☄️ Ігар Сергяенка: Іван Шамякін і Іван Мележ праявілі сябе як сапраўдныя патрыёты

📚Кнігі двух слаўных сыноў Беларусі, якія пакінулі яркі след у айчыннай культуры і гісторыі беларускай дзяржаўнасці, не страцілі актуальнасці, адзначыў Старшыня Палаты прадстаўнікоў:

— У іх ёсць глыбіня, сапраўднасць, абвостраны псіхалагізм, увага да лёсу простага чалавека, з яго пачуццямі, думкамі, перажываннямі,  на пераломных этапах гісторыі. І сёння наш сучаснік, які задумваецца пра сэнс жыцця, прызначэнне чалавека, праблемы эпохі, маральны выбар, можа знайсці многія адказы  на свае пытанні ў творах Шамякіна і Мележа.

💬 Ігар Сергяенка падкрэсліў, што лёсы пісьменнікаў вельмі падобныя:

—  Абодва нарадзіліся  ў звычайных сялянскіх сем’ях на беларускім Палессі. З дзяцінства спазналі нялёгкую сельскую працу і пры гэтым вучыліся, шмат чыталі і спрабавалі свае сілы ў літаратурнай творчасці.
І адзін, і другі прайшлі суровае выпрабаванне Вялікай Айчыннай вайной, захаваўшы гонар, чалавечую годнасць, любоў да людзей і ўласцівае беларусам абвостранае пачуццё справядлівасці. У першыя пасляваенныя гады Мележ і Шамякін увайшлі ў вялікую літаратуру. Абодва пакінулі багатую творчую спадчыну. Іх кнігі выдаваліся мільённымі тыражамі, перакладаліся на многія мовы свету. Па іх зняты фільмы і пастаўлены спектаклі.А галоўныя працы класікаў — «Палеская хроніка» Мележа і пенталогія «Трывожнае шчасце» Шамякіна — ўвайшлі ў скарбніцу нацыянальнай і сусветнай літаратуры.

🔼 Разам з тым, інфармацыя пра гэтых гістарычных асоб будзе няпоўнай, калі не ўзгадаць пра іх грамадска-палітычную дзейнасць, дзе яны таксама праявілі сябе як сапраўдныя патрыёты, дадаў Старшыня Палаты прадстаўнікоў:

— Іван Пятровіч Шамякін быў членам Цэнтральнага камітэта Камуністычнай партыі Беларусі. Неаднаразова выбіраўся дэпутатам Вярхоўнага Савета СССР і БССР.  Амаль паўтара дзесяцігоддзя ён кіраваў работай вышэйшага прадстаўнічага і заканадаўчага органа Беларусі (восьмае — дзясятае скліканні). Іван Паўлавіч Мележ дзевяць год быў дэпутатам Вярхоўнага Савета БССР (сёмае — дзявятае скліканні).

❗️Старшыня Палаты прадстаўнікоў:  ідэі, ў якіх былі перакананы Шамякін і Мележ, глыбока сугучныя палітыцы, якую праводзіць сёння Прэзідэнт🇧🇾

☝️Як і цяперашнія заканадаўцы, Шамякін і Мележ жылі клопатамі сваіх выбаршчыкаў. Пісьменнікі часта выступалі перад працоўнымі калектывамі на прадпрыемствах, у арганізацыях, студэнцкіх аўдыторыях, дапамагалі жыхарам у вырашэнні іх надзённых праблем, звярнуў увагу Старшыня Палаты прадстаўнікоў:

— Абодва запомніліся як даступныя, чулыя і ўважлівыя людзі. Прайшоўшы суровую школу жыцця, яны выдатна разумелі, якімі клопатамі жывуць звычайныя працаўнікі. Шамякін і Мележ былі цвёрда перакананыя, што, будучы мастацтвам кіравання, палітыка, як і літаратура, павінна адпавядаць крытэрам маральнасці, а галоўным прынцыпам, якім кіруецца ўлада, павінна быць сацыяльная справядлівасць. Пагадзіцеся, гэтыя ідэі глыбока сугучныя той палітыцы, якую праводзіць сёння Прэзідэнт суверэннай Беларусі Аляксандр Рыгоравіч Лукашэнка🇧🇾. Ён падкрэсліў:

💬Праўдзівае, адказнае і сумленнае роднае слова — залог кансалідацыі грамадства, на падмурку якога мы зможам і ў далейшым паспяхова будаваць незалежную, моцную і квітнеючую краіну.

➡️І мы, цяперашняе пакаленне дэпутатаў Палаты прадстаўнікоў, працягваючы справу нашых вялікіх папярэднікаў, строга прытрымліваемся гэтай лініі ў сваёй дзейнасці, адзначыў Ігар Сергяенка.

"Гэтыя творцы — гонар нашай Беларусi 🇧🇾"

Падчас творчага марафона, прысвечанага святкаванню 105-годдзя з дня нараджэння Івана Мележа і Івана Шамякіна, шла размова пра асобы пісьменнікаў і іх асабістую ролю ва умацаванні нашай краіны.

💬 З прамовамі выступілі Старшыня Палаты прадстаўнікоў Ігар Сергяенка, старшыня Саюза пісьменніка Беларусі Алесь Карлюкевіч, дэпутат Уладзімір Гаўрыловіч, загадчык кафедры беларускай і замежнай літаратуры БДПУ ім. М.Танка Ірына Мішчанчук, доктар філалагічных навук, прафесар БДПУ ім.М.Танка Тамара Тарасава.

⚡️Падарунак для удзельнікаў сустрэчы падрыхтавалі землякі класіка — артысты мазырскага драматычнага тэатра ім. І.П.Мележа выступілі з урыўкам са спектаклю "Людзі на балоце".

👏Гучныя апладысменты выклікала выступленне народнага вакальнага ансамбля "Спадчына", кіраўніком якога на працягу многіх гадоў з'яўляецца родная пляменніца пісьменніка Лілія Мележ-Краўчанка.

Перад пачаткам творчай сустрэчы Старшыня Палаты прадстаўнікоў Ігар Сергяенка і дэпутаты азнаёміліся з тематычнай выставай, якая разгарнулася ў фае актавай залы БДПУ ім. М.Танка.

✅ Прэзідэнцкая бібліятэка прадставіла кніжна-дакументальную выставу “Волаты зямлі палескай”, Нацыянальная бібліятэка — перакладныя выданні Івана Шамякіна і Івана Мележа на некалькіх мовах.

🎥Былі прадэманстраваны нават i касцюмы Васіля і Ганны да кінафільмаў "Людзі на балоце" і Івана Батрака "Вазьму твой боль".

✍️У сваю чаргу Гомельская абласная ўніверсальная бібліятэка ім. В.І. Леніна арганізавала планшэтную выставу па творчасці Івана Шамякіна, а таксама прадэманстравала асабістыя рэчы з кабінета Івана Мележа.