريدون يسووه مثل التصوير الوثائقي وادخالك في عالم من الواقعية يعني مثل الدراما والسينما الإيرانية بس هنا الجماعة راحو بشكل اوفر يعني
الإضاءة كلش تعبانة والصوت سيء بشكل

بالنهاية العمل ككل
جيد وشي يغطي على شي
وهذا افضل عمل عراقي بالنسبة الي

عاشت ايد الشباب 👏🏻
وان شاء الله الاعمال الجايه بعد اقوى

وشغله اخيره نسيت اذكرها
احتكار المسلسل وانه ينعرض فقط على تطبيق المنصة هلشي سلبي على العمل
واهم سبب انه مو الكل راح يكدر يشوف المسلسل
كان الافضل انه يعرضوه يم اكثر من جهة
أو الانتظار لرمضان حتى يتم نقله على القنوات الفضائية

بعد شغله حلوه بالمسلسل صوت احمد الوائلي ببداية الموسيقى التصويرية ٫ صوت هذه الرجل تحسه مليان حنين للماضي حتى لو يرزلني انطرب بخامة الصوت